الحياة

معلش سوزان بس مع احترامي الشديد فأنتي مخطأة و نظرتك سطحية جدا معتمدة على تجربتك المحدودة و الوحيدة.
ليس مصير كل الفتيات الى الزواج هو الإستعباد! و ليس كل الأزواج بلا تفهّم و قاتلون للحياة و لا يتوفر لهم الرحمة
و ايضا فتبعات الزواج ليست حكرا على الزوجة! فالزوج ايضا لا يعود يملك لا نفسه و لا ماله و لا حتى رأيه و لا حريته. فالزواج في النهاية مسؤوليه تلقى على عاتق الزوجين و يعاني منها الطرفان.
لكن يحدث كثيرا ان يعتقد الشباب ان الزواج هو هروب من جحيم الأهل الى نعيم الزوج. وهو بالطبع بعيد عن كل النعيم. وبالتالي تحدث خيبة الأمل!
ليست كل النساء جواري، و ليس كل الرجال سي السيد! بل الأكثرية هم في الوسط، يشاركون بعضهم البعض ضغوط الحياة و يعين كل منهم الآخر على آلامه و وواجباته

Qwaider قويدر | 25/08/2008, 19:12 [الرد]

كلام سامر مزبوط ١٠٠٪. خذ الزوجات مثلآ، اول اسبوع من كل شهر هو اسبوع ما قبل الدوره، ابعد عني،لا تضايقني بدها تيجيني الدوره، يم منرفزه وعايفه حالي. تاني اسبوع هو طبعا اسبوع الدوره، ابعد عني الله يوفقك، يعني نزلت علي الدوره اليوم ومتوجعه وحاسه بطني بده ينفجر، يعني مش شايفه الفضا، وكمان اطمئن ماطبخت ولا رايحه اطبخ طول الأسبوع، خذ ألأولاد على مكدانولد وحلو عن سمائي، وبعد مكدانولد خذهم على البارك عشان يلعبو وتعبو ولما يرجعو ينامو رأسا .أسبوع رقم تلاته،ابعد عني الله يرضى عليك يا دوبك خلصت الدوره وبدي ارتاح شويه يعني اسبوع زمان من الدوره ومن قرف الدوره، ليش يا ألله ما تخلي الزلم تيجيهم الدوره عشان يعرفو كيف احنا النسوان بنحس.أسبوع رقم اربعه ابعد عني الله لا يورجيك الي انا فيه،معدتي منفوخه ومنافسي دايغه وبستنا في الدوره بدها تيجيني هل يوميين.يعني الحياه الزوجيه كلها مربوطه بموضوع ما قبل الدوره،الدوره،ما بعد الدوره، وأخيرآ نحن في انتظار الدوره

Hatem Abunimeh | 25/08/2008, 21:52 [الرد]

أهلا وسهلا قويدر :)
انا لم أقصد الاستعباد بمعنى اللغوي ما قصده هو ان المراة تفقد السيطره على حياتها أكثر من الرجل لانه الرجل بيضل عنده نوع من القدره على ممارسة خصوصياته او هواياته حتى مع الزواج بعكس المراة
كمان الصدمه اللي حكيت عنها سببها وفي اغلب الاوقات انه الرجل لما يكون خاطب بيحب يعيش المرأة بالعسل وهون تكمن القسوة لانه هالعسل بيتحول الى بصل بعد اكتشاف الحقائق
انه الرجال سي السيد ....هلا بطل هالعدد الكبير اللي بمارس متل اعمال سي السيد في بيته لكن فيه انانبه نوعا ما في تعامل الرجل مع المرأة

سوزان | 25/08/2008, 23:10 [الرد]

صدقيني يا استاذتي العزيزة الغالبية العظمي من الرجال مغلوب على امرهم
و نصل طبعا الى نقطة محورية و هي عملية الكذب ما قبل الزواج. الكل بيكذب على الكل.. اللي بتحكي شعري طبيعي.. و اللي بتقول عمري ما عرفت حد قبلك . و نفس الحكي من الشباب طبعا ..
انا بصراحة مع فكرة انها تعرف كل شي عن زوجها قبل ما تتزوج. لكن المشكلة كل الشباب بتخاف تحكي واقع حياتهم لأنهم خايفين ينرفضوا.. يعني زي ما حكيتلك استاذتي مغلوب على امرهم.
على العموم .. برجع و بحكيلك.. مش الكل هيك .. في بنات ماخدين حقّهم و حق غيرهم تالت و متلّت و ما حب بيسترجي يفتح تمه معهم لا من قريب و لا من بعيد. و في بنات ... نص و نص :)
امّا بالنسبة للموضوع التاني .. فمعلش .. اعذروني

