الله ينصر اخوننا في غزة

شكرا اخي الكريم ع طرحك الجميل

توبيكات | 31/12/2008, 02:17 [ الرد ]

هسة ما لقيتي إلا عادل إمام حتى توخذي الحكمة (أو الذلة) منو؟؟؟ فعلا هذا زمان الرويبضة!! أي اقتصاد هش هذا الذي سوف ينهار من فتح الحدود للتبادل التجاري مع غزة أو مرور بعض الأشخاص لضرورات الحياة وأي نازحين و أي بطيخ. العرب و بخاصة المصريين (إلا من رحم ربي) عندهم عادة وسخة و هى عبادة الحكام و تبرير أي تصرف شائن يقومون به و يشعرون بالغضب عند انتقاد أي شعب عربي آخر لحكامهم. و هذا لا يعني في جميع الأحوال براءة بقية الأنظمة العربية و محمود عباس في مقدمتهم.

الحق المر | 31/12/2008, 04:53 [ الرد ]

أهلا استاذي الحق المر :)
مهلك علي شوي انا ما اخذتها منه انا عندي نفس الفكره من قبل الا اني لما قرأت الخبر وشفت الكثيرين قاعدين بهاجموا في حين انه كلامه صحيح مئه بالمئه
اولا ليش مصر تنلام للهجمات العسكريه ليش نسمح لواحد مثل نصر الله يبني انتصارات كذابه باسم الخطابات الرنانه وليش وليش واهم ليش ما سمعت حدا لام عباس وحركة فتح على الرغم انه اساس المشكله هي الفرقه اللي احنا فيها واحيانا الاحمق ممكن ينطق بدرر توعي الذكي بس بدك مين يسمع
واهلا وسهلا فيك

sozan | 31/12/2008, 05:10 [ الرد ]

أهلا استاذ توبيكات والعفو مجرد رأي

سوزان | 31/12/2008, 05:11 [ الرد ]

"المصري على حكامه الامر معروف لماذا مصر لا تريد ان تفتح معبر رفح اولا لانها لا تريد موجه من النازحين الذين يفقدون حقهم في العوده مجرد الانتهاء من الحرب وهذا نفس الامر الذي يعاني منه لاجئين 48 و67 السبب الثاني وهو امر خاص باقتصاد البلد الذي لديه الكثير ما يدور في فلك اسرائيل حاله حال العديد من الدول الاخرى "

تحليل خاطيء يا ست سوزان .. الهم الاساسي لمصر الان هو القضاء على حماس تخوفا من المد الاسلامي في حال قامت حكومة حماس. والدليل ان مصر اصلا اغلقت المعابر من اكثر من سنه واي مصري كان يحاول ارسال المساعدات الى غزه كان يعتقل قبل خروجه من القاهره !! وهذا الكلام حصل امس واول امس .. منعت مصر دخول حتى رغيف خبز واحد الى غزه. واعتقلت كل من حاول جمع التبرعات
من جهه اخرى الفلسطينيون تعلمو الدرس من 67 و 48 لن يخرج فلسطيني واحد من ارضه.
اما بالنسبه لاقتصاد البلد فمصر تمد اسرائيل بالغاز بالمجان حسب اتفاقيه لم تجلب لمصر سوى خسائر اقتصاديه هائله.

ولو فرضنا جدلا ان الكلام اللي قلتيه صحيح .. هل هذا يبرر حبس مليون مسلم في سجن كبير وتركهم ليموتو من الجوع !!

بالنسبه للخروج على الحكام . فالشعب المصري اكثر شعب في العالم قرفان حسني مبارك وحكومته اللتي لم تجلب لمصر سوى الدمار والفساد.

انا بعرف ان انت لك موقف سلبي من حماس . بس ما لازم توصل الامور للبحث عن مبررات لاسرائيل لقتل الفلسطينيين وعن مبررات لمجلرم متخاذل مثل حسني مبارك والكلب الاخر محمود عباس لحصار وتجويع الناس
.

حقيقه ان كان لهذه الازمه اثر ايجابي فهو انها كشفت عن معادن الناس. عمري بحياتي ما توقعت ان عربي مسلم يبرر قتل وحصار الشعب الفلسطيني.
الاعلام الامريكي والساقطين من العرب امثال الكلب عادل امام والاعلامي عمر اديب هذه الايام ليس لهم هم سوى ابراز خطر صواريخ حماس وكيف ان من حق اسرائيل الدفاع عن نفسها ومن حق مصر مساعدة اسرائيل وان حماس هي السبب والكثير منا للاسف يردد هذه الاسطوانه كالببغاء .. يا خساره

انس | 31/12/2008, 05:49 [ الرد ]

عذرا أنس انا ما الي موقف معادي من حماس او فتح لكن انا انسانه تكره انها ترى ابناء بطن واحد وحللوا دم بعض وانت فاهم انا عن شو باحكي

