ما شاء الله على القدره العجيبه اللى بلدنا حبيبتنا فيها..... بتطلع نوابغ والله موش موجودين ولا هيبقوا موجودين فى حته تانيه غير مصر

ومصر حطمت عجائب الدنيا بوجود عجائب الدنيا ال 8 والاخيره ان شاء الله

الطبيعى فى اى حته فى الدنيا  ان البنى ادم الطبيعى بيوصل لسن الشيخوخه

 وكمان بيبقى اسمه عجز

 وعلميا وطبيا وطبيعيا كمان ان قدرته العقليه بتقل وتركيزه بيقل وبيجى له امراض دا العادى ونظره بيضعف كل دى اعراض حاجه طبيعيه اسمها الشيخوخه

 هتعدى علينا كلنا ..........اه والله تصدق

تعرف ان محمد على اكتر حاكم حكم دوله

 بس بسم الله ما شاء الله ريسنا حبيبنا هيحطم الرقم القياسى وهيدخل موسوعه جينيس  لانه خلاص فاضل سنتين تلاته ويعدى رقم محمد على القياسى

وغريبه انه متمسك بالسلطه

 ومتأكد انه احق واحد بيها ومحدش هيعرف يدير مصر غيره

هنضيع من غيرك ياريسنا والله

الدراسه العلميه بتقول ان اى حد يقعد فى سلطه او منصب اكتر من فترتين بييجى له حاجه اسمها هوس بالسلطه 

 يعنى معندوش استعداد يسيبها اساسا ولا يفرط فيها غير بموته 

ربنا معانا

 فالمفروض يعنى ان الدنيا بتتغير وكل حاجه بتتغير الا مصر حبيبه يامصر

موش بقول حطم الرقم القياسى  ربنا يدينا طوله العمر واشوف كلمه رئيس مصر الاسبق

متقلقوش ياجماعه جمال مبارك موش هيحكم مصر لان محدش هيورث ابنه خرابه

نفسى افهم حاجه واحده ليه كل الشعب المصرى بيدعى على ريسنا حبيبنا بابا مبارك ربنا يحفظه لينا

والله ياجماعه ما استهزاء ولا عدم تقدير انا فعلا والله متعاطفه جدا مع ريسنا.. لو انت مكانه

تقدر تستحمل تشيل ذنب 85

 مليوووووووووووووووووووووووووووووووون بنى ادم حى يرزق على وجه الارض وكمان غير اللى ماتوا واللى فى بطن امهم وهييجوا مصرنا الكريمه لسه وربنا يحاسبنا على اللى هنعمله فيهم

شووف بقى كل دول وانت راعى مسئول عن رعيته اكلهم شربهم بيتهم اللى هى اقل مطالب فى حياه البنى ادم دا على فرض اننا بنتعامل لسه كبنى ادمين هنا فى بلدنا احنا اللى اسمها مصر بردو

غير بقى الاكل المتسرطن والتعليم البايظ والرغيف اللى كان بمسامير وراضيين ودلوقتى اتعدم دا حتى بنتمنى نلاقى مسمار لما نلاقى العيش الاول على اساس ان الحديد غلى  وغير بقى الظواهر الغريبه ان يبقى فيروس سى فى الكبد منتشر وعادى كأنه امر طبيعى وكمان الصرع وبردو عادى والمرضى اللى مبيلاقوش علاج اساسا وفوط تتنسى جواهم والدكتور زى الوزير ميتحاسبش

والناس اللى تموت غلط لمجرد ان ظابط شاف مظاهره او تجمع اكتر من 10 افراد او اضراب يحق له يمثل عزرائيل ولما تلاقى شعبك بيغرق فى عباره وعادى وجيش اسرائيلى يضربنا جوا ارضنا وعاااااااااااادى

الله عليكى يامصر  وعليك ياريسنا ربنا يقويك ويزيدك فى اللى انت فيه والله بدعى من قلبى