Qwaider قويدر | 25/08/2008, 23:56 [الرد]

يا سيدي مغلوب على امرهم مغلوب على امرهم لكن من الاحرى انه البنت تعرف لانه هاد كله بيأثر على العلاقات بين الطرفين وبيبطل فيه ثقه
وانا معك انه في بنات ماخده حقها ثالث مثلت وفيه بنات نص وفيه بنات حتى كلمة الحق بتخوفهم ...
اما الثاني هون باحكيلك من تحربه يعني انا زوجي مازال بمارس هواياته يعني على سبيل المثال بعد اسبوعين بده يطلع سكاي دايفنج وانا حتى مشوار دايفنج مو صاححلي فهون شو هاي مو انانيه لانه انا بفضل انه اعطي زوجي واطفالي كل وقتي وفي النهايه وانا عارفه ما رح يعطوني حتى ربع وقتهم !

سوزان | 26/08/2008, 00:04 [الرد]

اهلين استاد حاتم
انا شوي شيفه هاي كتير مضخمه يعني انا ما بنكر انه الدورة تقلب المزاج لكن مو للحد هاد
يا أخي يمكن مرتك عم بتطالب بشوية اهتمام
اهلا وسهلا مره تانيه وشكرا لمرورك

سوزان | 26/08/2008, 00:07 [الرد]

والله أنا ما اتجوزت لسا

بس الملاحظ انو الزواج مش هالاستثمار الناجح كتير في معظم الحالات

إلى جانب انو الواحد بيطلع من حكم ألف شخص لحكم شخص واحد (سواء الزوج أو الزوجه)

من كم المتزوجين اللي في حياتي بكتشف كل يوم أن الزواج مسؤوليه كبيره خاصه لما يشرفو أصحاب السعاده (الأولاد قصدي)

و ع قولة أختي؛ الكبار بيحكو عنو منيح:)

أنا شخصيا مش متشجعه أتزوج بالمره؛ فكرك في شي غلط يا سوزان؟؟

مياسي | 26/08/2008, 07:20 [الرد]

مرحبا سوزان ...
هاي اول زيارة اللي لمدونتك
شكلني اجيت بوقت , موضوع حساس شوي
وفي كتيير ارآء مختلفه لهالموضوع
اللي بحب احكيه
انو كلامك مزبوط ... بالنسبه ل 85% من الناس حولي اكتر من مزبوط
شو ما كانت الوحده بدها تهتم بحالها وتعمل اللي بدها ياه الروتين اليومي بنسيها هيك شي ... وبتبعد عن حالها شوي شوي ...
بس اللي حاطه ببالها انها بدها تتزوج ما بتفكر بهيك شي ابدا...و بتضل رهن الخيالات بعيد عن المسؤوليه والواقع... وهون بتيجي الصدمه بعد الزواج

بنضري لسا بكير على هيك حكي ... اساسا مش كتير مهتمه بهيك موضوع :)
بس انا شايفه البنات اللي من عمري ... كتيير مشغولين بهيك حكي ومواضيع :]

ومتل ما حكيتي
ما في حد مرتاح
اللي مش متزوج بضل هكلان هم قبل الزواج
واللي تزوج بتحمل المسؤوليه والهم بيجي بعدين

تحياتي سوزان شكلك ام رائعه :) الله يخليكي

eNAS | 26/08/2008, 09:56 [الرد]

أهلا ميسو :)
الزواج مؤسسه كلها مسؤوليات والمهم في الزواج انه الزوجين يكونوا صريحين الى ابعد حد وهاد في فترة الخطوبه لانه الصراحه بتهيأ البنت انه تعرف هي وين رايحه مش تدخل على قصور الهوا المبنيه وبعدين تكتشف انه وهم وانه كل اللي انحكي كذب
اما الاطفال صدقيني صحيح انه انا هلكانه معهم ويمكن احيانا بتمنى انه الله ياخدني من كثر التعب بس لولاهم كان حياتي كانت ممله

