الحياة

طوّلي بالك!
انا تجنّبت الموضوع كله و ما كتبت عنه و لا كلمة لأنّي عندي قاعدة باتبعها ببساطة
مش كل شي صدر عى عالم صحيح! فريّحت راسي و قلت في نفسي، هوّة حر! مش اسرائيل كانت حابة تمنع افتح يا سمسم ينعرض لأنه بيحرّض على الإرهاب؟
على العموم لو الجماعات الإرهابية عرفت انه والت ديزني اتّهم بمعاداة السامية و دعمه للنازية كان عملو تمثال لميكي في نص ... السعودية!

Qwaider قويدر | 26/09/2008, 16:45 [الرد]

هذا حال الصحافة في العالم الإسلامي بأسره وليس فقط الدول العربية.. نحن نقلد فقط ولا جديد لدينا.. فمن يتعب نفسه في البحث عن الحقيقة..

أبو فارس | 26/09/2008, 16:46 [الرد]

مرحبا
اؤيد الزميل السابق اجل هذه حال صحافتنا العربيه والتي تكتب لمجرد الكتابه دون تحري الامر وكيف لا ونحن نحب ان نمشي وراء الشاعات التي دمرتنا منذ الازل اليست هي ذاتها الصحافه التي جعلت من هزائمنا انتصار
ليتنا نستطيع ان نقف ولو لمره واحده امام انفسنا لنواجها بالحقيقه لكن كيف ؟؟ ومتى ؟؟ الله اعلم ......
ودمت

ريما | 26/09/2008, 20:54 [الرد]

أهلا قويدر
انا كنت متجنبته بس لما لاحظت انه الكلام كان محرف وفوق كل هذا التوضيح ما يقعد أكتر ست ساعات ولما صدرت الفتوى قعد الخبر فوق اليومين هاد الشي اللي غاضني

سوزان | 27/09/2008, 00:34 [الرد]

هو الحال هيك آه بس صار لازم ينحط حد لهاالدخلاء على عالم الصحافه

سوزان | 27/09/2008, 00:36 [الرد]

اخت سوزان هل من الممكن أن أحصل على رابط موقع ميمري هذا إن أمكن..؟

أبو فارس | 27/09/2008, 04:19 [الرد]

طبعا أكيد
http://www.memritv.org/clip/en/0/0/0/0/0/0/1850.htm

سوزان | 27/09/2008, 04:31 [الرد]

يا عيني عليك .. فشيتي خلقي .. اللي روج الكذبه قناة العبريه .. عفوا قصدي العربيه بعدين رجعو اعتذرو.. وطبعا ابو محجوب رسام الكاراكاتير طلع اغبى من غيره وكان اول من تهجم على الشيخ وبلش يحكي يا امة ضحكت من جهلها الامم .. بس الحمد لله انقلب السحر على الساحر واحنا كلنا ضحكنا من غباءه .. طبعا هده المره التالته اللي بصير فيها لطم اعلامي على فتاوى مكذوبه متل فتوى ارضاع الكبير وفتوى قتل اصحاب الفضائيات ...

انس | 27/09/2008, 04:48 [الرد]

منشان هيك لازم نحاول نغير من هالصحافه اللي ما الها شغل غير الكذب وعدم الدقه
اهلا وسهلا أنس زمان عنك:)

سوزان | 27/09/2008, 04:51 [الرد]

