alleluia

عشت ايام عمري حاني طهري للحمل التقبل
و في كلامك عن الخطية قلت ارمي عنك اشيل.

وحشتني
و رجعت لقيتك
فارد ايدك
بتضمني
و بعنيك بتقول سامحتك و نبض قلبك اعظم دليل.

عشت ايام عمري ناسي انك ابويا صاحب الجميل
و في كلامك قلت ارجع ليه تعيش عمرك ذليل .

عشت ايام عمري جاحد فضل موتك فاكره قليل
و في كلامك عن الصليب قلت حب مالوش مثيل.

ساعدني اعيش عمري اللي باقي طريق خلاصك و لا يوم اميل
عشان كلامك بيقول اشيل صليبي و انت بحملي كفيل .

و برحمتك هاعدي الطريق حتي ان كان ضيق و طويل
و كل كلمة من كلامك هتكون هدايتي طول الرحيل .

لو كنت تايه مش لاقي طريقك افتح الكتاب و هتلاقي كل كلمة من كلامه هتحكي معاك و تقولك..............لو تصدقني..............

انا و انتي و انت شباب
عايزين نعيش ايامنا بجد
و نغوص في بجر الكون
و اي سد قدامنا يتهد
طول ما انا وانتي و انت شباب

ما احلي القلب اللى جوانا
ولا اي شىء يقدر يقرب لسمانا
نحب ونتحب اصل احنا احباب
طول ما انا وانتي و انت شباب

نقول يا بكره افرح بينا
ما احنا ليك و انت لينا
و طريقنا ليك ما يسده باب
طول ما انا وانتي و انت شباب

بنتعلم من عمو و جدو
و اعلم بنتي و ابن ابني لما ابقى جدو
طول ما انا وانتي و انت شباب

بايدينا نزيل اي صعاب
و نعلى باحلامنا للسحاب
طول ما انا وانتي و انت شباب

اقوياء و بنهرب من الشهوات
علشان تزيد حياتنا بركات
و شبابنا يفضل شباب
ده مش كلامي ده كلام الكتاب
طول ما انا وانتي و انت شباب

بنكمل من بعض احلامنا
و تخلد الدنيا ايامنا
و اولادنا يحكوا لاطفالهم
و يقولوهم اسمعوا قصص الاصحاب
طول ما انا وانتي و انت شباب

انا قلبي عميق كالبحر
و انتي قلبك عالي للسما
و انت قلبك جامد كالصخر
و بكده جمعنا الدنيا بقلوبنا
و بنحي الكون بشبابنا
طول ما انا وانتي و انت شباب

قلبي انا يفضل صامد جامد
و يدق بقوة اصل انا شاب
و قلبك انتي يفضل مجنون و حنون
و كمان بيدق بحساب
و قلبك انت يفضل صابر و يثابر
و لا يوم امله خاب
طول ما انا وانتي و انت شباب

بايدينا نغير عاداتنا و تقاليدنا
طبعا للاحسن و للي يفيدنا
و لايوم نتكبر على اللى قبلنا
و لا يوم ننسى الي خلفونا و ربونا
طول ما انا وانتي و انت شباب

انا وانا لسه طفل صغير
عمري ما كنت في يوم متحير
اصل انا شجاع
و عمري ما خفت من الدياب

و انتي لما كنتي في اللفه
عارفه و فاهمه و لا شىء يخفي
و لما كبرتي شويه بقيتي
واضحه و صريحه و مباشره
لا لف و لا دوران و لا شويه خفه
و لا يقرب لك كلب من الكلاب

و انت لما كنت مراهق
كنت طول عمرك صادق
من بابا كنت بتتعلم
و تسأل و تتفهم و تتكلم
و كنتوا اكتر من اصحاب
طول ما انا وانتي و انت شباب

نصرخ صرخه تهز جبال
و نقول للعام احنا شباب
و طول ما احنا شباب
و بعد الكلام اللي إتقال
ما تيجوا يا شباب نبقي اصحاب
طول ما انا وانتي و انت شباب .

مرارة جوه نفسي وجعاني
و حبال علي رقبتي خنقاني
مكسور وعاجز و كمان وحداني
و الم مالوش نهايه و سكاكين دبحاني
عايش في سجن و سجن كمان جواني
و مجهول بيجلدني و اشباح محوطاني
خايف و مرعوب و نفسي كمان مخصماني
عاوز اصرخ و صوتي مبحوح
غرقان في الهم و قلبي مجروح
و ضلمة حواليا قتلاني
و كل ما جرح يطيب
يسيب 100 الم جواني
دا حتي الوحدة مش لاقيها
و الاقيها ازاي و كل الناس حواليا كرهاني
و فينك يا موت بتمني لو الموت جاني
و كل اللى جوايا بيكرهني
و انا بأكره كل شىء جواني
و كل كارثة تيجى و تروح
تجيب معاها مليون كارثة تاني
مشلول مش قادر اتحرك
ومش لاقي حاجة سنداني
و نفسي اتكلم و اقول و اصرخ و ابكي
بس مفيش دموع في عينيا معزياني
و كل شىء حوايا بيصرخ
انت خلاص مفيش امل تاني
ارد و اقول منين هايجي الامل
و كل الابواب متقفله قدامه و قدامي
و لو ها روحله ها مشيله ازاي
و طريقي كله شوك و مصايب شلاني
و كل يوم يجي بهمه و هم الايام اللى قبله
و يقولي شيل و ها شيل غصب عني
شويه علي اكتافي و شويه في بالي
و الباقي جواني
فاقد الامل و يائس
بس بفكر هل ممكن لو ممكن
اني اكون واحد تاني
مين اللى ممكن ينسيني
و دايما فاكرني و لا ينساني
بس ارجع و اقول
دا انا نسيت شكل الحب
و الحنان بقي شىء مجهول بالنسبالي
و نسيت طعم الحلو
اصل اللى جوايا مرارة وجعاني
و كل شىء جميل ما ليش فيه مكان
و الحياه دي مش مكاني
نفسى اصرخ و اقول شيل
يا اللى تقدر تشيل كل مراره و جعاني