سوزان | 26/08/2008, 14:13 [الرد]

أهلا وسهلا أيناس
بصراحه انا ما كنت متوقعه انه الموضوع حساس بهالصورة
اما شغله البنات انا كنت بحي شعبي وكنت شايفه البنت شو بتعمل من شان تحصل على اعجاب ام لشب
اما الزواج بتصور اهم شي فيه هو الصراحه انه الشب والبنت يتعاملوا مع هالموضوع بنوع من الصراحه والصدق وبلاش هالخيالات الكذابه لانه الوحده بدها تبني بيت مع انسان لازم تعرف هي على شو مقبله
أهلا وسهلا

سوزان | 26/08/2008, 14:19 [الرد]

واضح انك غير سعيدة في زواجك انا متزوج وبعشفق مراتي وهي بتعشقني وشايفين الجواز احلى حاجة في الدنيا

wael | 27/08/2008, 07:08 [الرد]

Suzan, I will have to disagree totally with you, my case is the exact opposite. I always thought that marriage is a horrible experience filled with all the things you have described, howeverm when i got married, i changed my mind totally. My life is even better than it was before I got married. i think it all depends on the harmony between the couple. Ofcourse i don't claim that all marriages are happy,, but looking around to my married freinds as well, those who have married their partners out of love and understanding are very happy.

Reem | 27/08/2008, 08:56 [الرد]

أهلا وسهلا سيد وائل
مين حكي انه انا مش سعيده لانه السعاده شي نسبي لكن هناك امور كثيره المرأة تجهلها مع الزواج وتجهل قدر التضحيات وهناك جمله من النساء من لا تدرك هذه التضحيات وذلك بسبب كذب الرجال في مرحلة الخطوبه او السنون الاولى من الزواج

سوزان | 27/08/2008, 14:39 [الرد]

أحييك ريما
طبعا انا لم أقل ان تجربتي مع الزواج سيئه مازال زوجي يحبني ومازلت احبه لكن هناك امور لا تكون واضحه من قبل الزواج وهاد الشي انا وضحته قبل لذلك بيخلي المرأة تتوقع امور ولما تدخل القفص الذهبي تصحى على كابوس والسبب متل ما حكيت كذب الشاب وهاد الشي ما صار معي لحالي انا بس مع كتير غيري

سوزان | 27/08/2008, 14:44 [الرد]

المرأه و الطفل الصغير
يحسبان الرجل على كل شيء قدير

مثل شعبي:)

وسلامة فهمك يعني!!!

مياسي | 29/08/2008, 10:11 [الرد]

مرحبا جمعيا : انا اول مره باجي عل المنتدى والله الشغله صارت بالغلط لكن حبيت اشارك معكم ، الشي الذي لفت انباهي و لا واحد منكم نظر الى العلاقة مابين الرجل و المرأه في الاطار الصحيح ان لكل منهما الحريهالخاصه و المشاركة الجماعية لو كل واحد عرف اللي اله و اللي علية ما صار مثل هيك مشاكل على سبيل المثال سيدنا عمر بن الخطاب اللي عرف عنه بالقسوه و العدل و كان اللي هيبه المهم راح واحد مسكين من المسلمين يشكى اليه ظلم زوجته عليه من كثرة الطلبات و غيرها فلاقى سيدنا عمر هو نفسه هارب من زوجته اللي قاعد يتصيح علية فلما شاف المسلم الحاله اللي امامه حكى في نفسه لشو انا مغلب حالي و جاي لعنده لكن سيدنا عمر شاف الرجل و و طلب منه يحكي ليش جاي فلما حكى الرجل يعني بالعامية الله يعنك على عندك فكان رد عمر الانصبر على من جعلت بطنها لنا وعاء يعني تعبت و جابت الاولاد المعنى ان الانسان ينظر بعين المساواة بين الامرو مش الطرف اللي بعجبني هو اللي باخذه و تستمر الحياة يا اختى و اعلمي ان لك في كل خطوة و عمل اجر ان شاء الله

samar | 07/09/2008, 11:11 [الرد]

أهلا وسهلا رب صدفة خير من الف ميعاد
شكرا كتير على النصيحه وجزاك الله خير

سوزان | 07/09/2008, 15:16 [الرد]