طولي بالك يا ام عبد الله...
يمكن تكوني بتعرفي قصة مسمار جحا اللي دقه في بيت صديقه وكل يوم يروح عنده بحجة انو مشتاق للمسمار...:D
هلئ عنجد احنا صرنا شعوب غريبة...يعني اذا اخذنا الفتوى بعين الاعتبار واهتمينا فيها بتحكو انو لازم نتركها وما نشيلها من ارضها...واذا تركناها فعلاً بتحكو شو هالناس اللي مش فارقة عندها الدين ولا الشريعة...
صراحة وعن نفسي...كل يوم بطبل على راسي وبدق عليه بلاقي و الحمد لله انو عندي مخ..يعني بهرف افكر و احسبها صح...وعشان هيك مليون مفتي وشيخ ما بيأثروا بشعرة من راسي بالكلام السخيف و التافه تبعهم اللي متل هيك..
بعدين كيف "الشيخ" بيحكي انو تم قص ولصق مقاطع من الفيلم المصور واللقاء؟؟؟؟؟؟؟؟؟؟؟؟؟؟ يا ستي خليني احكي اني اعمى ما شفت الشيخ لما حكى...طيب معقول كمان اكون اطرش وما سمعته؟؟؟؟؟
اي صدقيني لا راكبة على مخي ولا بمخ حدا...
الشريط واحد والمقطع اللي تصور واضح وما فيه قص ولا كذب ولا بطيخ...
وبعدين ليش نسكت وما نحكي في هالموضوع؟؟؟؟؟؟؟؟ هالموضوع هو بخص دينا وحياتنا وعقيدتنا وشريعتنا؟؟؟فاذا احنا ما حكينا فيه مين يحكي فيه؟؟الفوكس نيوز ولا النيويورك تايمز؟؟؟
انا برايي انو كل فتوى يتطلع متل هيك لازم نعمل من الشيخ مسخرة ومهزلة علشان يعرف ويحس انو حمار...والكلام اللي حكاه مسجل علينا...
وما تحاولي تقنعيني الغرب لاحظ هاي الفتوى لانو احنا العرب حكينا فيها...هم شافوها ولاحظوها وحكو عنها قبلنا يا ام عبد الله...وللاسف المذيع اللي ما بسوا قرش مصدي صار يضحك علينا..ولاحظي انو كلمة علينا تعدو على (( المسلميــــــــــين)) يعني مش على فضيلة الشيخ الله يذكره بالخير..
اسف على الحدة في كلامي...بس عنجد شي بحرق الدم و الاعصاب...
تحياتي ام عبد الله..
ان شاء الله تكوني بصحة جيدة..

Mohammad B. Irshid | 27/09/2008, 23:36 [الرد]

أهلا وسهلا استاذ محمد
ما في حده ونقاشك فعال ومهم بتصور يمكن فيه شي من اللي حكيته صح بس برضو هاد ما بيمنع انه الصحافه تبعتنا مبينه على اساس الاشاعات مش البحث والتدقيق
بصراحه انا ما شفت البرنامج وبكذب عليك اذا حكيتلك انه انا بتابع لكن الشي اللي غاضني انه خبر الفتوى تبعت الميكي ماوس قعد لفتره طويله في الصفحه الرئيسيه لبعض الاخبار يينما خبر التكذيب والله ما قعد نص يوم هاد اللي خلاني احكي
والحمدلله انا بخير المهم انت كيفك؟

سوزان | 28/09/2008, 02:06 [الرد]

مرحبا سوزان
بداية الك التقدير على طرحك الذكي لمصايب تفشت بالمجتمع..طيب:و اذا قتلنا ميكي ماوس ولاَ قاطعنا مهرجان فاضي كلو مسخرة و قلة عقل شو بيصير بالعلم الجميييييل جداً؟!!!!!
من وجهة نظري محدودة الأفق بشوف انو الأشاعة اللي بدعونا لمعنى ممكن يصلح المجتمع او "بعض"سلوكياته لا "ضير"من اتباع "معنى"هاي الاشاعة يعني بنقاطع الميكي زفت و مهرجان الاردن اللي كانت ايام زمان بتشهد للفنانين اللي بغنَو مش بيتشلحو أو بيستعرضو زي هـ الخالع تامر حسني اللي حسب ما عرفت تذكرة درجة ثالثة لحفلتو ب 20دينار..
لابد انَا ندور على الاشاعات الكويسة و نفندها زي "سحَارة" التفاح اللي فيها الخربان و الصالح..
شكراً الك و بانتظار جديدك..
أنا معك بكل فكرة طرحتيها بهالمدونة

غسان | 08/10/2008, 05:40 [الرد]

أهلين استاذ غسان النا زمان ما شفناك
بصراحه الاشاعه ان كانت منيحه او غير بيضل مضلله وما بتقدم الحقيقه
العفو

سوزان | 08/10/2008, 13:29 [الرد]

العفو منك سوزان
انا ما حكيت انو الاشاعة مش مضلله,بس ممكن احياناً انها تصلح سلوكية معينة بالمجتمع..
مثلاً: اذا طلعت اشاعة انو الرز الموجود بالسوق مسرطن..علما بأن كلغم من الرز بالسوق حقو من 1-2.8 دينار و الناس مش ممكن تقاطعه حتى ينزل سعره..ف بهالحالة "ممكن" انه يكون تضليل "الاشاعة"هادي ايجابي..
على الأقل هي هيي وجهة نظري البسيطة..
تدومي بخير و كل سنة و انت سالمة يارب.

غسان | 09/10/2008, 05:37 [الرد]