الحياة | شكرا لك

كل ما يتعلق بالحياة بمختلف جوانب الحياة وخاصة المرأة

شكرا لك

22 آذار, 2009

كانت اليوم تحدثني عن مواصفات فستان فرحها ولا ادري لماذا خطر في بالي تلك الفتاة المسكينه التي قتلها اباها واخوتها من كثرة الضرب ولماذا تخليت وجهها تقول كنت احلم بأن اكون مثلها كانت تحدثني عن تصميمة الفستان والطقم الكريستال الذي تريد ارتداؤه وما هي الخيارات التي تملكها ولكني في نفسي كنت اسمع صوت تلك الفتاة تقول لم يتركوا لي خيارا فهم قتلوني وحرموني من حقي في الحياة
كانت سعيده وهي تتحدث عن بيتها وتصميمها له وما اللون الذي تريده في الصاله والصالون وكنت اراها تتألم في مخيلتي وتطلب النجده لكن من ينجدها فهو امر لا يعني احد فهو يعمل على تربيتها
لم اكن اريد الحديث عنها الا انني رأيتها تلوم وتقول تحدثت عنهن جميعا ومن الذي افقدني حقي في ان تعبري عن ألمي فشعرت اني اقتلها مرة ثانيه في تجاهل موضوعها فقد اصبحت مثل جحا مادام النار مش واصله ذقني انا بخير لكن هل حقا انا بخير وهل حقا كل امرأة في الاردن آمنه على حياتها لا ادري لكنني في السابق اتحدث عن تلك الجرائم علها تجد من يجيب النداء وصراخ القتيلات السابقات واللواتي سفكت دمائهن من دون حق
ولكن ما الذي نستطيع ان نقوم به ؟وما هو الحل وما هي النهايه ؟ها انا ذا اتحدث عنك الا اني عاجزه فأنا لا املك من القوة الا قلمي كم كان طموحي الوقوف في وجه كل مجرم يقتل امرأة الا انني لم استطع ارتفعت المطالبات للنواب الافاضل الذين اعتبرونا سببا رئيسيا في انتشار الرذيله فاصبحنا نريد الدفاع عن انفسنا قبل ان نثبت حقنا في الحياة أليس غريبا ان يتحكم في عقولنا افكار حاربها الاسلام منذ اجل
كم شعرت بالخجل حينما قرأت مدونة قويدر وشعرت انني تنازلت عن ما كان قضيتي وقضية كل النساء في الاردن لماذا نحتاج الى من يتحدث عنا لماذا لا نقولها نحن ونطالب بحقنا في الحياة اعلم ان الرجل النصف الثاني من المجتمع وهو رفيق المراة لكن عندما حاربت المرأة من اجل حقوقها في العالم كانت بدايتها مع امرأة لماذا نحن النساء العربيات مازلنا ننتظر الرجال ان يمنحونا امرا نستطيع ان نحارب من اجله لماذا

قد يكون السبب فيه هو الطريقه التي انشأنا فيها المجتمع وهي التبعيه المطلقه للرجل وان رأي المرأة ما هو الا كمالة عدد مثل النساء الموجودات في البرلمان كانت المرأة الوحيده صاحبة الصوت الرنان هي توجان فيصل لكن الآن لم نعد نرى اي من النساء الا الخنوع والسكوت ولا يستطعن المحادثه مع النواب التي لا تعلو لغتهم عن طوشه في سوق خضره والذين طبعا مساكين لا يملكون وقتا فهناك قضايا اهم وهي الكوتات الخاصه لهم والامتيازات التي لا يستحقونها
صراحه اشكر قويدر لتدوينته التي دفعتني الى وجوب الحديث عن هذه القضيه التي تعد قضيه كل امرأة اردنيه حتى وان لم نعاني منها فهي قضية فكر اكثر من انها قضيه قانون

بواسطة sozan 21:41 | عام | تعليق(8) | الرابط الثابت

تعليقات

مرحبا سوزان

بتعرفي انا بحس انه في كتير قضايا خاصة بالمراه عنا بس كلها مخفية يعني تعتيم اعلامي على الاخر

