ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
03 آذار, 2009
مواطن ومجلس أمة .
طيب.. بدنا نرجع نحكي بقصص النواب و رواتب النواب:
يا أخي إجمالي راتب النائب 2460 دينار \شهريا\،ومش عاجبهم وبطالبوا بزيادة جديدة والإشاعات بتحكي أنو مع الزيادة راح يوصل راتب النائب 4500 دينار.. 4500 دينار كل دينار ينطح أخوه أو أخته المهم أنو راح ينطحوا بعض على رقم حسابه بالبنك \لأنو أكيد النواب ما بستلموا رواتبهم على الكشف، يا عمي طبقة مخملية \..
أنا مش زعلان لأنه راتبي 500 دينار وراتب النائب بدو يصير 4500 دينار، يعني بتقدر تحكي اني زعلان لأنه راتب ساركوزي – بتعرفوا ساركوزي أكيد -حوالي 7700 يورو بعد خصم الضرائب!!
مش عارف إحنا مثل فرنسا يعني؟؟!!.. أقلها من ناحية الاقتصاد.. بلدنا بتحمل أعباء مالية أكتر من الي هي متحملته .. مش المفروض نوابنا يخافوا على الوطن ومصلحة الوطن، انا مش قادر أجاوب ومش عارف أحدد الاتجاهات.. طيب بقدر اسأل كمان : النواب ايش عملوه من بداية انتخابهم ؟؟.. مقدار انتاجيتهم غطت حجم موازنة مجلس الأمة والبالغة 11 مليون دينار؟؟ ضروري يكون عنا مجلس نواب؟
ما في حدا يحكيلهم خلص بكفي ؟ والله شكلها الأمور راح تزيد سوء .. وراح النواب يخربوا بيتنا!!، بس برجع بحكي أنو الحق علينا احنا !.
تعليقات
انا متوقع اذا راتبهم صار 4500 تلاقي الشعب كله راح يرشح حالة المرة الجاي
خالد السعود
| 04/03/2009, 16:27
يا أخي هؤلاء السادة يجب أن يكونوا في النعيم و الراحة لكي يستطيعوا التفكير بشكل أفضل في المشاكل و حلّها بالطريقة الأمثل, فلو لم يكن لديهم هذه الرواتب لكان عليهم التفكير في مشتريات المنزل و نفقة المحروقات و المواصلات و طبيب الأسنان و حذاء الطفل, كأي واحد من الشعب.. فهل تقبل أن يكون السيد النائب واحداً من الشعب؟
فيما لو حدا رفع سيفو بدو يضربني, أنبّه انو عم اتهكّم ها :)
syriangavroche
| 03/03/2009, 20:34
اهلا ياسين ...
حكتلك هي عالم من الطبقة المخملية
خالد السعود
| 04/03/2009, 16:28
بالك رح تتعلموا تنتخبوا صح
رح يعرف حضرة جناب الناخب انه ببيع حاله وبلده قبل صوته وانبح صوتنا من كثر ما حكينا وعلى فكره لا تستغرب بكره من شان الحوافز اللي بدهم يقروها ما يقروا ضريبه لتغطيها
واللي بيده الله يزيده ولا لا
sozan
| 03/03/2009, 22:22
سوزان شرفت المدونة ,
طبعا الي من ايده الله يزيده .. بس لازم حدا يحكيلهم خلص بكفي أو يس خلاص
خالد السعود
| 04/03/2009, 16:30
هاي نتائج الديموقراطية
اشربوا
ما النا احنا و الديموقراطية
بتلبقلنا على اساس
نفسي اسمع مرة انو مجلس النواب عمل شي مفيد للشعب مو بس عنا بالامة العربية و هلا طبعا ضرايب جديدة على الطريق لانو سيادة النائب بدو زيادة
و انا بايد whisper |
و هيك لما بوصلني الدور بكون انتخبني عزرائيل
تحية الك خالد
لبنى
| 03/03/2009, 23:24
تحياتي لبنى ..
صدقيني الي بصير ما اله علاقة بالديموقرطية لا من قريب ولا من بعيد
خالد السعود
| 04/03/2009, 16:31
و الله يا معلم هاد الموضوع ما بتعلق عليه غير بكلمتين الله يعينا...
ابو عامر
| 04/03/2009, 15:44
وين هالغيبة يا معلم تامر ..
بالفعل الله يعينا .. بس كيف بدو يعينا اذا ما قررنا نعين حالنا
خالد السعود
| 04/03/2009, 16:33
مساء الخير
اخي خالد،،
بتعرف هذا المجلس -المنكوب- للاسف هو نتاج انتخابات تجارية حصلت في الاردن قبل سنتين افرزت هذه النخبة النفعية التي لا تبحث الا عن ذاتها،،
يعني يا صديقي كقول الله :" لا تلومموني ولوموا انفسكم ،،ما انا بمصرخكم وما انتم بمصرخي،،"!
محمد العمري
| 04/03/2009, 20:44
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
يا سلااااااااااام يعني راتبهم الشهري اقل من راتبي السنوي بشوي :$
احنا هالمبلغ بناخده قرض من البنك و بنقعد نسد فيه 10 سنوات
خلص يابا انا السنه الجاي بدي ارشح حالي و بنعملها جمعيه بينا كل 4 سنين بنرشح واحد
محدش احسن من حدا