فاضل اسبوعين علي الحرب بين مصر و بلد المليون وحداشر شهيد

31 تشرين اول, 2009

كل اللي اقدر اقوله.....ربنا يستر و يجيب العواقب سليمة

شكلنا هيبقي زفت أوي بصراحة لو.......و لا بلاش.....خلينا متفائلين بردو

بس احنا هنقطعهم يا معلم

هيبقوا بلد المليون و حداشر شهيد

يا رب استرها

 

بواسطة morahman 09:45 | عام | تعليق(0) | الرابط الثابت

السايس.......ايوة السايس

30 تشرين اول, 2009

ده بقا الباشا بتاع الشارع......

ده الملك المتوج......زهقت منهم علاخر بصراحه......مبيعملوش اي حاجه و بيلمو فلوس علفاضي

و يا سلام بقه لو سمعت كلام السايس و هو بيقولك "هات ورا كمان"......هتخبط مية فلمية.....المهم انه بيقول كفاية او كلمته الشهيرة "هووب" بعد سماع الصفارة...قصدي بعد ماتكون خلاص خبطت العربية اللي وراك

لأ والأنيل انه بردو بيبقي مستني منك فلوس....مع انك معبرتوش لا وانت نازل من العربية و لا و انت راجع تاني و لا رديت عليه و لا بصيتله.....دا انت حتي نزلت المساحات بنفسك

السايس بقي وجوده في كل حتة....أنا خايف افتح التلاجة الاقي سايس جواها

بواسطة morahman 21:30 | عام | تعليق(0) | الرابط الثابت

تامرافندي امين

30 تشرين اول, 2009

انا بطلت اتفرج عالتلفزيون المصري بكل قنواته ارضية و فضائية و شمسية و قمرية و كل الأنواع من زمان قوي

و بعدين بدأ محمود سعد برنامج البيت بيته فالواحد رجع في كلامه و قال ده الحال بيتعدل أهه......لغاية دلوقتي كله تمام

و بعدين اكتشفك وجود المزيع الحكومي الموظف تامر أفندي أمين.........يا ساتر يا رب.....ليه كده بس

أنا مش بس بطلت فرجه عل التلفزيون الحكومي.....ده أنا بطلت أعدي من قدام ماسبيرو أصلا

و دي دعوة مني الي تامر افندي امين: "خف  تعوم" من غير زعل.....اصلها ازواق 

بواسطة morahman 21:15 | عام | تعليق(0) | الرابط الثابت

الجو جميل فعلا

30 تشرين اول, 2009

عادة لما الواحد بيقول "النهاردة الجو جميل" يبقي قصده خروجه ولا حتي النادي

بس بصراحة النهاردة المطر كان جميل فعلا....فالكسل كان "لزمن و لابد" و شكل السما كده من غير تلوث كان تحفة

اديتها فرجه علي شوية حلقات فرندز سيزون 8

و بعدين ناوي اختمها كده Musical : Mama Mia or Hair Spray......

.....فعلا الجو مأثر....ههههه

ولا كلمة......قلبة معايا النهاردة علي افلام شباب سيس....ههههه

 

بواسطة morahman 20:50 | عام | تعليق(0) | الرابط الثابت

الركنة بقك مقرفة parking

29 تشرين اول, 2009

الواحد يبقي صاحي من النوم قرفان اصلا......و ينزل عالصبح يلاقي واحد بيه معندوش ريحة الدم قافل عليه

لأ و بعد حوالي ييجي عشرين دقيقة او اكتر....طبعا بعد مشاحنات مع بواب الجيران و بعد تحرشات من الهانم مرات الباشا (البيه سابقا) البواب.......ينزل البغل صاحب العربية و هو متضايق علاخر (اكيد طبعا شعره منكوش و شبه طائر البطريق الفيومي) و يحرك العربية شوية صغيرة جدا متكفيش خالص.........ساعتها أكيد لازم تقوله "أسفين اننا قلقنا منام سيادتك و أومنك من جنب الكونتيسة مديحة مراتك....يا تلم يا بارد يا ابن ال؟؟؟؟" و بعدين ترزعه قلمين علي قفاه قدام لبواب و الهانم مراته.

  بجد حاجه بقت تنرفز........يحيا تاكسي العاصمة

بواسطة morahman 22:04 | عام | تعليق(0) | الرابط الثابت

Today is my last day at my current employer

29 تشرين اول, 2009

Today is my last day at my current employer!

I have mixed feelings, first that I am really sad to leave after 9 wonderful years and second I am excited to move on for my career development.

It is truly difficult for me to leave, but it should have happened some time ago anyway!

I am leaving behind a lot of friends who are very dear to my heart and I hope that we all can keep intouch. I am thankful for great memories, we had lots of fun together, both in Egypt and abroad.

I can count the farewell parties I attended and the speeches I heard from colleagues and friends, and I always wondered, when would I leave, or even, would I ever leave?!

I hope that I made the right choice and that I took the correct decision and I ask God to help me along the way.

The sad/happy: Momo

بواسطة morahman 11:24 | عام | تعليق(0) | الرابط الثابت

أولاكشي

28 تشرين اول, 2009

دي اول تدوينه

عاوز اقول: صباحكو فل

بس كده.........سلام

بواسطة morahman 10:05 | عام | تعليق(0) | الرابط الثابت

تهانينا!

28 تشرين اول, 2009

إذا كنت تستطيع قراءة هذا المقال فهذا يعني أن عملية التسجيل قد تمت بنجاح و يمكنك البدء بكتاية مقالاتك الخاصة فوراً.

بواسطة morahman 09:59 | عام | تعليق(0) | الرابط الثابت