ما أَمَرَّ اللّغةَ الآنَ وما أضيقَ بابَ الأبجديّهْ.
"أدونيس"
25 شباط, 2009
صالون خمس نجوم ..
في حج هذا العام قمت بحلاقة شعري على الشفرة "موس كما يقولون"، ومنذ عودتي ولغاية هذا اليوم لم أقم بزيارة إلى الحلاق .. لا أعلم هل هو الكسل.. الجو العام أم أنه مجرد إحباط عابر!؟ ومن المؤكد أنه لن يكون سبب واحدا، فزيارة الحلاق من أبشع الأعمال الروتينية لدي ومنذ أمد.. الله يرحم أيام زمان \وزمان بالمناسبة يعني منذ أكثر من عشرين سنة، يعني الله يرحم أيام الطفولة !! حينها لم أكن مضطرا للذهاب للحلاق ولا غيروا: أذكر أن أمي كانت تملك مقصا من النوع الجيد ، لم تكن تتقن الحلاقة جيدا ولكن ذلك أرحم لها من اصطحابنا إلى الحلاق والوقوف هناك بانتظارنا أنا وأخوتي.
وأذكر أيضا أنه وفي أحد الأيام المشمسة وبعد أن قررت أمي الحلاقة لي ولأخوتي "خليل وعمر" قامت بإجلاسي على الكرسي "بحوش المنزل" وألبستني شوال بلاستيكي أسود بعد قصه من ثلاثة أماكن من الجهة المغلقة من الكيس لأستطيع إدخال يدي ورأسي منها كي لا ينفذ الشعر المقصوص على ملابسي... ،أظنه من شوالات القمامة الخاصة بالبلدية آنذاك،
المهم...
بدأت أمي بالحلاقة لي وبدأت أنا بدوري بالحركة وبين اللحظة والأخرى كانت تصرخ بي لأهدأ كي تستطيع إنهاء"التسريحة"، وبالنهاية وحيث أنني لم أمتثل لما تقول، قامت وبالخطأ بقص شحمة أذني... لم يكن جرحا كبيرا ولكن الدماء نزلت بغزارة منه، حادثة لا تنسى بالنسبة لي وأعتقد أنها كذلك بالنسبة لأمي.
لا أعلم قد لا أذهب إلى الحلاق مجددا وسأدع زوجتي تحلق لي ،ليس بالمقص طبعا وبكل تأكيد بدون كيس البلدية الأسود !
تعليقات
يا خالد...زوجتك تحلقلك كتير ارحملك من غيرها
فنعيما مقدما
وزي ما بقول المثل
ارنب سعيد ولا اسد تعيس :)
whisper
| 25/02/2009, 19:18
من ناحية الحلاقة طبعا احسن الي .. بس الله يستر
خالد السعود
| 26/02/2009, 15:07
نيالك رحت على الحج...الف مبروك
انا مره فصيت لأولادي الأثنين اذنيهم( بالغلط طبعا) لما كانوا صغار...بعدها حرّمت أقص لأي حد شعره مهما كانت الظروف...التجربه كانت كتير صعبه علي, و اكيد عليهم!
:(
Summer
| 25/02/2009, 22:26
اهلا سمر .. وشرفت المدونة :
الظاهر الحلاقة ميول انثوي ومنتشر..
خالد السعود
| 26/02/2009, 15:03
ذكرتين بأمي الله يخليها
إلها على حركات القص وهيك
مره خالتي اجت بدها تقص لأخوي شعره انتهت القصه بأنه حلقولو زيرو عالماكينه
الظاهر انو كل الناس عندهم من هالقصه:)
ميّاسي
| 25/02/2009, 23:44
مياسي كيفك ؟
والله شكلها هيك
خالد السعود
| 26/02/2009, 15:10
مبروك الحج.. يا حج تقبل الله..
ونعيما مسبقاً..:)
بافعل انا اكره كرسي الحلاق.. وكرسي طبيب الأسنان.. قمة الملل وقمة الألم :D
Crimson
| 26/02/2009, 00:00
وانا متلك والكراسي بشكل عام ما بحبها !:)
أهلا فيك يا قرمزي
خالد السعود
| 26/02/2009, 15:11
مبروك ياحج
و مقبول باذن الله
ذكرتني باخي الصغير لما روحوا من المدرسة لانو شعرو طويل و كان الاتنين و الحلاق مسكر
و علشان يداوم تاني يوم
حلقتلوا اختي بالبيت
بس شو خلقة اربع موديلات و خلتلوا الغرة
و روحوا تاني يوم لانو مخرب شعروا
و اللع ايام زمان كانت حلوة
تحية الك و نعيما مسبقا
jafra78
| 26/02/2009, 13:59
اهلا جفرا..
اخوك ما راح ينسى هاد اليوم أكيد..
وايام زمان .. ما راح ترجع ومش الموضوع انه انا كبرنا بس هي اتغيرت واسياء تانية
خالد السعود
| 26/02/2009, 15:15
أنا بئلك لي ما بدك تحلق لان الشعرات بدفو :) و أنا بعرف إنو الجو بارد عندكم
ومبروك الحج :)
JUMANA :)
| 04/03/2009, 23:31
ذكرتني بصغري لما كنت احلق عند حلاق صاحبنا كان عنده صالون قديم كثير و كنت اكيف بس اروح عليه، بالمناسبة مرت فترة انتشر فيها نوع مشوط بتركب فيه شفرة حلاقة(التمساح) ما بعرف اذا مر عليك
محمد
| 18/03/2009, 01:56
الملف الشخصي
- الاسم: خالد السعود
القائمة
بحث
حديثا...
استطلاع الرأي
الروابط
التصنيفات
Syndicate
A service provided by Al Bawaba
والله ضحكتني ..