بجد الفيلم بقي كوميدي

مينفعش أصلا الفيلم ده يبقي مدبلج.......

أنا حاسس انه باظ فعلا....لأ و مش بس بالعربي.....لأ ده بالسوري كمان

ايه ده.....ليه كده......أول ما سمعت "منشان هيك" قفلت التلفزيون علي طول

مش كفاية انهم بوظوا كام مسلسل تركي.....دلوقتي بقت اللأفلام كمان....لأ و مش أي افلام ده فيلم مينفعش يتدبلج

أنا بقول كفاية عليهم مسلسلات نور و مهند وشيرويت و معرفش مين.....

علي رأي مشجعي الكورة     "كفاية........حرام"

عندي اتنين صحابي شغالين في أمريكا

هما اللأتنين بيشتغلوا شغلانات محترمة جدا و في نفس مجال دراستهم و شغلهم و شهادتهم....و مرتباتهم كويسة أوي و كله تمام

بقالهم يمكن خمس سنين .... كل واحد فيهم في ولاية مختلفة

واحد منهم خلاص راجع كمان أسبوعين انشاء الله و التاني نفسه يرجع......حاجة عجيبة

هما اللأتنين ورق الفيزا مظبوط و كانوا بينزلوا كل سنة مصر أجازة

نفسي أفهم حاجة واحدة:  هي العيال دي اتهبلت في مخها ؟؟

حقيقي.......يدي الحلق للي معندوش مخ.....هههههه

ست هانم حقيقي

بجد كل لما اسمع صوت شادية بحس ان اللي بيغنوا دلوقتي - ستات و رجالة - بتوع روبابيكيا....طبعا ماعدا شوية ناس قليلة كويسة

ليها كده كام أغنية تحفة....و بالنسبة لي أحلاهم ..... مش عارف..... كلهم حلوين بصراحة

و علي السيرة لينك كده تحفة:

http://www.youtube.com/watch?v=VPBe4d2PvXE

شكرا شادية.....وحشتينا

كنت قريت زمان رواية لنجيب محفوظ اسمها "رحلة ابن فطومة" و ساعتها عجبتني جدا

و طبعا كالعادة الكتاب ضاع مني......بس اشتريته تاني....و خلصت الرواية النهاردة

بجد نجيب محفوظ عظيم فعلا......ليه كمان رواية "حكايات ألف ليلة"......مقدرتش اسيبها الا لما خاصتها....و كمان قريتها مرتين.....بس ده السنة اللي فاتت

دلوقتي بقراله "حكايات حارتنا" و دي جميلة جدا

الله يرحمه و يبعتلنا واحد كمان زيه

كل اللي اقدر اقوله.....ربنا يستر و يجيب العواقب سليمة

شكلنا هيبقي زفت أوي بصراحة لو.......و لا بلاش.....خلينا متفائلين بردو

بس احنا هنقطعهم يا معلم

هيبقوا بلد المليون و حداشر شهيد

يا رب استرها

ده بقا الباشا بتاع الشارع......

ده الملك المتوج......زهقت منهم علاخر بصراحه......مبيعملوش اي حاجه و بيلمو فلوس علفاضي

و يا سلام بقه لو سمعت كلام السايس و هو بيقولك "هات ورا كمان"......هتخبط مية فلمية.....المهم انه بيقول كفاية او كلمته الشهيرة "هووب" بعد سماع الصفارة...قصدي بعد ماتكون خلاص خبطت العربية اللي وراك

لأ والأنيل انه بردو بيبقي مستني منك فلوس....مع انك معبرتوش لا وانت نازل من العربية و لا و انت راجع تاني و لا رديت عليه و لا بصيتله.....دا انت حتي نزلت المساحات بنفسك

السايس بقي وجوده في كل حتة....أنا خايف افتح التلاجة الاقي سايس جواها

انا بطلت اتفرج عالتلفزيون المصري بكل قنواته ارضية و فضائية و شمسية و قمرية و كل الأنواع من زمان قوي

و بعدين بدأ محمود سعد برنامج البيت بيته فالواحد رجع في كلامه و قال ده الحال بيتعدل أهه......لغاية دلوقتي كله تمام

و بعدين اكتشفك وجود المزيع الحكومي الموظف تامر أفندي أمين.........يا ساتر يا رب.....ليه كده بس

أنا مش بس بطلت فرجه عل التلفزيون الحكومي.....ده أنا بطلت أعدي من قدام ماسبيرو أصلا

و دي دعوة مني الي تامر افندي امين: "خف  تعوم" من غير زعل.....اصلها ازواق 

عادة لما الواحد بيقول "النهاردة الجو جميل" يبقي قصده خروجه ولا حتي النادي

بس بصراحة النهاردة المطر كان جميل فعلا....فالكسل كان "لزمن و لابد" و شكل السما كده من غير تلوث كان تحفة

اديتها فرجه علي شوية حلقات فرندز سيزون 8

و بعدين ناوي اختمها كده Musical : Mama Mia or Hair Spray......

.....فعلا الجو مأثر....ههههه

ولا كلمة......قلبة معايا النهاردة علي افلام شباب سيس....ههههه

الواحد يبقي صاحي من النوم قرفان اصلا......و ينزل عالصبح يلاقي واحد بيه معندوش ريحة الدم قافل عليه

لأ و بعد حوالي ييجي عشرين دقيقة او اكتر....طبعا بعد مشاحنات مع بواب الجيران و بعد تحرشات من الهانم مرات الباشا (البيه سابقا) البواب.......ينزل البغل صاحب العربية و هو متضايق علاخر (اكيد طبعا شعره منكوش و شبه طائر البطريق الفيومي) و يحرك العربية شوية صغيرة جدا متكفيش خالص.........ساعتها أكيد لازم تقوله "أسفين اننا قلقنا منام سيادتك و أومنك من جنب الكونتيسة مديحة مراتك....يا تلم يا بارد يا ابن ال؟؟؟؟" و بعدين ترزعه قلمين علي قفاه قدام لبواب و الهانم مراته.

  بجد حاجه بقت تنرفز........يحيا تاكسي العاصمة

Today is my last day at my current employer!

I have mixed feelings, first that I am really sad to leave after 9 wonderful years and second I am excited to move on for my career development.

It is truly difficult for me to leave, but it should have happened some time ago anyway!

I am leaving behind a lot of friends who are very dear to my heart and I hope that we all can keep intouch. I am thankful for great memories, we had lots of fun together, both in Egypt and abroad.

I can count the farewell parties I attended and the speeches I heard from colleagues and friends, and I always wondered, when would I leave, or even, would I ever leave?!

I hope that I made the right choice and that I took the correct decision and I ask God to help me along the way.

The sad/happy: Momo

دي اول تدوينه

عاوز اقول: صباحكو فل

بس كده.........سلام