سوزان | 31/12/2008, 06:02 [ الرد ]

الشغله مو تبرير ولا شي عمر القتل ما كان اله مبرر
لكن انا بتكلم بمنطقيه يا انس ممكن تكون مؤلمه الا انها صراحه هذا رأيي احنا ما النا حق نلوم حد واحنا داخل ارضنا مش متفقين لما يكون القلب مش واحد عمري المصير ما كان واحد يعني انا صراحه اللي خلاني احكي بهالموضوع ويمكن يكون متأخر انه شفت في يوتوب فيديو لفتح تتحدث فيه مجزرة حماس ضد معتقلين فتح قال استخدمتهم دروع بشريه !! يعني احنا مندعي على بعض بدك اللي بره يمسح بايده على جرحنا الصلاح بيجي منا اولا مش من مصر اذا احنا انصلحنا ما نحتاج حد مثل مبارك بمن علينا

سوزان | 31/12/2008, 05:57 [ الرد ]

انا قرأت لك سابقا عن اليهود وذكرتي فيه عبارة

"لازم نتقبل الطرف الآخر لانه من المنطق ما راح يتركوا البلد فخلص ليه ما نتقبل وجودهم وهم ايضا يتقبلوا وجودنا"

شايفه الفرق بينا وبينهم .. هم عقيدتهم الاساسيه عقيدة اقصاء اخر فلسطيني من فلسطين تمهيدا لمشروع دولتهم الكبرى .. هذا العام عدد الشهداء الفلسطينين تجاوز الالف بالمقابل كان هناك 4 قتلى يهود !!! شايفه كيف انو احنا مجرمين ولازم نصفي نيتنا ونتعامل مع اليهود على انهم بشر !!

بعدين مين حكالك انهم ما رح يطلعو من البلد .. بحب احكيلك ان الصليبين احتلو القدس 400 سنه والمسجد الاقصى تحول ايامهم لاسطبل للخيل .. ولكن بعد 400 سنه صلاح الدين طردهم كالكلاب .. فالمنطق اللي بتحكيفيه مرفوض .. بعدين انت نسيتي الاشي الاهم اللي بالنسبه الي هو الحق الي ما بقبل جدال وهو ان الله وعدنا في القرأن بزوالهم .. وان شاء الله سيزولو كما زال غيرهم

انا عشت في فلسطين فتره من عمري وشفت كيف اليهود بيعاملونا كالغنم على المعابر وكيف بنظرولنا ككائنات لا تستحق سوى القتل .. وطبعا وجدنا من ابناء شعبنا امثال عرفات و عباس ومبارك وحاشيتهم من قدم لهم يد العون.

كيف بتطلبي مني اتقبل من سرق ارضي وقتل ابناء شعبي وجوعهم . كيف بتطلبي مني اعزمهم عندي في البيت ..

الرسول صلى الله عليه وسلم قال لا تزال طائفة من أمتي ظاهرين على الحق لعدوهم قاهرين، لا يضرهم من خالفهم او خذلهم، حتى يأتيهم أمر الله – عز وجل – وهم كذلك، قالوا: يا رسول الله وأين هم؟ قال : ببيت المقدس وأكناف بيت المقدس"

الموضوع واضح وكل واحد بيعرف حاله مع اي طرف ..

انا بصراحه مش قادر استوعب ودماغي رح ينفجر .. نكدتي عليه زياده ما انا مقهور ..

انس | 31/12/2008, 06:14 [ الرد ]

انا ما قصدت اليهود الموجودين في فلسطين هذا اولا وثانيا انا ما حكيت انه نعيش معهم من دون ما نتعلم منهم أنس احنا مشكلتنا انه احنا قضيتنا مسوقه خطأ يعني دايما احنا على خطأ في مبارح مقال على نيوروك تايمز صراحه لما قرأته شعرت انه هادكله معلومات غلط مساند للعمليه وانه اغلب الشهدا هم من المقاتلين ما في ذكر للاطفال وانا هون كان قصدي اني اتقبل لاني هون انا بدياهم وغيرهم يعرفوا انه الفلسطيني داخل الارض بعاني مو مثل ما الاخبار باتصور والي صاحبات كثير اجوا من الضفه كانوا يجتمعوا مع شباب يهودي من امريكا ويحكولهم اللي بيصير وكانوا يحكوا لي انه علامات الدهشه كانت ترتسم على وجوهم
اما شغلة راح يطلعوا فهاي مذكوره في القرآن وانا ما بجادلك فيها لكنها من علامات الساعه الكبرى واحتلالهم لفلسطين ما اجا من عبث لانهم عارفين انها الارض اللي رح يموتوا فيها
والله لا يقهر حدا

sozan | 31/12/2008, 15:53 [ الرد ]

فرضيه تانيه خاطئه "الفصل بين اليهود في فلسطين واليهود خارج فلسطين" .. انت اكيد بتعرفي ان الداعم الاساسي للوجود الصهيوني في فلسطين هم يهود امريكا اللي مسيطرين على الاعلام والاقتصاد الامريكي والنظام الامريكي لعبه بايدهم ..
ملة الكفر واحده .. بعدين بحب اذكرك ان الله قال
"لتجدن اشد الناس عداوة للذين ءامنوا اليهود"

ربنا ما فصل بين اليهود اللي داخل فلسطين واليهود اللي بره .. اليهود هم نفس المله بغض النظر عن مكانهم في العالم.

