الاسم: خالد السعود
الملف الشخصي
بحث
حديثا...
استطلاع الرأي
هبت النار والبارود غنى ...
20 تشرين ثاني, 2008
"واشنطن تضغط على دول الخليج للحصول على مساعدات عاجلة بقيمة 290 مليار دولار"
290 مليار دولار .. مش مبلغ كبير ولا كيف ؟! لأنه محسوبكم مش صحبة بالمرة بالحساب وغير هيك أنا بعد المليون ببطل أجمع !..
صراحة خبر من الآخر .. مش أنو ببسط يعني : لا يا عمي بس من الآخر لأنه قريب يعملي جلطة أو هيك خبر ممكن يخليني أطق أو أفقع من القهر ..
وتحكيلي أزمة عالمية أو برتوكولات اقتصادية أو حتى علاقات دولية ما راح أقتنع ولا أفهم .. أنا بعرف واحد + واحد وبالمفهوم الشعبي وكمان عندي عنصرية وبقول جحا أولى بلحم ثوره.. وعنصريتي للعرب \بلاش حدا يفهم إنها عنصرية جنوب وشمال أو أردني وفلسطيني\.
290 مليار أوف كثير !
وأكيد راح يدفعوا وكلكم بتعرفوا هالحكي ..
طيب ..
290 مليار ÷ 2 (الولايات المتحدة و الدول العربية المحتاجة ومنذ أعوام) = 145 مليار يعني عشان ما يحكوا أنت شو بفهمك ومضطرين يدفعوا والعالم كله عليه مسؤولية اتجاه الأزمة المالية ومش عارف شو ..
145 مليار توزع على أهالي غزة .. دارفور والصومال .. والمعدمون الجائعين وغيره، أكيد راح يغيروا كثير ويشكلوا فرق واضح بحياة الناس ومستقبلهم..
يا ملوك وأمراء وشيوخ دول الخليج ..:
الخليج جزء من الوطن العربي الكبير وفقراء الوطن العربي الكبير يحتاجون إلى هذه الإنسانية منكم يحتاجون هذا الكرم..
\أنا\ وبالنسبة لي لا أرجوا منكم شيئا
· ملاحظة وللأمانة: العملية الحسابية السابقة تم الاستعانة بمتخصص خوفا من ورود الخطأ .
خالد السعودتعليقات
انت مش عارف ان هاي المصاري اصلا ارصدة مجمّدة عمرها ما رح ترجع من اصله؟ و بعدين لمّا يطالبوا فيها بعطوهم اكمّن F16 مخصية اكل الدهر عليها و شرب و بيقلك مساعدات تكنولوجية لضمان التوازن العسكري في الخليج
المشكلة مش في امريكا، المشكله في البهايم اللي فاكرة ان المصاري مصاريهم لحالهم
و قولوا عنّي حاقد
Qwaider قويدر | 20/11/2008, 19:55
اشكر زيارتك للمدونة ..
"وأجعل أحزانك أحقادا لكي تستمر" ،
وهي كلها أحزان !
خالد السعود | 21/11/2008, 19:20
راح يدفعو مش علشان اشي بس همه عايشين بمبدأ
ارنب سعيد ولا اسد تعيس
كله عند ربنا
( ثم لتسألن يومئذ عن النعيم ) صدق الله العظيم
whisper | 20/11/2008, 22:01
بتعرفي فيها وجهة نظر ..
بس غالبا هاد المثل يطبق على الأزواج :)
خالد السعود | 21/11/2008, 19:22
يعني انت رأيمك ما يدفعوا؟
طب شو رأيك والاحسن وما دام جحا اولى بلحم ثوره أنو المفروض حكام الشعوب الفقيرة وجوعانه هم اولى يديروا بالهم على شعوبهم ..
ولا مش صح
في بكرة | 21/11/2008, 19:12
لا يا عمي يدفعوا ..
ويا سيدي حقك علي !
خالد السعود | 21/11/2008, 19:17
و الله يا رفيق خالد كلامك منطقي جداً بس اذا فكرنا بكلام الرفيق ماركس رح نلاقي انو احنا قومياً شعب واحد و من حقنا انو نطالب بالعائدات النفطيةكوننا جزء من الأمه و فقراء ايضا.باختصار شديد جداً لازم ترجع الاشتراكية ال"حديثة" و تصلح شوي بعض القصور الشيوعي و بالتالي رح نعيش كلنا بمثاليات زي اللي انت بتفكر فيها حاليا..
اليوم قرأت استنجاد من بورصة عمان بال "دولة" حتى تتدخل و تحل هالنزف الحاد
يعني كمان رح يصير الذهبي
"رفيق ذهبي"
تحياتي الك رفيق خالد
الرفيق غسان خليل | 24/11/2008, 10:06
لا بس مش ممكن الذهبي يكون الرفيق الذهبي ..
خالد السعود | 24/11/2008, 13:46
الروابط
A service provided by Al Bawaba
يعطو 290 مليار طبعا وغصب عنهم وال....... فوق راسهم بس يساعدو العرب ب 290 دولار ما بيقدروا
اصلا من متى وهم الهم خير في العرب ؟؟ خليهم لنشوف اخرتهم
يشغلوا تاعون اسيا الهنود والبنغلادش واللي بيغتصبوا ولادهم وبناتهم عادي اما يشغلو هالعرب والمساكين والشباب اللي بدها تكون حالها لأ ما عندهم استعداد
عموما الله يرحمن برحمتو
waleed wali | 20/11/2008, 17:19 [ الرد ]