البوابة

23 حزيران, 2007

كشري الحرية صنع بأيد مصرية

كشري الحرية

سمع هس وسَع يا جدع ديموقراطية بخل وتوم

شطة حامية وشوية حمَص واعصرعلى الحرية لمون

الفكر جديد قوي بالصلصة يا حلوته مع شوية كمون

مع الحكومة دايما حتكسب ضد الحكومة في السجن تكون

مخبر بلدنا إيديه طرشة وقفــاك لإديـه أفيـــــون

قول نعم يا إبن الذين وإلا حنجيب لك شمشون

يطلَع من بطنك مصارينك ويشد ودانك من البلعوم

قول نعم يا حبيبي وخلَص لا نهارليلك يبقى غيوم

كتيبة اعدام حتجيلك وتصحيك من عز النوم

مسدسات آخر شياكة وإن لزم الأمر شوية شوم

حتقول لأ أنت ومزاجك ومكانك في أبو زعبل مضمون

سجن يمين سجن شمال وتراب بلدك كله سجون

إحنا بتوع الديموقراطية وإللي يقول غير كدة مجنون

يا ناس كفاية حرام عليكم خليتوا هوانا كله سموم

أنا خلاص كسرت خوفي ومش حكون أبــداً مذلـول

وبقولها عالية من كل قلبي وطظ في كل ظالم ملعون

لأ لأ ألـف مــــــــــرة لأ لأ ميت مليـــــون

ويا بلدي كفاية كده حرية أكتر من كده يبقى جنون

كشري الحرية تعب بطني والمعدة إتخرمت والقولون

31 ايار, 2007

إذا كنت تستطيع قراءة هذا المقال فهذا يعني أن عملية التسجيل قد تمت بنجاح و يمكنك البدء بكتاية مقالاتك الخاصة فوراً.