انس | 31/12/2008, 21:35 [ الرد ]

شكرا كتير الك أنس على كل المعلومات اللي قدمتها الي حقيقه أثريت المدونه
انا اصدق بكل كلمه قلتها الا انني اوجه سؤال واحد لك هل تعتقد ما تقوم به حماس وفتح يخدم المواطن الفلسطيني بعيدا عن اي انتماءات
ومبروك السنه الجديده التي نتمنى ان تخلو من الظلم والقتل والارهاب الله يرحم الشهداء وكل المسلمين ويهدي الغير المسلمين للطريق الصحيح

sozan | 31/12/2008, 21:45 [ الرد ]

المشكله يا سوزان انك عم بتدوري في فلك فتح وحماس وكأن اسرائيل قبل خلاف فتح وحماس ما كانت تعتدي وتقتل وتجوع الفلسطينين
افهمي اللي عم بصير . الاعلام الغربي الان والعربي بركز على نقطتين اساسيتين ان سبب الهجوم الاسرائيلي هو ان حماس مسيطره على غزه والسبب الثاني الخلاف الداخلي بين فتح وحماس
بس طبعا اسرائيل ما حد عم بجيب سيرتها
اليهود يا سوزان ما بدهم سبب لقتلنا والتاريخ بشهد من 1932 لليوم على المجازر الفظيعه اللي عملوها سواء في فلسطين او في لبنان
هلا بالنسبه للخلاف بين حماس وفتح فهدا كان امر لابد منه. خليني اسالك سؤال . ما ذا قدمت فتح للقضيه الفلسطينيه سوى الدمار والفساد والتنازل عن الحقوق وبيع دمائنا في لبنان والاردن وتونس واخيرا عندما عادو الى فلسطين في ال 95 عاثو في الارض الفساد .
الناس انتخبت حماس لان طغيان فتح وجبروتها ممثله بمحمود عباس ومحمد دحلان وغيرهم من القتله زاد عن الحد فالناس نزعوهم كما ينزع الثوب الوسخ وطبعا حماس اللي جميع اعضائها من ابناء فلسطين اللي عاشو طول عمرهم داخل فلسطين وقدمو اولادهم واموالهم لفلسطين شكلت الحكومه ومشي الحال . ولكن طبعا كيف يتنازل عشاق السلطه ورؤوس الفساد عن كراسيهم ومنابع الذهب من المساعدات الدوليه . لذلك بداو مرحلة الهجوم الحقير على حماس وطبعا بالتعاون مع اسرائيل والحكومات العربيه العميله في مصر والاردن والخليج
http://www.youtube.com/watch?v=FjO0Rr2qPpo
ولان النذل مستحيل يتخلى عن نذالته استغل الفاسدون الوضع الحالي لبث سمومهم واللعب على اسطوانة "لو سمعو حماس الكلام وتنازلو عن السلطه ما كان صار هيك"
وسبحان الله كيف ان ربنا لم يترك صغيره او كبيره الا ذكرها في القرأن
"الذين قالوا لإخوانهم وقعدولو اطاعونا ما قتلوا قل ادرءوا عن أنفسكم الموت إن كنتم صادقين "
يعني انا مبارح اول ما قرأت هده الايه حسيت حال اول مره بحياتي بشوفها .. سبحان الله بتلخص الوضع الحالي فقط بجمله واحده
و بالمناسبه الافلام اللي بتنشرها فتح عاليوتيوب كلها تلفيق اعلامي وكذب في كذب وجزء من لعبه قذره
http://www.youtube.com/watch?v=TvWs5xYqpMI

انس | 01/01/2009, 02:43 [ الرد ]

شكرا الك كتير أنس بقدر الك مجهودك في طرح كل النقاط التي كانت مبهمه وبشكرك على ذوقك في طرح أفكارك وحسن كلامك وانا باتفق معك انه المشكله من الاول مع فتح وسمعتها من ناس كتير في الضفه وانا عمري ما ساندت فتح ولا بعمري الا انني اشفق على كل انسان بيموت وبيفقد عزيز وفي النهايه ما في تغيير على الواقع
وشكرا كتير الك أنس

sozan | 01/01/2009, 02:53 [ الرد ]