ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
28 آذار, 2009
الأقاليم والناس...
كثر الحديث في الآونة الأخيرة عما يسمى بمشروع الأقاليم وأسهب كتاب المقال في صحفنا اليومية والأسبوعية بالحديث عن المشروع بين منتقد معارض وبين مناصر ومتحمس.. وصرحت الحكومة بعدة تصريحات لم نستطع أن نستخلص منها شيئا واضحا أو مفهوما..
لن أسهب بالتحليل والتوقع ولن أتخذ أي موقف \حالي كحال باقي الناس\ لكنني قمت بسؤال الكثير من الناس حول مشروع الأقاليم و أود استعراض بعض مما أجابوني به علما بأن بأن أعمار الذين تم سؤالهم بين (20 -38)، وبدرجات علمية متفاوتة بين الثانوية العامة والبكالوريوس:
- ماذا تعلم عن مشروع الأقاليم؟؟؟
- انا بعرف العراق أقاليم،يعني متل العراق ..
- يعني راح تصير عنصرية صح ..
- صراحة مش عارف ..
- شو أقاليم ؟ والله ما بعرف ..
- بدهم يقسموا البلد وبصير بدي جواز سفر حتى أروح إقليم الشمال أو الجنوب...
- بعرف أنهم بدهم يقسموا الأردن لتلات اقاليم ويعملوا لكل اقاليم حكومة تشرف على ايرادات ومصروفات الاقليم وهيك اشياء..
- ما سمعت عنه ..
- يعني بدنا نسير مثل أمريكا، ولايات وكل ولاية لحالها.. أحسن صح ...
وأكثر من 30 إجابة من نفس النوعية ..إما غير واضحة أو غير مفهومة ومنها الي ما الو علاقة بالموضوع لا من قريب ولا من بعيد .. وناس عمرهم ما سمعوا بالمشروع\وحتى لو سمعوا ما بتفرق كتير!\.
تعليقات
انا شخصيا متل مياسي بالمدونات سمعت عن الموضوع, وبتقدر تقول اني لهلأ مش فاهمه ليش وكيف ومن شان شو هالشي كله, مع اني بعبشت بالنت وقرأت بس ما فهمت لسا
whisper
| 28/03/2009, 18:18
أنا عرفت السالفة بدو يطلع بترول في الجنوب عشان هيك بدنا ننفصل لحالنا وعنوان اقليمنا ١٥١٤ جنوب شارع العشاق إقليم الجنوب بحد دكان أبو موسى التعمري
hamede
| 28/03/2009, 19:00
اول مرة بسمع بموضوع الاقاليم
بس كانوا ناقصنا تقسيمات و تسميات
على العموم شكرا للافادة
على الاقل لما انزل على عمان و حدا يحكي بالموضوع اكون على الاقل سمعت بالاسم
اقاليم ؟؟؟؟؟؟؟؟؟ظ
jafra78
| 30/03/2009, 00:49
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
فيك تضمني للي سمعوا عن المشروع عن طريق المدونات بس:)