القلب الجريح | امبراطورية مقلب الزبالة

امبراطورية مقلب الزبالة

24 تموز, 2007

تنبيه هام ....لحظة واحدة يا جماعة .... ده لحظة واحدة مش والله ساعة .... وال اخدها من قصيرها وأروح أشكى للاذاعة ...وياريت تفتحوا عنيكم ومخكم معايا ... دى مش رواية ... ده حكاية بسيطة فقط ... ولا تفهموش الحكاية غلط ....ويبقى عبط لو ربط حد فيكم الخيال بالحقيقة ... دى مش اهانة دى امانة .... ولعدم الخلط واحط تحتها مليون خط وخط ...علشان لا تقولوا الراجل ده فى مخه اتخبط واتهبل واتعبط وراح بافكاره بعيد وقال كلام شطط .... وخاض فى ما له فيه معركة ... وراح رامى نفسه فى التهلكة ... وزلف لسانه بكلام بعككة فى بعككة .... ده خيال وراسى ومش لغط ... دى مشاعر بيها شاعر فيها اتورط لو تفهموه لا العيون بكت ولا القلوب شكت وانبرت ولا الفم انخرس وانسكت .. ولا انقال على الصعايدة نكت ... ومش شطط .. دى حدوتة بسيطة خالص عن مقلب زبالة وبأقول مقلب مش صفيحة .. ريحته فاحت مليان لعينه قلوب جريحة ... وححسيت وشعرت بالقلوب وشميت ريحة الزبالة ... وتخيلت المقلب امبراطورية عظيمة وهيلمان وأمة ما لها قيمة ليها كيانها .. روحت معين نفسى بسلامتى حال لسانها ... ودى امبراطورية ليها حاكم دكتاتور امبراطور زمانه وعلشانه الكل انحنى ووطى وانبط .. وراحوا وفصلوا من المذلة والهوان شعارات ويوفط ...والمسكنة والمحلسة والخزى كتبوهم على الهدوم والفوط ... والنفاق قال ايه عملوه ترياق ... والبذائة والحدائة فاكرينها شطارة ومفهومية (لا يا عربجية ) ... أصل العبارة دى قذارة خلوها نوط وعلقوها جوة صدورهم زينة .. دى والله عمايل مهينة ... هم مش فاكرين ولا هم ناسين ... ده دكتاتور أصله واطى وبلط ... من اصل خسيس انفرط .. وبالمحلسة والمحسوبية فى الوظايف الكبيرة انخرط ... وهب فوق لزق خبط فى لمح البصر على الكرسى الكبير راح شبط وانبسط وانبط وانشال وانحط وانمط وفط ونط على الحكم نط ...ده حويط مش بسيط والزبالة راح واكلها وز وبط وشفطها شفط وعط فيها عط... ماهو عرف ازاى ياكلها ويبلعها فى كرشه اللى ورم من كتر اللهط ... ماهو ياجماعة معاه حكومة لبط دبش وزلط ... حطو ايديها فى ايده على الغلابة المطحونين الملزوقين على قفاهم اللى لطوا على خدودهم لط من الرزع والخبط ... واللى عايشين فى قحط وقحط .... غرقنين ومش لاقين ايتها شط ........ والله ده مقلب زبالة ماله ضبط وربط ... فيه الضمير من برج عالى راح سقط وانهبط فى بير غويط مات شهيد على مضض ... دى والله يا جماعة خطط مدروسة ومحسوبة متأسسة ... عارفين ازاى يمسكوها من الوسط ... ده نمط يا جماعة للفساد اللة انضبط وضغط وضرط ...وللغنايم راح لقط ... ماهو خيط رفيع لو انشد انقطع ... ولو انفرج وانبسط راح ينربط . .... واقول كمان .................... ................................. حيوا معايا مقلب الزبالة ودى حكومة عايزة ازالة حكومة طايلة ريحتها فاحت فيها راحت والله العدالة حكومةتفسد مترح ما راحت طاحت فيها والله الحثالة قابضة الرقاب طابقة روحنا زادت جروحنا بايد السفالة ده ورم خبيث سرطان وساكن وضرورى باتره او استئصاله دى اله صعبة تروسها حامية تاكلها والعة عز الايالة طريق ولافف حكومة عايقة دى والله سايقة الهبالة ودى خوانة فاكرينها حانة خلوهاها طينة حتى الثمالة يادى المصيبة باعوا القضية اللى هى الامن والعدالة ياحكومة ياللى ده انت تعلى ياحقيقة هلى طلى باقالة هى دى حصانة ولا حضانة دى مسئولية ليها الجلالة امة ولايصة ودى بشر هايصة ودى حكومة مايصة بانحلالة الامة ونايمة مالها قومة دى حكومة عايمة على الندالة رقابة غايبة وامة وخايبة وحكومة سايبة زى الزبالة حكومة بلادى ويّا الاعادى ماهى دى حكومة خسة وندالة والله يا ابنى ده زمن معيوب انجرحت قلوب من حد انصالة القلب مكلوم واللى مظلوم قولى مين راح يسمع اقواله بص واتفرج على اللى اتكلم اتألم من السلطة وشردت عياله طيب يا صاحبى قول الحقيقة بص شوف عمل الحبن والرزالة راح يطعنوك وراح يقطعوك ح ينهشوك ويقولوا هو ماله وراح يجرحوا وراح ينطحوا وينشروا اساليب السفالة فاكرين اللى قال الحقيقة قتلوه وراح شهيد الرسالة ما هو ده انسان عمره ما خان بس هان على ولاد الزبالة وكان يعمل ايه وسط العتمة واكتمة حبساه والمقالة طيب والشهيد كان يعمل ايه ماهو الشرف هو كل راس ماله دنيا ضالمة وحكومة ظالمة ومحاكمة مرة حكمت باغتياله ده مصير قاسى مكتوب نعيشه ما يمكن ده اسهال يمكن زلالة حكومة لاوقة وايه ده يعنى ده الوساخة ليها يوم ازالة بناية واقعة ده سور وناقص يمكن فى يوم راح يتم اكماله يارب اناجيك ادعى واشتكى ياذى الجاه يا ذى الجلالة رب خلى البشر يمحوا الخطر ويلغوا ضلام الاستحالة _ ................................................................