مدونة تماضر الخنساء حمزة

بفتِّش في جموع الناس..بفتِّش عن شبيهاً ليّ
خيال مليان جراح..مليان..منو البتزيد جراحو عليّ
حليلك قلبي ياحزنان حليلك ياالقليب النيّ
هوَّ الباع ..هوَّ الخان وموَّت للغرام الحيّ
سيبو إفتِّش تاني عن إنسان مابلقى ليك ال ذيّ
قرقرابك ضحكتي الصافية وكت شوفتك مواسم ريّ
أسمِّي اللحظة بي جيتك..وأعيِّد يوم بتضحك ليّ
وأحارب دونك الأكوان..
ودونك الأعراف..
ودونهم إنتا تغدر بيّ

!
صحيح كان الغرام ..عِلَّة..وصحيح ..أخلفتا فيني الكيّ
خلاس حنيت..
وجيت ترجع..ترجع ومن تاني تلعب بيّ؟؟

أبعد عيونك ديل
قصاد عيونك ديل قراري مابي إيديّ
شيل عيونك ديل
مابقدر أقبِّل صاد
عاوز أقبِّل صاد
خِدْرَت كمان كِرعيّ

لو بتطاوعيهو ياعينيَّ يحرم عليك الضيّ
ولو حنَّ القليب تاني..السويتو ببقى شويّ.