ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
14 ايلول, 2008
لن أنفث غضبي .. فدعوني أنفث دخاني !
فجعت منذ عدة أيام من قرار منع التدخين في الأماكن العامة !
نعم فجعت من القرار و من آلية التنفيذ المحتملة والتي لا زلت أجهلها!.... و بعد ذلك فجعت من جديد عندما بدأت أستذكر الأماكن العامة المحتمل شمولها بالقرار !
وأخير "انهبلت"! -فثلاث فجعات بالنفس بهبلوا!- من كيفية التعامل وردود الفعل المتوقعة للجمهور الكريم : وللذكر لا للحصر : صديقي أبو بيسان (محرقة من الطراز الأول)... سعدي قشطة (24 ساعة مهموم) وأبو واصف (مدخن شره وخبرة 45 عاما) ...والكثيرمن الذين أرهقتهم الهموم .. وجعلتهم ينفثون همومهم مع دخان سجائرهم على كل رصيف أو على طرف شارع عام وحتى على مقعد انتظار لحافلات النقل العام .. تحت مظلة سوق شعبي للخضار /والفواكة للمناسبات مش اكثر/، انا نفسي احسست اني سأحاصر بهذا القرار – وبلشت اخرمش- :
- يا سلام معقول وصلنا لهدرجة من المدنية؟!"مع انو الديزل الي عنا وفوق ما هو ديزل مش مطابق للمواصفات والمقياس !
- خلص يعني كل الامور ماشية صح؟ ، و وقفت على دخانا ؟!
- مش عارف بس حدا يحكيلي صحتنا لهدرجة صارت مهمة ؟ والله اخبار بتفرح ..
- كثر الله خيرهم مجلس الامة الي عندهم وقت يهتموا فيه بتفاصيل معيشتنا!
- بالنسبة الي راح احمل كيس عشان انفخ الدخان فيه وماأضر غيري ولا ألوث الجو والبيئة ، وبصير افضيه بالبيت لما أروح!- "وكانت احدى الدراسات التي صدرت قد وبينت ان نسبة المدخنين من الفئات العمرية (12ـ 15) عاما تقدر بـ(18%) مشيرة الى إحصائيات رسمية تؤكد ان الأردن ينفق نحو (600) مليون دينار سنويا على التدخين وبما يعادل كلفة إنشاء (6) مستشفيات بحجم مستشفى الأمير حمزة وبسعة (400) سرير. جزء من الخبر بأحدى وكالات الأنباء الأردنية "... مش عارف شو معناه هالحكي !؟ طب ممكن حدا يحكيلنا كم عائدات الخزينة من الضرائب على التبغ والسجائر.!؟
- بدكوا الصراحة أنا شايف أنو هاد القرار بضر بالصالح العام وبعائدات الخزينة ويا ريت تعدلوا عنه "والخير يغير" !
خالد السعود
14/9/2008
تعليقات
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba