ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
14 ايار, 2009
يا هبيله ...
- الهاتف الذي انتظرته طويلاً..
- المي حتقتلها الغيره...
- معيش أحلق .. بس معي أحكي ببلاش ..
- مزك وأربح مع بيبسي ...
- أبشروا يا أهالي إربد ، خط زين محافظات ..
- كنتاكي .. وجبات التوفير، بالقليل تحصل على الكثير !
بعض هذه الجمل أغرقت اللوحات الإعلانية في الشوارع وبعضها الآخر زيّنَ صفحات الجرائد اليومية والأسبوعية.. لفتت نظري وشغلت بالي هذه الجمل؛ وبعضها جعلني أدرك مدى الاستغفال والاستخفاف من قبل هذه الشركات لعقولنا وقدراتنا على التميز والإدراك، جعلني أدرك مدى السطحية التي نعيش ونحيا.. كم تحتوينا المادة وكم تغوينا العبودية والتبعية!!، لن أزيد فلسفة وتنظيرا ... بس بدي أحكيلهم :
- بالنسبة إلي ولهاتفكم فأنا لا استنيتو ولا حتى فكرت فيه، أصلا أنا حاجز تفكيري لأشياء تانية \منها غلاء المحروقات وتوابعها، تلوث المياه، مجلس النواب، التلفزيون الأردني، حل الدولتين، زيارة نتياهو وأنفلونزا الخنازير وأشياء كثير بدي جريدة حتى أقدر أكتبها\.
- المي حتقتلها الغيرة!!!؟ ، كيف يعني ؟ بالله عليكم هاد حكي بنحكى ؟ ولاد الصغار يعني ولا بريالة ؟! قال حتقتلها الغيرة !!
- وكله كوم والي معوش يحلق كوم تاني ... شركات الاتصالات نهبت المواطنين واستعبدتهم وسيطرة على الشباب والختيارة واحنا ماشيين متل شيلة الغنم !
- بيبسي .. مزك مع بيبسي .. كيف يعني مزك مع بيبسي ؟ يعني مثلا أروح على بيبسي أو هو بده ييجي عندي وأقعد أمزك معه وهو يطبل وميرندا تقعد ترقص .. والله إذا ميرندا جايه معه بصير فيه تفكير !! يا عمي حلو عنا مشان الله .
- أما أهالي أربد فالصحيح لازم يستقبلوا هيك بشارة باحتفالات وتعاليل لمدة سبع ليالي ويطلعوا ولاد المدارس ورؤساء البلديات والدوائر الحكومية واللجان الشعبية ولجان مقاومة التطبيع، ولازم كمان المحافظة تطلب من الداخلية يبعثوا سرية حرس شرف لاستقبال زين وبشايرها !! عنجد مسخرة .
- و كنتاكي ما اله حل بالمرة ... هو من متى المواطن الأردني متعود يدفع قليل و يوخذ كثير .. هاي كبيرة وما بتصدق و الأحسن الكم يحكوا اشي يصدقوا الشعب، ولا يا ملاعين بتضربوا على الوتر الحساس وعلى وجع الشعب ...
تعليقات
HAHAHAHAHAAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAHAH
ابو عامر
| 14/05/2009, 16:08
رزق الهبل عالمجانين
hamede
| 14/05/2009, 17:34
والله احنا هبايل.
روان
| 14/05/2009, 20:03
المي حتقتلها الغيره...
كنت بدي اكتب عن هالاعلان اليوم
شو يعني...شو بدكم بالزبط؟؟؟
يعني جد زوّدوها
whisper
| 15/05/2009, 00:57
بما اني مغتربة صابني فضول
المي حتقتلها الغيرة ؟؟؟ من شو ؟؟؟
لبنى
| 16/05/2009, 20:00
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
ليش انت ما بتعرف انو اقمنا الافراح والليالي الملاح و ذبحنا خرفان و جمال بمناسبة وصول خط المحافظات؟؟ الله يسامحك يا صاحبي
والله المشكلة اكبر من هيك المشكلة فينا اللي بنحب المنفخة و الكبرة و لو على خازوق