وخصوصا اذا كانت جريمة شرف على قولتهم يعني حتى المسؤولين بيغطو على الموضوع

ما تنسي عنا مجتمع عشائري كبير ومش معقول يعني ياويلو ويا سواد عينو اللي بيفضح حاله بس عاد تعالي شوفي هل الرجال كيف بتفاخرو بنزواتهم
واحنا اصلا بلد المتناقضات
من جهة عنا مجتمع محافظ على قولتنا ومن جهة تانية بندعم العولمة الخالعة

شكرا على طرحك لمواضيع مهمة

nana | 23/03/2009, 13:39 [ الرد ]

يمكن كل واحد بتطلع على الموضوع من زاوية خاصة فيه ... يمكن ما توصل الموضوع للقتل والذبح من حولي هون ... بي شو انو الاخو يخاف على اخته لدرجة انو ما ضل الها خصوصية او حتى صارت تخاف من مجرد شعور اعجاب بشخص معين .. اذا حس وبده يصير هيك شي .. بيجي باسهل الاحوال بحكيلها انتي الثقة اللي عندك انهزت من طرفنا .. ولازم تكوني متل اللعبة الخشبية ونحنا بنحركك ... وحتى الاهل ما بعارضو على الاخو اللي صار زلمة بنظرهم

سوزان على الوضع اللي هون والجيل اللي طالع العن وعقليته متخلفة اكتر من ابأئهم ... هم كشباب بعملو الي بدهم ياه .. يكونو مولدنين ما حد بسال .. مراهقين .. يلا حراام فترة وبتعدي !!.. وكله تحت مضلة الشب حمال عيبة بس البنت لاأأ

اي شي بتعمله بمسها وبتشوه اسم العيلة ..
انا ما عم بحكي انو بدي البنات يفيعو وما حد يقدر يمسكهم .. ويعملو متل ما بدهم وعلى شور راسهم ... واساسا ما بقتنع بالحضارة المفتوحة لدرجة انو ببطلو يفرقو بين عيب و مو عيب
اخر فترة كنت مكتئبة وانا بقارن بهالشغلات وبفكر انو شو حق الوحدة عنا غير الشي اللي بعطيها ياه والدها او اخوها او زوجها .. ومتل ما حكيتي نائبات وضلو ساكتات ... هدول المفروض يكونن الواجهة !!!

يعني انا لسى بفكر بالمستقبل الي شايفيته اصعب وبخوف اكتر !!

شكرا الك لطرحك الموضوع

eNAS | 23/03/2009, 18:16 [ الرد ]

تعرفي ايناس استعجلتي علي كنت رح احكي عن هالموضوع في التدوينه الجايه
لا تكتئبي لكن اعرفي انه في ايدك تغيري في المجتمع من خلال عملك من اجل التغيير في فكره ودائما طريق الالف ميل تبدا بخطوة

sozan | 23/03/2009, 20:23 [ الرد ]

اهلين نانا شرفتي المدونه وعفوا :)

sozan | 23/03/2009, 20:27 [ الرد ]

اسفة سوزان يمكن كنت مندفعة اكتر من اللازم وانا بحكي :)

يمكن حكيت هيك من واقع تجربتي الضئيلة اللي ما عم شوف منها شي مفرح , رغم كون البني ادمية بتحافظ على نفسها , ويمكن يكون نادر من أمثالها بالبيئة اللي حوليها , بس هاد ما بعني انها ممكن تكون مشروع غلطة !! او لا سمح الله فضيحة , يعني اذا عطو ثقة , بتكون مسلطة تحت الاشعة الفسف~بنفسجية

بتمنى اوصل لحل !!!

و اكييد بستنى بتدوينتك الجاية :)

eNAS | 23/03/2009, 20:42 [ الرد ]

أنا دايمن بحكي ومقتنعه برأيي

كل بنت هي في مجتمعنا مشروع فضيحه

ولا عزاء للسيدات

ميّاسي | 23/03/2009, 23:54 [ الرد ]

تعرفي ميسو والله انك صدقتي في هالكلمه اللي من اول ما تنخلق وهمه يحكولها الله يستر عليكي :)

sozan | 24/03/2009, 01:05 [ الرد ]