مدونة تماضر الخنساء حمزة

وكتبتا ليك محنه من حرفى الفريد

حرفاً ولوف كايس الفرح ماقاسى زول

ديمه برسم فى الأمل لوحه لى زمناً سعيد

كتبتا ليك حبراً يقالد فى الورق

وحروف تسالم فى بعض

وسطراً بينزف من وريد

كتبتا عن زمنى الوجع

وريدى البيرفع فى الوقع

فى دنيا موعوده بحلم

تحقيقو مرهون بالبعيد

حروفى مابتعرف خفا

واضحه ماطلبت ستر

غنيها دوزِّن فى النشيد

كتبتا ليك لحظة شروقك

لحظة تخطيك ..البقع

شمساً محت ليل الوعيد

كتبتا ليك سراً مُذاع

ريداً معانيه الصدق

مرجع إقراهو البريد