مدونة تماضر الخنساء حمزة

الزول ..السمح..
ياريتني لو فيك إترسم
أتلونك لون الفرح
أتوسدك وإنتا الغمام
أتلمسك وإنتا الجرح
ياريتني لو بكتم هواك
مشاعري ديمة بتنفضح
ريدتي فى عينيَّ ظاهرة
وشوقي للزول السمح
قلبي فارد ليك شراعو
وأبواب محنة بتنفتح
أنا بيكا أدمنتا السماح
والبيَّ.. فيكا كتير سرح
وشلتا من عينيك أغاني
بان غرامي.. وإتضح
رتلتا ريدك في وريدي..
ونسجتا من دمي ..السبح..
وكانت اللهفة ..الخرز..
الفيها قلبي ..كتير..سبح
دمايا في خلوة ..وسجود
ماالشرعو ريدك. ..أكيد رِبِح..