الحياة | رزق الهبل ع المجانين

كل ما يتعلق بالحياة بمختلف جوانب الحياة وخاصة المرأة

رزق الهبل ع المجانين

21 تشرين ثاني, 2008

انا اليوم زهقانه شوي الا انه ومن خلال جولتي لقيت انه مش بس انا الفاضيه ومش لاقي شي مفيد اشغل حالي فيه الا انه أشياء كثيره غيرت في مزاجي شوي وانا بعمل جولتي الصباحيه في الانترنت

الاول كنت قاعده باسمع اغاني على موقع في اتصال على المحطات فضائيه فكنت قاعده باسمع وباشرب القهوة وباقرأ الاخبار من ماجده لاليسا وراغب وبعدين خير اللهم اجعله خير سمعت صوت معزه جد باحكي يمكن حتى المعزه فيه نوع من الموسيقى لكن هاد الصوت كان نشاز على الآخر حزركم مين كانت هالمغنيه اللي نزعت سلاسة الافكار كانت المحترمه كتير هيفاء انا الي زمان ما سمعت اغاني على التلفزيون وغالبا باسمعها على يوتوب يعني من الآخر اغاني منتقاه لكن سؤال يعني لميتي أكم من مليون من شان الله حلي عنا لا صوت ولا شي يعني بدي أفهم هلا هاي بتنزل سي ديات والناس تشتريها !!لا وكملت لما اجت رزان وأغنية والله انها ...مش عارفه شو احكي بس جد اذا هدول بحققوا مبيعات صدق اللي حكى رزق الهبل على المجانين

الامر الثاني كان مضحك كنت قاعده باتصفح في أحد المواقع واذا بعنوان " ماذا تعتقد حول حجاب الرجل الوسيم ؟" والموضوع كان نيله على الآخر يعني شوفوا التحليل عن جد بينفع نكته هالموضوع قال انه في خطيب أصدر فتوى في خطبة الجمعه قال ونظرا لما سببه مهند من حالات طلاق في الوطن العربي نظرا لافتنان المرأة العربيه بجماله فأنه من واجب درء الفتنه يجب على الرجل الوسيم ان يغطي وجه"

طبعا بعد ما ضحكت سألت حالي يعني هاد مهند اللي نفخوا راسنا فيه واعجاب البنات فيه ومنهم أختي الصغيره سأل حاله هاد الشيخ النساء العربيات بشو اعجبوا فيه ؟ اول شي انا بتذكر مره وحده في حياتي صابتني حاله من الهيام لما شفت شب بيني وبينكم هاي كانت في طريقي الى الجامعه وطلع هالشب وبصراحه ما شاء الله عليه كان جميل عندها عرفت الآيه اللي بتحكي عن سيدنا يوسف وكيف انه النسوان قطعوا أيديهم لاني جد كنت مغيبه لكن بعدها غضيت البصر وانبت حالي شو هاد منيح ما حد انتبه على كل الاحوال انه المراة العربيه انجنت بمهند لرومانسيته يا عمي الستات ما بيعنيها الجمال بقدر ما يكون هالرجال قادر على انه يحرك مشاعرها القلبيه افهموا مش الجمال اللي كان المحرك بس يمكن لعب دور بس كانت الرومانسيه الحب والمشاعر الدافيه اللي المرأة بشكل عام تفقدها من زوجها مع مرور الوقت بسبب الاشغال والحياة والاولاد

يعني سؤال بس رجاءا اجابه واقعيه مين اللي بيسمع لهيفاء ؟ باحكي سمع يعني تحط سي دي وتسمع !

بواسطة sozan 16:15 | عام | تعليق(9) | الرابط الثابت

تعليقات

انتي ليش غيرانة من هيفا؟ آه؟ :)

Qwaider قويدر | 21/11/2008, 17:06 [ الرد ]

انا غيرانه يمكن بس جد انت تسمعها !!!!!!!

سوزان | 21/11/2008, 17:08 [ الرد ]

I only listened to a couple of songs for Haifa just out of curiosity to see what is so fascinated about her..personaly,I don't like her. I think it is a matter of taste..but I can see what others see in her and it is not her voice. She is making lots of money and laughing all the way to the bank
I prefer Elissa or Nancy

Noura | 21/11/2008, 17:14 [ الرد ]

صراحه أظن انه هي اشبه بماميلا اندرسون هي لا الها في الغنى ولا الفن هي بس استعراض
وانا بفضل نانسي وأليسا أصواتهم حلوة كتير وتنسمع وشكرا الك نورا واهلا وسهلا

سوزان | 21/11/2008, 17:26 [ الرد ]

الصراحة، بسمعلها مرّات.. مع انّي بشكل عام ما بشوفها
معظم اغانيها راقصة و ايقاعية فالشكل و الصوت ما الهم اضافة كبيرة. على القليلة ما بتقعد تجعّر زي جورج وسّوف اللي الله يرحمو كان صوته زمان حلو
و انا عندي بغبغان ... غلباوي بنص لسان :)

Qwaider قويدر | 21/11/2008, 18:04 [ الرد ]

والله جد الله يرحمه :)
هاد اللي باحكي عنه لازم يسموها الفيرجن العربي من باميلا اندرسون
عن جد عندك بغبغان هاد من الطيور اللي انا بحبها وكبرنا وعناواحد وبعرف انه بيعيدوا شو ما كنت تحكي فدير بالك على لسانك:)

سوزان | 21/11/2008, 18:08 [ الرد ]

No actually I have a female dog :) she's awesome. Better than a 1000 parrots :)
(sorry, no arabic on this computer)

qwaider | 22/11/2008, 06:15 [ الرد ]

that's fine I can understand
a dog ! my daughter is asking me for one any recomandations

sozan | 22/11/2008, 06:28 [ الرد ]

Get a maltese or a yorkshire terrier .. they're cute, small , adorable and won't make a mess

Qwaider قويدر | 25/11/2008, 01:32 [ الرد ]