ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
10 تشرين ثاني, 2008
بقلك قارشين ملح الزلمة !!!
مش قادرين نعمل اشي وماشي بس ليش بنعمل بحالنا هيك وبنحكي حكي ما لزوم مش عارف !!!
اليوم وخلال تصفحي الأنترنت والمواقع الأخبارية تحديدا \مع أنني لا أثق بأغلبها\ ، قرأت خبر مفاده :" استغرب عدد من الحضور في أحدى مناسبات أمين عمان عمر المعاني من وجود ثلاث مصورين يتنافسون على التقاط صور شخصية للامين بحضور الرئيس النمساوي ."
.. وليس هذا هو ما أثارني فهذه الأخبار نقرأ ما يشبهها كل يوم !! ، لكن السيئ هو قراءتي بعض من التعليقات على نص الخبر وأهمها : "وأنتو شو دخلكوا !!!! مالكوا قارشين ملح الزلمة." مراقب
طيب يا مراقب أفندي أنا بدي أحكيلك شو دخلنا وليش قارشين ملح الزلمة !؟ :
أول شي عطوفته شخصية عامة ومسئولة وبأصل الأمور شخصية خدماتيه و واجبه الأول والأساسي خدمتنا والوصاية على الأموال العامة(أموال الشعب) إلي تحت تصرفه ومسؤوليته بتحتم عليه إنفاقه بشكل سليم وصحيح ، وهو حر بهوايته وحر كمان إذا حابب يتصور مشان الأجيال القادمة و إنشالله يا سيدي يكون عنده عشر أو حتى عشرين مصور بس هو إلي يدفع! مش يندفعوا من صندوق الأمانة... يعني بتعرف أجور مصورين على أجور مكاتب محاماة على شوية عطائات بتجمع! وبهاي التكاليف بنقدر نزفت شارع أو نعمل نص حديقة أو حتى أكم بلاطة للأرصفة .. يعني أكيد في بالعاصمة عمان الف شغلة وشغلة أولى من المصورين .. ,أكيد يا مراقب أفندي أنو ما بينا إشي شخصي وعتبك على الي كان بعرفه قبل لا يكون أمين عمان وبالعكس أول ما صار أمين للعاصمة أعجبنا شخصيته وشبوبيته وتأملنا فيه الخير !!
مشان هيك إحنا قارشين ملحو للزلمة !
ويا مراقب يعني من الأفضل انو نلتزم الصمت عند هيك أخبار وما نحكي بالمرة.
بشرفي حاسس حالي قرفان ! خالد السعودتعليقات
و الله يا اخ وليد و يا معلم خالد كل اللي انا قادر احكي انو الله يعطيكم العافية لانه بعد اللي انتو حكيتو ما ضل...
ابو عامر
| 11/11/2008, 00:02
و اضيف لانه الحكي صار بوجع الراس و مثل الي بنفخ بقربة مخزوقة......
ابو عامر
| 11/11/2008, 00:04
ما بقدر الواحد يحكي غير حسبي الله ونعم الوكيل
و ربنا يفرجها علينا
whisper
| 11/11/2008, 10:18
امين مش قصدي امين عمان قصدي آآمين ردا على الدعاء (ربنا يفرجها علينا )
waleed wali
| 11/11/2008, 12:28
يمكن بدو صورة جديدة للفيس بوك
اسامة الرمح
| 13/11/2008, 10:08
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
انا قرأت مبارح في احد المواقع الاخبارية لقاء صحفي مع عطوفة الامين وبصراحة اعجبني اللقاء واعجبني اسلوب عطوفتو ومخططاتو للسنوات القادمة وثقتو بأنو سيبقى في المنصب للسنوات القادمة وايضا ابعاد اعمال شركاته الشخصية عن اعمال وعطاءات الامانة وطبعا هاد كان احد الشروط اللي فرضها عليه دولة رئيس الوزراء لما بلغو ان رح يتعين امين لللحبيبة عمان وعفكرة كلمة امين مقتبسة من كلمة ( أمانة ) وهي مذكورة بالقرآن الكريم كمان
عموما انا معك يا أخ خالد بأنو في أماكن كتير بدها اهتمام اولى من التصوير والحكي الفاضي هاد واذا عطوفتو عندو ثقة فعلا بنفسو المفروض ما يحتاج لحد يصورو ويلمعو بالجرايد
بس هو شو عرفو انو شوارعنا بدها انارة وتعبيد والارصفة بدها بلاط
الزلمة بيطلع من باب بيتو اللي ايد انو بأحد مناطق عمان الغربية لانو الزلمة من الطبقة البرجوازية زي ما بنعرف كلنا وباب بيتو والشارع معبد والارصفة عندو نظيفة والاشجار عجوانب الطريق
عموما الله يجيب اللي في الخير انا نفسيتي تعبت من الشوفات اللي بشوفها وبسمعها كل يوم
سلامي للجميع