الاسم: الرفيق غسان خليل
روسيا اليوم...
08 شباط, 2009
بعد طول السنين التي قضيتها في حب روسيا و النضال باسمها يأتي اليوم الذي اتوجه فيه الى نفسي بالتقدير العميق
و أفصح عما يلي :
انت يا رفيق لن تتحول في يوم الى غير الانسان يعني رح تضلك انسان شئت ام ابيت
و حبك و نضالك من أجلك الشيوعية كان زيفاً و مجرد طيش شباب
نعم..."طيش شباب" كيف و ليش ما بعرف!!مش انت الي دافعت عن نظرة الناس لكارل ماركس و لينين؟نعم انا
و مش انت اللي استمتت في العداء لأمريكا و حلفائها ؟ نعم أنا - بتحفظ- يعني كمان بتكذب؟!!طيب ليش تجوزت جورجية من حلفاء امريكا؟هه!شفت؟حبك لروسيا تلاشى مع أول موقف مخالف لرغباتك و نزواتك الفردية النتنه!شو يعني مبلغ 700 دولار من عملة امريكا الهالكه مقابل ختم واحد على كل ورقة من اوراق زوجتك من الخارجية الروسية؟يعني انت بعت القضية من أجل مبلغ من وسخ امريكا أم روسيا اليوم بدأت بمعاملة الناس كمفاهيم؟
وااااااال كل هاد و مش عارف أتلفظ و لو بكلمة شتم على روسيا؟
روسيا اليوم بتدافع عن قضيتها و أنا غلطتي اني حالفت "عدوتها"زوجتي و لازم أدفع الثمن.
ملاحظة بسيطة:بدي حوالي 8-10 أختام على 7 شهادات علمية يعني بيطلع المجموع 8000 من عملة اميركا علشان يرضى وزير الصحة و وزير التعليم انو زوجتي تشتغل طبيبة بالاردن علماً انها اشتغلت بألمانيا على شهادتها من روسيا بدون اي ختم!!!يعني يمكن مرضى ألمانيا أقل أهمية من مرضانا؟
الله أعلم!!يلا بعين الله
تعليقات
و الله يا رفيق أنا عاذر روسيا على هيك موقف من الجورجيين.طول عمر الروس ما عندهم مزح و لا منطق يعني اللي بيعاديهم او "بتلد عينه" عليهم بسوء بيفرجوه مبدأ حسن النية على أصوله :)))
بس الواقع انو فعلاً ما اله داعي تصديق 7 شهادات اذا اعترفت وزارة التعليم العالي بالجامعة المصدرة للشهادات..كمان المجلس الطبي شو بيهمه تصديق الشهادات اذا كان الطبيب صاحب الشهادة رح يخضع لأمتحان صعب جداً قبل الحصول على اذن مزاولة مهنه؟
بيعين الله يا رفيق و شكراً لمواساتك النبيله
الرفيق غسان | 09/02/2009, 16:30
الملف الشخصي
القائمة
حديثا...
استطلاع الرأي
والله يا رفيق هاد شكله عقاب ...
بس تعال احسبها بنظرة تجارية وربحية حتى تخفف على حالك ... :)
وبالنسبة لمرضانا طبعا غاليين على الحكومة وطبعا كيف ما حسبتها ..
الشعب هون بير نفط يا رفيق ولازم يخافوا على صحته .
خالد السعود | 09/02/2009, 09:46 [ الرد ]