الاسم: مشعل الطيب الشيخ

وعدين معاك ,,

22 كانون ثاني, 2009

وعدين  معاك

 أرسُم خطاك

فى ليل شقاى المستحيل

لاويت معاك..

شظف المعيش

لاليت معاك..

أحلام مناى

كيفن يكون أقدر أفوت وانسى اللى كان ؟؟

يازول جديدمابتشبه الناس البقت غرقانه فى ذل الحديد

ومابتشبه الناس البقت ممحوقه فى الزمن العنيد

عانيت معاى

عانت معاى كل الحروف

وجع الكلام الما كمل

يازول جديدمرحب حبابك فى الوجع

وجِعنى فيك

أوجاعنا ماكملت أكيد

زمنك هناك

زمنى الهناك

ياضل مشاوير الخريف

ياحر محطات المصيف

نديانة بيك كل الجروف

مطر العيون

جوع الحروف

من وين أجيب ليك الأمان ؟؟

يازول جديدأحلامنا ماماتت أكيد

ونتلاقى بعد الغيم يفوت

راكوبة فى ضل البيوت

تشرب معاى

قهوة أساى

وموية من زير الصباح

عطشانه ليك

ونتلاقى فى العيد الجديد

نحضن شتات الامنيات

فى يوم سعيدمن حب مديدوكل عام

والناس بخير......مشعل.

 

بواسطة mishal22 14:20 | شعر | تعليق(0) | الرابط الثابت