كل ما يتعلق بالحياة بمختلف جوانب الحياة وخاصة المرأة
23 ايار, 2008
والله يا امي
لما كانت امي تحكي الله يخرب بيته اللي قعدكم في البيت ما بيعرف انكم بتجننوا بلد وكنت طبعا انا ازعل وقلها با امي هيك الواحد بيحكي مش لازم تحكي هيك لازم تقولي والله لاقوم هلا واسوي قالب كيك الكم علشان ناكله سوا!!
امي جوابها كان شوي لئيم كانت تحكي آه طبعا باعملكم كيك بس بحطكم معه في الفرن !! حرام جنناها ...اليوم قعدت بنتي في البيت وهي ماشاء الله حدث عنها بلا حرج عن عشره وكلها حيويه بدها تضل تنط واليوم لاحظت على حالي اني حكيت متل امي الله يخرب بيته اللي قعدك بالبيت ...بعدين صفنت في حالي وقلت والله يا امي معك حق كنا سته وكنا مجننينك والمصيبه تكمل لما ييجي عبوده من المدرسه اللي انا حاطيته فيها نص دوام ....يا سلااااااااااااااام زنغو ورنغو صاروا في البيت وانا على مخاتي اللي طار تلات ترباعهم تكمل ....من شان هيك انا قررت الآتي
اني آخذهم اي مكان بس المهم اخليهم يلعبوا ليهلكوا من شان بس نوصل البيت يناموا والشي تاني يمنع منعا باتا الشوكولاته لالهم بس طبعا لانهم بيقلبوا قرود لما بياكلوها والشي الاخير لازم يناموا قيلوله في الظهر حتى آخذ ساعه راحه لكن يا ترى راح أقدر اطبق هالقوانين خاصه انه احيانا بيدخلوا هالاولاد الضحكه لقلبي لما يعملوا شي حلو ....آه ام شو أعمل مش عارفه اربيهم ...
بس الله يرضى عليه زوجي لما يكون فاضي بياخذهم مكان بيفتح الي مجال لآخذ بريك من الجولات الملاكمه والمصارعه مع اولادي خاصه عبودي اللي بتحكي اله شغله وبيمسك فيها تفسير وتحليل وليش وواي بس شو بدنا نعمل هاي احدى الضرائب الزواج الغير واضحة المعالم انه تجيب اطفال وما حدا بيحكيلك قديش صعب انك تربي بس بيكونوا يحكولك بدنا نصير جد وجده طيب هلا وين انت مستر جدو ؟في الاردن وانا العلقانه هون معاهم في حروب وصلح وهدن أشبه بالحال العربيه مع القضيه اللبنانيه يا رب تستر من آخرتها !!!
تعليقات
الملف الشخصي
- الاسم: sozan
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
و بحكولك بالاخر خلفي ما دمتي صغيرة... يعني و الله كل فكرتي عن الامومة خربانة و تنحصر فقط في الصراخ