الملف الشخصي
- الاسم: Tamadur Hamza
القائمة
حديثا...
استطلاع الرأي
التصنيفات
Syndicate
20 كانون اول, 2006
يا جاي من جواي اكيد
خطواتى زى.. تبعد
وألقاها ترجع ليكا تانى
وقلبى ماداير يفارق
يهجر الحب والأمانى
إشتقتا ليك قبال أسافر
واللهفة فى بعدك تعانى
وكيف بضيع لحظة سلامك
إحساسى بى خطو الثوانى
وتهرب الكلمات تهاجر
تبدا مشوار الأغانى
ولسه إيديّ فى إيديكا
وإنتا بتهدهد حنانى
وزى حسابك لى رجوعى
ألقانى بستعجل زمانى
وألقاها ترجع ليكا تانى
وقلبى ماداير يفارق
يهجر الحب والأمانى
إشتقتا ليك قبال أسافر
واللهفة فى بعدك تعانى
وكيف بضيع لحظة سلامك
إحساسى بى خطو الثوانى
وتهرب الكلمات تهاجر
تبدا مشوار الأغانى
ولسه إيديّ فى إيديكا
وإنتا بتهدهد حنانى
وزى حسابك لى رجوعى
ألقانى بستعجل زمانى
ياجاي من جوايّ أكيد
يا صهوة الفرح البيسرج
من حنين جواك بكون
نفر من كل فارس
يوم جمح بالشوق لهيب
والسكة فارقت السكون
قدل باللهفة مسرع
إتلقانى فى سكة محبَّة
إتلبَّس الخطو ..الحنون
أنا مانى أوَّل طيف بزور
ولانى أوَّل من عِشِق
لكنى أوَّل ..فيك بكون
ديمة بقنعنى القليل
إلا بس عندك بقيف
ياأبقى كلك أو ..أكون
برضي كلك وماكتير
إنى أحلم بالنبض
إتلفَّا فى روحك شجون
أو حتى أرسم من مُناي
نظرة تتلبَّس رموش
سموها منك هى العيون
أنا بس بريدك وبرتجيك
إمكن وأظن الشوق إجيك
ومرّة ترتاح الجفون !
وأشوف عيونك يوم غفت
وأنا جوَّة بهديها النعاس
ويمكن كمان بعض الجنون
ياقصة الريد المسافر
ماملَّ من ترحالو شوق
لاهدَّت اللهفة المسافة
لابطَّلنا نحلم ...بالشروق
أنا فيكا بتعبنى الملام
بتقاسم الحزن المنام
الجرح بيتاور..يفوق
يصحى كل تشواقى ليك
والحلم بيراود مجيك
ويحمل الآمال ..إسوق
لى مشرع الزمن التلاقي
نهدي نبضات الثوانى
شوقنا تتمهَّل تروق
!
وياروعة الحرف البيرقص
جوَّة أبياتك قصيد
وينفدع بى لهفة ريدي
ياخد الشبَّال جديد
من شوق بيرسم فى المعانى
ويانى بشتاقك أكيد
والسكة لو بتجيب سفر...
أنا بعشق الترحال شديد
والفكرة مامنِّى وبراي
ماإنتا يالشوقك فريد
حرَّكتا عصب الذكري فينى
جوايا لحنتا النشيد
واللهفة غنَّت كل غنانا
صرَّحت إنِّى البريد
زولاً ملك عصب الحواس
عنادى أصبح بيو شهيد
وأنا بكتب عليك :
إنتا الفرح
وآخر سكة العشق الخرافى
إنتا ياريدى الوحيد
وياروعة الحرف البيرقص
جوَّة أبياتك قصيد
وينفدع بى لهفة ريدي
ياخد الشبَّال جديد
من شوق بيرسم فى المعانى
ويانى بشتاقك أكيد
والسكة لو بتجيب سفر...
أنا بعشق الترحال شديد
والفكرة مامنِّى وبراي
ماإنتا يالشوقك فريد
حرَّكتا عصب الذكري فينى
جوايا لحنتا النشيد
واللهفة غنَّت كل غنانا
صرَّحت إنِّى البريد
زولاً ملك عصب الحواس
عنادى أصبح بيو شهيد
وأنا بكتب عليك :
إنتا الفرح
وآخر سكة العشق الخرافى
إنتا ياريدى الوحيد
تعليقات
A service provided by Al Bawaba