ع السرير الابيض شفـت المـوت بعيونـي
حاولـت مــا ابـيـن لأغـلـى الـنـاس بـاسـي
وجهـه الحـزيـن ودمــع عيـونـه عذبـونـي
يحـب جبيـنـي.. وشــوي يمـسـح بـراسـي
يـقـول لفقـدتـك فـقـدت انــا والله عـيـونـي
ودي الوجع اللـي بجسمـك يـدب بأنفاسـي
سلامتـك يااللـي افـداه بـروحـي وعيـونـي
انـا مـن لـي غيـرك يــا بـعـد كــل نـاسـي
اضـحـك وكــن الاوجــاع مـعــه تـهـونـي
وكـان يضحـك معـي اغلـى حبـي وناسـي
قالـوا مـن هـو حبيبـك والـكـل ينشـدونـي!
مـا دروا ان ابـوي عزوتـي وتـاج راسـي
ابـوي يـا اغلـى حبيـب يــا نـظـر عيـونـي
مشـاعـري عـجـزت بـالـوصـف تـواســي
أخــلاقــك بـطـاعــة الـرحـمــن ربــونـــي
والا حسنـك! خلـق الله صورتـي بسـاسـي
افتخـر لقالـوا شبيهتـه والفخـر يعجـزونـي
افتخر لقالـوا ابـوك فـلان؟ رفعـت راسـي
افتخر لمشيـت معـك ودي الكـل يسألونـي
ذا ابوك ؟و من الفرحـه استرجـع انفاسـي
تذكر يا اغلى بشر يـوم يدينـك حضنونـي
مابـي يتيمـة بتالـي الزمـن ينحنـي راســي
وعدٍ ما تنزل هيبتك ولاعاش اللي يذلوني
ولا عـشـت بـيـوم ٍ اذل شـامـخ الـرواسـي
افداك بروحـي وكـل جوارحـي يشهدونـي
اني على حبل الوفـا .. مـا اخـون ساسـي
تدري افكاري يا بوي من النوم يحرموني
العـن ابليـس واتعـوذ مـن شــر هوجـاسـي
بس ذكريات الماضـي / تحـدن وغلبونـي
ودي لفقدتك تطلع الـروح وتنكتـم انفاسـي
ابنتك ـ يتيمه من بعد امي