ربنا لما يحب عبده بيزيده يارب يكون ربنا بيحبك ويطول فى عمرك كمان وكمان ياريسنا يامدلعنا يامهشتكنا ياريس

السلام عليكم ورحمه الله وبركاته 

اولا اناا نفسى اتكلم فى موضوع معرفش هلاقى له صدى وموافقه ولا لا....اولا احب اعرف ايه رايكوا فى حال البلد والمبادىء والحياه اللى ماشى بيها وعايش عليها الشباب واللا مبالاه والجهل والرضى بكون الانسان عاطل او مستنى شغل زى ما ييجى من غير محاوله تطوير او حلم او طموح بمعنى ان الطموح عند الشباب ماااات للاسف والله اعلم هيفوقوا امتى من الغيبوبه اللى فيهاا انا لاحظت ان معظم شباب مصر عايش كدا وخلاص راضى بقى بمجرد شهاده الجامعه والوظيفه اللى فى الاخر بياخد منها 150 جنيه وان طالها... لييه ترضى بكدا..؟؟؟ 

انت بأيدك تقدر بدل ما تاخد 150 جنيه تاخد 1500 جنيه وتقدر بدل ما انت قاعد ع القهوه تشتغل فى شركه محترمه...بس لازم تفكر الاول وقبل ما تحاسب البلد حاسب نفسك

انت معاك ايه؟؟

 تشتغل بيه!!!

عملت ايه يميزك عن غيرك؟؟

ليه الحكومه تقبلك فى وظيفه ياترى انت كفؤ ليها ؟؟ معاك ايه......شهاده الجامعه ما فى 6 مليون معاهم شهادات بس انت بقى ايه اللى يميزك عن غيرك...ايه اللى يخلى اى شركه او قطاع خاص او حكومه او شركه اجنبيه ترضى بيك.... 

انك تكون مميز 

اولا فكرت تبقى متعلم..مقصدش تعليم الكليات لان دا موش تعليم...ياترى تعرف كام لغه غير العربى ..والانجليزى اللى المفروض تعتبره لغه اولى زى العربى لان دى موش محسوبه اى واحد بقى خلاص عارف عربى وانجليزى ...عرفت لغات غيرها...كام لغه 3 ...4...5....10 

     مهاراتك ايه فى الكمبيوتر والتكنولوجيا...

 معاك شهادات كورسات فى تنميه بشريه او كمبيوتر او لغه

 المفروض تبقى جاهز الاول بعدين تدور على شغل لو ملقتش مره حاول تانى وعاشر كل مره تقع اقف واسال نفسك ناقصنى ايه...ليه غيرى سبقنى واناا لسسه نايم ...شووف عمل ايه عشان يبقى احسن منك 

متقولش وسطه....

بالعقل كدا.....انا صاحب شركه استثماريه او اجنبيه طبيعى شركه بتاعه شغل عاوزه ناس تشتغل وبس من غير ما تقعد تقور كوسه فى الشغل وتجيب عيالها يلعبوا حواليها ...

عشان  تقدر تنافس غيرها وتكبر وتبقى دايما فى المقدمه..لو عينت واحد بالوسطه عشان ابن رجل اعمل ياترى يستاهل يعطل شغله ويكسب ثفقات وسمعه شركه عشان خاطر صحبه...معتقدش

 لو هتفكر بعقلك بجد هتلاقى ان البلد مليانه خيير...وامل ..وشغل وكل حاجه كويسه بس اللى يستاهل الفرصه ويقدر يمسكها هيعيشها كل اللى بيفكر يسافر بره يشتغل هتشتغل وانت هربان او تغسل صحون

 افتكر انك مهما علييت عمرك ما هتحقق ولا تبقى اكتر ما صاحب البلد وحكومتها عاوزينك توصل له...متقدرش تكبر حلمك فى بلد تانيه ...تقدر تعمل فلوس ..بس متقدرش تحقق حلم بجد

 اتمنى راى الكل ياترى انا وجهه  نظرى صح ولا غلط؟؟؟؟؟؟؟؟