ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
16 تشرين اول, 2008
ثلث الشعب ... وأكثر !!
"علمت العرب اليوم من مصدر مطلع في شركات نقل واسكان الحجاج والمعتمرين ان الوزارة قررت منح كل وزير 8 تصاريح للحج كما قررت منح 3 تصاريح لكل عضو من مجلسي الاعيان والنواب. وتصل اعدادها الى حوالي 750 تصريح حج.
وحسب المصدر فان وزراء ونوابا واعيانا راجعوا بالفعل شركات اسكان ونقل الحجاج لاختيار البرامج التي يرغبونها لتأدية فريضة الحج.
وكان وزير الاوقاف اشار خلال المؤتمر الصحافي الذي عقده نهاية الشهر الماضي انه لا يعارض ارسال النواب الى الحج بهدف مراقبة اداء الوزارة هناك.
الى ذلك ما زالت مديريات الاوقاف في محافظات المملكة المختلفة تشهد عمليات اعادة تصاريح الحج بعد ان حرمت الوزارة من خلال تعليمات الحج اصطحاب الراغب بالحج مرافقا معه, اضافة الى حرمان الحالات الانسانية من شريحة المرضى من الحج. العرب اليوم 16/10/2008.
أكثر من 30.000 مواطن تقدم للوزارة الأوقاف للحصول على تصريح للإداء فريضة الحج هذا العام ، مع العلم بأن اغلب المتقدمين هم من كبار السن وينتظرون اداء الفريضة بشوق ومنهم من تقدم لطلب التصريح اكثر من مرة .. يتقدمون و ينتظرون ، و وزارة الأوقاف لم تنتهي بعد ومنذ أعوام من مواليد عام 1943 .. ينتظرون و وزارة الأوقاف تعتمد آلية غير واضحة بالتوزيع أعرضها على نفسي آملا بالوصول الى حل هذه المعادلة :
· البعثة الادارية والارشادية والخدماتية لوزارة الاوقاف وعددها 516 عضوا ، أو يزيد.
· بعثات متفرقة (بعثة الجيش والامن العام والدفاع المدني و....) تقريبا 1000 تصريح .
· الوزراء وأعضاء مجلسي النواب والأعيان حوالي 750 تصريح ./هذا وفي حال التزامهم بالعدد الممنوح لكل عضو أو وزير .
· ....... تصريح من تحت الطاولة ، واسطة ومحسوبية.
أي بأجمالي يزيد عن 2230 تصريح من تصاريح الكوتا الرسمية لحجاج المملكة الأردنية الهاشمية ، ومن الجدير بالذكر أن عدد الكوتا الرسمي لحجاج المملكة هو 7000 حاج !!
خالد السعود
تعليقات
بارك الله فيه معالي وزير الاوقاف لانو بدو يرسل بعثة من مجلس النواب حتى تهتم بأمور الحجاج وتفويجهم وتنظيم تنقلهم بين المشاعر مثل ما بقول المثل المصري ( بكرة بنوقف عالحيطة وبنسمع الزيطة )
waleed
| 16/10/2008, 15:31
يا ريت واقفه عند هالحد الموضوع اكبر من هيك يعني لو حسبت اجرة سكن مكة بيطلع معك ما يقارب ال 17000 الف ريال سعودي متوسط الغرفة وقد علمت من احد الاصدقاء ان الفنادق ذات الاربع نجوم والثلاث نجوم اسعار الغرف فيها اقل من هذا السعر ...
حسبي الله ونعم الوكيل
مواطن
| 16/10/2008, 16:49
انسى كمان اللي بطلعو من وزاره الصحه على اساس انه يهتمو بصحه الحجاج...هو من قليل منعو المرافقين السنه
في ناس بقدرو يحجو السنه, والسنه الجاي ما بقدرو لاسباب ماديه او صحيه...كل هدول الناس خطيتهم برقبه المسؤولين عن تحديد الاعمار
حسبي الله ونعم الوكيل
whisper
| 16/10/2008, 20:03
كنت راكبة ب تكسي و اخدنا وحدة من طريقنا لانه ازمة كتير المنطقة الي احنا فيها الي عند وزارة الاوقاف...المهم كانت ست ختيارة كبيرة و بترج و تعبانه و الدنيا كانت شوب و مش لاقية تكسي تركبه ف بتترجى صاحب التكسي يركبها معها
ف الحمد لله ركبناها معنا و صارت تشكيلي ة بتحكي: صرت رايحة 5 مرات و مش راضيين يعطوني الموافقة انه احج...حسبي الله و نعم الوكيل عليهم ضلت تردد طول الطريق هاي الجملة و الست زي المحروق قلبها...انا بصراحة صرت احكيلها ان شالله يا حجة الله يحسبلك اجرها بدون ما تروحي...صرت احكي بنفسي ازا لا قدر الله توفت هالست قبل ماتحج شو ذنبها انه ما طللعلها مع انه لو عندها واسطة كان زبطت من اول مراجعه عن جد حزنتني و فكرت ب حالي و حكيت معقول لما اكبر رح اكون متلهفة لهاي الفريضة متل هاي الست؟؟؟اكيد هالشعور رح يكون عندي اقوى و الله اعلم.....بس حبيت احكيلكم قديش الي ما بطلعله قلبه بنحرق و الي بروح ابسر مع اي واسطة بكون رايح قبلها ابسر كم مرة؟؟؟؟؟؟؟حتى الحج يا ربي صارت واسطات عن جد بكفي و الله انه زهقنا
تعليق
| 18/10/2008, 08:38
يا اخي هالحج عم يقص مصاري شو بدك بالحكي
reemi
| 18/10/2008, 14:40
هاي لسه حسبت توزيع التصاريح ، ولو تعرفي كيف حسبة تكاليف الحج بتعرفي شو هي الارباح الي بتيجي للوزارة من حجاج الاردن وعرب 48 .
خالد السعود
| 18/10/2008, 14:48
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
و ال 30000 الباقين وينهم, اكيد الواسطة اللي عندهم مش قوية كفاية.