ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
21 تشرين اول, 2008
اشمئزاز مش أكثر .
معلمة تهين اهل طالبة جاءوا للسؤال عنها
........- خاص - قدم اهل طالبة في مدرسة خاصة شرقي عمان شكوى بحق معلمة قالوا انها اهانتهم وتلفظت بحقهم بكلام بذيء وجارح للغاية امام الطالبات ومعلماتهن .تفاصيل القصة كما سردها واحد من اهل الطالبة لـ"..... " انه حين قامت زوجته برفقة امها بالذهاب الى المدرسة للسؤال عن ابنة أخيها الصغيرة , وحين علمت المعلمة بقدومهم والتي تكون "خالة" الطالبة , قامت باخفائها في غرفة صفية بعيده عنهم لتمنعهم من مشاهدتها وهددتها اذا تفوهت باي كلمة,ومن ثم توجهت الى زوجته وامها وشتمتهم واهانتهم. اهل الطالبة قالوا ان هنالك خلافات عائلية بينهم وبين المعلمة " الخالة " , الا انهم ابدوا استياءهم من نقل الصراع العائلي داخل المدرسة واطلاق الاهانات عليهم امام الجميع , حيث قاموا بتقديم شكوى لمديرة المدرسة التي وصفوها بانها كانت عاجزة عن القيام باي خطوة بحقها, الامر الذي اضطرهم الى التفكير بتقديم شكوى رسمية الى وزارة التربية والتعليم بحق "الخالة " 21/10/2008 .
طب بالله عليكم هاد خبر؟؟!! ومن موقع إخباري دايما بتفاخر بالرسالة الي بقدمها ! لأ ، وكمان مصنف تحت عيون وآذان ! طب حدا يفهمني عيون مين وآذان شو بهيك خبر ؟ مش الأحسن انهم يخلوا عيونهم وآذانهم يتبعوا لشي مفيد يعني بما يتماشى مع الأحوال الي بنعيشها ؟
خلصنا المشاكل كلها ، وما ضل عنا قصص غير فلانة عملت .وفلانة سوّت ؟
طب بشو كان يفكر هالموقع الأخباري لما نزل هيك خبر وشو بدهم يحكولنا ؟ولا بدهم يعبوا أخبار شروي غروي ومن كل صوب وجهة ؟ ممكن يكون من باب الفكاهة ؟! بس سرد الخبر بيظهر مدى إهتمامهم بالقضية ! حدا بقدر يساعدني ؟ ولا هو خبر عادي بس الغاية منه يهاجموا خالة الطالبة ؟، اذا هيك ماشي بس ضروري نتفاعل معهم ونحاول نفهم المشكلة ونثير عدد من التساؤلات : ممكن تكون عمة الطالبة وأمها اصلا رايحين لأجل اتمام مؤامرة نسائية على خالة الطالبة؟ .. اكيد بعرفوا أنو خالة الطالبة مدرسة بنفس المدرسة /ولا انتوا شو رايكم ؟/وبعدين تعوا لنشوف من متى العمة أو الجدة بتروح على مدرسة عشان يسألوا عن بنت أخ أو حفيد ؟
لا عنجد !! ما هو اولياء الأمور يادوب وبمية استدعا حتى يروحوا يسألوا على أطفالهم .. احكيلكم انا بعرف ناس ما وصلوا المدرسة يسألوا عن اولادهم أكثر مرة او مرتين طوال فترة الدراسة!
مش قادر اكون المحقق كونان حتى أصل لنتيجة ! ، وكمان مش قادر استوعب الخبر ولا هالرسالة الأعلامية الي ماشية بالبلد هالايام ..
يا عمي مشان الله تفكوا عنا ..، لأنه مش ضايل إلا ....... .
بس بتعرفوا الحق علينا وبنستاهل أكتر من هيك .
ملاحظة : اعتذر للجميع عن اللغة العامية التي وردت ولكن والأسباب نفسية وأجتماعية لم أستطع أن أترجم ما قيل الى لغة أديبة تليق بكم ، أرجوا منكم قبول اعتذاري وتفهم أبعاد الأزمة التي امر بها مؤخرا.
خالد السعود
تعليقات
و الله يا معلم مش عارف شو احكي بس اتوقع قلت الكلام على هييك شبكة اخبارية بكون افضل لانو الواحد مش ناقص قصص طرمة ووجع راس
ابو عامر
| 21/10/2008, 14:09
عادي يا خالد
هيك مواقع ممكن تتوقع منها اي شي
محمد عمر
| 21/10/2008, 14:34
بصراحة يا أخ خالد كلامك جدا منطقي وانا بتمنى لو الكل بيفكر بهاي النظرة المبعدية اللي انت بتفكر فيها يعني انا متأكد انو الناس قرأت الخبر ولامت المعلمة مباشرة بس الناس ما فكرو انو فعلا ليش العمة والجدة رايحين وعفكرة المعلمة لما اخفت الطالبة انا متأكد انو لخوفها عالطالبة ولإهتماها ايضا وفعلا من ايمتى نص العيلة بتروح تسأل عالطالب ولا الطالبة عمرما يا أخ خالد بدها طولت بال وانا بنصحك لاتوجع راسك لانو حتى التفكير او متابعة هيك مواقع اخبارية هو مضيعة للوقت .
وشكرا الك
waleed wali
| 21/10/2008, 15:38
يا رفيق خالد
شو بدنا نصلّح حتى نصلح؟؟
اذا التعليم من اصلو فاشل بالأردن و تجارة علنية و المعلم(ــة) مهان(ــة) و ما في انصاف هذا من ناحية
و من ناحية اخرى هالصحفيين و جرايدهم اتجهوا مؤخراً صوب التفاهة و عدم المسؤولية المهنية
زي المحامين اللي قاعدين بلا شغل
يعني بيروح أحدهم ي"فلفش" بملفات المحكمة على قضية تأمين "مكسبها 100%" مضى على اقفالها "30 شهراً" يعني رزق الهبل عــ المجانين!!!
ما أخذ بالقوة يا رفيق خالد لا يسترد بغيرها ..
و اللبيب من الاشارة يفهم
ghassan khaliil
| 21/10/2008, 17:40
اشكر اهتمامك ومتابعتك غسان .
شكرا
خالد السعود
| 22/10/2008, 08:34
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
انا اول ما بديت اقرأ..بحكي ماله الشب شكله مرضان شو هالموضوع :/
شو خاله بنت عم ام اختي...ما بحب هالقصص بالحياه انا...نقوم نقرأها بمواقع اخباريه
معك حق الموضوع تفيهي...يعني مش تافه بس,لا تصغير للتفاهه