و في حيرتي و في عجزي
و وسط الضلمة و وسط النار
لقيت ايد بتتمد لي
و صوت حنون ناداني
و يقولى قوم و فتح عينيك
و شوف النور السماوي
قوم و اتحرك و انسي مرارتك
و امسك ايدي لو ناوي
قلت ازاي و انا مربوط
و العجز مالكني و احمال كسراني
مش قادر افتح عينيا
دي حياتي كسفاني
قلت انا عملت و بعمل و اكيد ها اعمل
بلاوي سوده مبهدلاني
دا انا ببعد عن طريق الحق
بإرادتي و مفيش حاجة غصباني
اخترت اكون واحد عاصي
و اقفل قلبي و عاجبني ضهري الحاني
قاللى انا حاسس بيك و بقلبك
و كل عذابك ما تخفشي يا ابني
ها اديك اماني
قوللي قول ياللى تقدر تفك
وانا عند وعدي و التحرير سلطاني
قلت حبيبي ارحمني انا ملكك
اخلق جوايا ايماني
علطول خدني في حضنه
و دخل و اتعشى معايا
و احزاني نساني
و قلت له عيش جوايا و ويايا
و خلي نعمتك علطول رفعاني
عيشني اسير دا انا ما استحقش
اني اكون عايش
بس محبتك هى اللى معيشاني
و اديني فرحان و بواجه
أي صعب بدماه اللى ستراني
و شايل صليبي دا حمله هين
علشان ايديه هي اللى شيلاني
و بوصف سعادتي و اختباراتي
بأجمل المعاني
و ادي حياتي بتشهد
و لساني يرنم اجمل المعاني
و صدقوني نسيت اصلا ان كان فيه
مرارة جوه نفسى و جعاني

طائر انا بكياني الي السماء لتلقيني
في موطن غير موطني غير موطني يشتاق اليه حنيني
لاالملم كل اوجاعي واعصب كل جروحي
و استقى من بحر النسيان لأطفىء ظما روحي

طائر انا بكياني الى السماء لتلاقيني
بحبات المطر التي تحكي عن سنيني
تحسب نفسها عاليه فتسقط لتذكرني
بعشى الذي بنيته ليحميني
اسسته بين السحب
و رفعته بقوة حبي
فإذ به يهوي الى الارض في سكوني
فاختفي مثلما يختفي القمر طموحي

طائر انا بكياني الى السماء لتحررني
من اوهام عشتها واخذت ترفعني
تتشاجر احلامي في داخلى
و ما كان الموت ليحزنني
فنظرت الى نفس و انا
طائر فوجدتني فارغ ما يوجد الا الظلام ليملأني

بنيت بيتي علي الصخر واقف بثبات
تهب الموجة وتيجي الريح لا اتهز و لا اتأثر دا انا لي اساسات
و اساسي ان يسوع ساكن في قلبي
و كفاية عليا اني منقوش علي كف ربي
حصن حياتي هو رعايته
و اعدي من ليوم بأختبارات
المس ايده و وعده
في كلمة يقولهالي من كتبه
يسمعني يشفي يعصب ينقي يجدد و يضمني لصدره
دا طيبته وحنانه متتوصفش بكلمات
يا سلام لما بكون في قعده معاه
ابتسامته تملي عينيا ضحكه
و لساني يرنم احلي ترنيمات
و امشي مشتاق في السكة
و فرحة قلبي تسبق الخطوات
يخلق جوايا سلامي يطمن فكري
و تحلي بيه ايامي
و اسلم نفسي بين ايديه يرعاني
و يعوضني عن كل اللي فات
و يصبرني وعده لي
دا زمان غربه و هيعدي
و مش ممكن اتوه ادام صوته بيهدي
و لو كل الدنيا واقفة ضدي
انا برضو زي سيدي حافظ وعدي
و مستني اشوفه في السماوات

الملف الشخصي

• الاسم: اسحق اسعد

• الصفحة الرئيسية
• الارشيف
• الالبومات
• الروابط

• وحشتني
• انا و انتي و انت
• مرارة جوة نفسي وجعاني
• طائر انا
• بنيت بيتي

الروابط

• ايميل
• الله يحبك
• حياة يسوع هل هو الله
• للرد على الشبهات الوهميه على الكتاب المقدس
• اجمل لعبه شفتها فى حياتي و اذكي لعبه
• منتديات الشباب المسيحي
• الكتاب المقدس
• البوابة
• البوابة مزيكا

• عام [5]

• RSS 2.0
• Atom 0.3