الاسم: خالد السعود
الملف الشخصي
بحث
حديثا...
استطلاع الرأي
في كل يوم صدمة !!
13 كانون ثاني, 2009
"استبعد مسؤول حكومي بارز خيارات إلغاء المعاهدة الأردنية الإسرائيلية أو طرد السفير الإسرائيلي من عمان أو سحب السفير الأردني في تل أبيب علي العايد كردّ على العدوان الإسرائيلي على قطاع غزة لما للأردن من مصالح وطنية عليا بإبقاء الوضع السياسي والدبلوماسي بين الأردن وإسرائيل على ما هو عليه الآن حسب قوله.
وقال مسؤول رفيع المستوى فضل عدم ذكر اسمه ردا على سؤال لـ العرب اليوم أن معاهدة السلام وادي عربة مع إسرائيل تضمن لنا على المستوى الوطني حماية حدودنا الغربية كما أنها تعطينا حرية الحركة في إبقاء المعابر الأردنية مفتوحة لتمكين الشعب الفلسطيني من الصمود.
وتابع المسؤول قبل أن نتخذ أي قرارات لها تأثيرات طويلة الأمد لا بد من اخذ المصالح الأردنية الوطنية العليا في الاعتبار والعمل على تمكين الشعب الفلسطيني من الصمود على أرضه.
وحذر المسؤول انه على الأردنيين أن يكونوا متيقظين من مؤامرة على الشعب الفلسطيني وما بعد غزة قائلا إن المطروح هو وأد ودفن فكرة الدولة الفلسطينية وما يحمله ذلك من تبعات لتهديد الأمن الوطني الأردني.
وشدد على أن إغلاق المعابر من الطرف الأردني قرار غير حكيم لذلك فان معاهدة السلام الأردنية الإسرائيلية تحمي حدودنا وتمكننا من تقديم العون والإغاثة للشعب الفلسطيني" العرب اليوم 13\1\2009
كل يوم في صدمة ولو باختلاف نوعيتها وعيارها ... وكل يوم بتسمعلك اشي بطيرلك برج من دماغك .. والأمّر والأدهى أنه بكون صادر عن مسؤول حكومي وبارز كمان !! يعني مش مواطن على الحصيرة مثلي..
أنا ما راح أعلق أو أنتقد أي شي من التصريح الصادر عن المسؤول الي طيرلي برج من دماغي، طبعا ما راح أنتقد أو أناقش لعدة أسباب \أنا مواطن عادي ومسخم وأكيد بعتبروني مش فاهم إشي وغير هيك تبريره ما خلى مجال اني أحكي : أول إشي لأنه حكى هاي مصلحة الوطن العليا وهم أدرى فيها،وتاني إشي تقديم العون للشعب الفلسطيني وهاد من أهدافنا وهم أدرى كيف ممكن نحققها.
بس بدي أسأل السيد المسؤول"الي تمنيت أعرف أسمه":
ايش يعني بتحمي حدودنا ؟؟! لأني فهمت أنو بدون هالتبادل الدبلوماسي وبدون إتفاقية وادي عربة بنصفي مش قادرين نحمي ..ـ.... !، حتى بعد ما فهمت هيك برضو ضليت مش فاهم يعني القوات المسلحة عنا ما إلها لازمة ولا داعي!! والميزانية والأغاني الوطنية وعلى المنصة و150 ألف مرتب بالقوات المسلحة والخمسة مليون أردني كلهم حكي فاضي !! طب انت شو خليت حكيت لــ 25000 مقاوم بغزة والله اشي مش معقول ولا هو منطقي بالمرة ... بقلك المعاهدة بتحمي حدودنا الغربية !!
انا ما راح أحكي إشي وأحكيلك خلص ما بدي أفهم و بدي أضل هيك مش فاهم اشي أحسن إلي والله يسامحك !تعليقات
اه يا عمي ما احنا لا عنا جيش ولا عنا ناس ولا شي وحقه المسؤول يحكي الي بدوا اياه .
زيد | 14/01/2009, 10:50
يا صديقي طبعا بدوا يحكي هيك ... وكمان بدوا يحكي اكثر عشان كسر الهمم ، وعشان ما تفكر بأي اشي !
صديق | 14/01/2009, 11:25
كل يوم في حبك بزيد ..
محمد البطوش | 14/01/2009, 13:06
الروابط
A service provided by Al Bawaba
و الله يا رفيق خالد كل اشي بهاي المرحلة من التاريخ مهم جداً..هون بتنكشف الوجوه و بتبين مواقف انصاف الرجال.
حرب تموز و العدوان على لبنان بين بهديك الساعة مين الرجال الحقيقيين و مين اللي "بيغامر" بمصير الشعوب.
مرة قال عزت الدوري انو أول صاروخ طلع على العراق كان من دولة شقيقة.يعني شو متوقع يا رفيق من هيك ناس؟
الله بسترنا من خيانتنا و يبعدنا عن الحكم على مصير أبطال غزة لأنو و بصراحة مطلقة " احنا منافقين لحدود فاقت المعقولو ما عاد فينا نخبي وجوهنا الصفرا و دموعنا الكذابة"
تحية الى غزة و تحية الى لبنان.
الرفيق غسان | 14/01/2009, 09:14 [ الرد ]