الحياة

يعني بصراحة، لا اعتقد ان الزوج سيعارض ان حضرت ام الزوجة بمحض ارادتها. لكن المقصود هنا شيء آخر و الشيء هو: استحضار الحماة على تكلفته الشخصية.
طبعا لا يكلف الله نفسا الا وسعها. فإن كان باستطاعته بدون ان يؤثر ذلك سلبا عليه و على عائلته ماديا. فلا بأس لكن:
1) هذا ليس واجب عليه
2) هذا الأمر ليس "اصغر" رغبات احد. ان كان الزوجين يعيشان في الغرب فمن المؤكد ان سعر التذكرة لا يقل عن $2100 و هذه مجرد البداية.
3) المرأة من ناحية علمية لا تحتاج الى امّها لإتمام عملية الولادة و طلب الأم من باب الدلع او الدلال باهظ الثمن. فالأم غالبا لن تقوم بشيء ابدا في المستشفى!
4) محاولة الزوج الإستعاضة بإمّه بدل ام زوجته لا تعد انانية! الا اذا مثلا استقدم والدته في هذه المرحلة بالذات.
للأسف الغربة صعبة و يدفع الإنسان ثمنها اضعاف فوائدها. و احد اسوأ الأثمان، البعد عن الأحبة.. لكن هذا هو القرار الذي اتخذناه...

اعذريني .. فأنا اشعر بتحامل على الرجل هنا، و تعاطف زائد مع المرأة. لكن ربّما لكونها حامل. لكن بصراحة و بكل حيادية لا اعتقد ان الرجل اخطأ او قصّر بأي شيء

Qwaider قويدر | 26/07/2008, 04:16 [الرد]

هذا ان كانت على تكلفته الشخصيه وهذا ان كانت في الاردن فالام في كندا والبنت في امريكا والمانع ليس ماديا بقدر ما هو معنويا
اما قصة الدلع اذا كنت رح تمضي حياتك في امريكا رح يكون عندك لتشاهد تجربة الولاده لزوجتك ورح تشوف انه دلع ولا ....
وبتصور انه متل ما المرأة لازم عليها تفهم وضع الرجل هناك فترة تتمنى المرأة ان يتفهم الرجل وضعها ولو مره وحده

سوزان | 26/07/2008, 15:36 [الرد]

تعرفي استاذتي، على قصة "ولو مرة وحدة"، بيكون الرجّال ما خلّى شي يعتب عليه و افنى حياته في خدمة مرته و بيته و بتيجي الست بتحكيلو "عمرك ما فرّحتني بشي"، "عمرك ما علمتلي شي"، "يا ريتك تسوي -كذا- و لو مرة وحدة في حياتك"
طبعا .. مش الكل، لكن نسبة كبيرة تمارس "كفر العشير"
شكلو صاحبكم مش ذكي، كان بعث زوجتو عند اهلها علشان "تولد على راحتها" :)

Qwaider قويدر | 26/07/2008, 18:29 [الرد]

دائما النقاط الللي بتحكي فيها يتكون قوية وبدها وقت طويل لحتى الواحد يعطي رايه فيها..ما علينا.

كنت دائما اقعد جنب ستي وسيدي وهم بسمعوا اغاني ام كلثوم وعبد الحليم حافظ..ودائما يوعدو بعض انو رح يضحو علشان بعض وكل واحد فيهم رح يعيش علشان التاني ومن هالحكي اللي مش صحي احيانا.
بالرغم من انهم عاشوا كل حياتهم مش متفاهمين ولا واحد فيهم ضحى للتاني بشي..

برايي اذا عنجد شخصين كانوا بحبو بعض عنجد فلازم كل واحد فيهم يضحي علشان التاني وما يمشو على مبدأ الانانية...لانو عنجد كل واحد فيهم بسال حالو انا علشان مين اضحى؟؟؟ومين بستاهل.؟؟
انا عن نفسي ما بضحى الا لامي وابوي ..وهدول رحمة الله عليهم...مين ضل اضحي منشانو...زوجتي...؟لا و الله انا مش مستعد ابدا... .

وبعدين موضوع امي ولا حماته..يعني برايي ما بتدخل في باب التضحية..انو شو هالتضحية الكبيرة يعني..؟؟ طبعا الا اذا كان الزلمة ما بحب حماته..وبيني وبينك،،الحموات بوجعو الراس،،وطول نهار زن زن زن ...فاحسن شي بعملو (برايي) انو يجيب شغالة او مربية تعتني بزوجته...

وهيك برتاح ..لا امه ولا امها..

تحياتي

Mohammad Irshid | 26/07/2008, 23:25 [الرد]

وانت آرائك احيانا بتشكلي نوع من الصدمه الثقافيه :)
اما بالنسبه للتضحيه الحياة الزوجيه كلها قائمه على مبدأ خذ وهات وبتوقع هاي في اي علاقه انسانيه لكن اللي بيجعل العلاقه الزوجيه ذات خصوصيه انها قائمه ايضا على التضحيه يعني مثل ما المرأة بتقدم تنازلات الرجل كمان بيقدم
الله يرحمهم ويجعل مثواهم الجنه
اما بالنسبه انه الزوجه ما بتستاهل فأنت غلطان في هاي المرأة لما بتوافق على انسان {وانا باحكي ضمن ظروف الزواج العاديه } انها بتقدم لاله اغلى شيء في حياتها وهي حياتها
اما شغلة الحموات فهاي تعتمد على الرجل والمرأة وقدرتهم على ابقاء حياتهم الشخصيه خاصه فيهم مش علنا

سوزان | 27/07/2008, 02:55 [الرد]

اهلا قويدر هلا انت مش عريس شو بتعمل هون هه :)
ذكرتني بوالدي كان يضل يحكيها لامي ....
لو اجيت للذكاء فهو انسان ذكي جدا لكن المشكله انه الاولويات اللي عاملها ترتيبها شوي بعقد الحياة الزوجيه وجهله بحال المرأة والتغيرات اللي تطرأعلى حالتها
المشكله التانيه هي ارضاء الناس وكيف هدول الناس ينظروا للموقف لا ام واي راضيين يتنازلوا وهو بيشعر انه من حقه يحضر ولادة ابنه يعني ع الناحيتين الخاسر الوحيد هو الزوجه

سوزان | 27/07/2008, 03:00 [الرد]

ما في لا رابح و لا خسران! يا ستي العزيزة مثل ما ذكرت من قبل، استحضار والدتها مش واجب شرعي او عرف او حتى عادة.. في ناس بتعملها، و في ناس ما بتعملها. و الأصح ترك الزوجين يحدّدوا اولوياتهم بنفسهم. لكن الرجل الصراحة ما عليه شيء! و الزوجة لا خسرانة و لا ربحانة شيء!
امّا بالنسبة لكوني عريس .. فشو عليه؟ ساعة لقلبك و ساعة لـ.. بوجك :)

Qwaider قويدر | 28/07/2008, 07:28 [الرد]