al3ndlip

!

صبح صبح و اسمع اخر الاخبار
... يلي تغزل بدرب الهجر و القطاعه

للحين انت تايه وتدرولك ع دار
... عاشق وحيد وسط ذيك الجماعه

وحيد في حبك و العقل محتار
... والحزن بعالمك مثل اخوك برضاعه

النار وكاد ماتنطفي ياخوي بنار
... انت شخص ضايع منهبل بضياعه

والا انا ياما فرشت بدربك ازهار
... لا لديت صوبي قلت سمعً وطاعه

كنا على وضع المحبين شطار
... بس خربت جونا بلهبل و اللكاعه

الصمت مايمشي على مود ثرثار
... و الصدق ما يندمج بدرب الاشاعه

خلك على ماقيل ماضي وتذكار
... بعت قلبك لشخص ترى اليوم باعه

لا تقول نرجع و كن ماشي صار
... لاني مثل النجم عالي ارتفاعه

انا كذا اصب فكري بخمسه انهار
... حب جنون عشق خيال و شجاعه

كلمه بعدها عزمت اهدم الاسوار
... اعتبرني بير ماراح تشوف قاعه

ارجوك اسمع لرابح اخر الاخبار
... و الحين لا تطلب من ربعي شفاعه

 !

’،

فقير غني واحد تحت و الثاني بلقمه
... أناظرهم و أناظر وضعي أنا ووش حالى

الوضع و الماده لتحسين وضعنا مهمه
... أدخل على المول و كل شي فيه غالي

أبي مليون و راضي بس لو أني أشمه
... و أبي أرتاح و مابي أشيل هم جوالي

الفقر مو عيب وربي بس يا ثقل دمه
... و الا شغال في الهاتف بالفاتوره لآ يبالى

مع الاسهم البشر على البنك ملتمه
... ناس تكسب ذهب و ناس على منوالى

حتى بنات الجخ عادي لو اقولها عمه
... و بنات الفقر خلهم يتابعو ليدي و سالى

أبي أخاوي بنات العز و الذمه من الذمه
... وش فيها طموحي أحسن وضعي المالي

بتزوج قريب و ابشركم جيبي فاتحاً فمه
... و الدين راكبني من عيال عم و عيال خالي

بنت مع سائق الناغي معطيها بي أمه
... و أنا مع الكابريس و الا الجمس سالى

الهمه يا حازم يرحم ابو جدك الهمه
... خلص دراسه و التعين معرض الجفالي

الصدق تراني خبل جاي مستخف دمه
... و لو بنت العز فالى بقول فال الله ولا فالي

’،

//


يا الربع آنا قلبي توفىَ من العآم
.... و مآ عاد للحب في جعبتي قيمه

و الحزن في خاطري تجهز وقام
.... من عقب ذاك الا رحل وخذا نعيمه

و الجفن له شهرين والله ما نام
.... وحال حازم عقبه ياهي سقيمه

و صار الفكر مخاوياً كل الاوهام
.... صرت اسمع صدى اصواتً قديمه

مثل طيراً وقع بعد ماطار وحام
.... مرت عليه قرون ماشاف غيمه

و كل فجر يقول ترى الوعد قدام
.... طيراً كسيراً بس ربي والله رحيمه

و مثل طفلاً تاه وسط الزحام
.... و صار لدرب الهلاك اطيب غنيمه

من نشد عني انا على مايرام
.... بس أنسان مبسوط في جحيمه

قمت التلمس مابقا بقلب منظام
.... ضعف حيره شتات ومابه عزيمه

فقدة لذه دنيتي بغيبته ماأنلام
.... هذا هو حالى وافهمي يافهيمه

هذا هو وضعي كافي يلا سلام
.... ماعاد لي بصفحه العشق قيمه


//

’،


هذي القصيده ماهي الا تلخيص لكل ما يدور حولي من أقاويل في الفتره السابقه

و أنشالله تحوز ع رضائكم ,,


’،


معليش أدري اني بخطي بس " أعتذر "
... أدري قويه بس وربي هذي صارت " مهزله "

كيف أبجبر العقول بأنها تهداء و تستقر
... مدام صاحبها ماهو معلمها أصول المرجله

أنفجر داخلي شي يسمى براكين القهر
... و المصيبه بعض الحكي ماقدرت أتجاهله

ما قدرت أخبي ينران بداخلي تستعر
... و المصيبه حكيهم هو حقيقه فاشله

شخص و أنتو بكرامه من حثاله البشر
... مع العلم بأن شكله مايمد لهم بالصله

يقولون ويجزم معرفتي شيً تعدى الخطر
... و هو بحياتي شي ما حسبته غير تكمله

يعتقد بأن حكيه في هالزمن يمكن يستتر
... و أن اكاذيبه على لساني قد تسبب مشكله

لا ورب الكون ماهوني من جانبه اي خبر
... بس هذي قصيده ابيها توصل للعقول الغافله

الا مخاويني يعرف انه له المعزه و الفخر
... و يدري ان الا يحكي بظهري عالم سافله

أدري ماعلينا من هالبشر و الدنيا بتستمر
... قد قالو الكلاب تنبح و اكيد بتسير القافله

ما تهز حازم اقوال من " أشباه البشر "
... و مايهز ثقه ربعي بعض العقول الجاهله


’،

يا وضع يا مزري متى ينفرج هالحال
... من شفت شيخه وانت حالتك حاله

صحيح حلوه و مملوحه وشي عال
... بس هالغرام تكفى مالك وماله

ذي عندها مايباخ ومليوم جوال
... و انا فورد و بتسحبه الوكاله

و سوقها شكله كذا ياكل اثقال
... كله عضل شف كيف يرفع شماله

اركد هذي ترى من حولها رجال
... و انا مكسر خل عنك الهباله

تسكن بفله ماتجيك على بال
... شغل اجنحه ماهو مطبخ وصاله

مصروفها يعيش عشرين رجال
... و ابوها ضايع مادرى كم حلاله

و امها كذا يعني حرمه اعمال
... و اخوانها كلً غني في مجاله

اعقل ياحازم بيحلها الف حلال
... انا اطلب الله وادعيه والساله

خذلك الغفوه و اسهر لو طال
... و ماجك نوم دور لك على خباله

وش غيرك !قـد كـانـت أوضـاعـنـا عـال
... يلعن ابو روبي على البرتقاله

خلوك على الحسره و الدمع همال
... ماغير تحس بداخل الصدر حاله

حـتى هلي من شافني منهم قـال :
... لا يابري حالي ويا وجدنا له

ياقلب تـكفى وش مـعك والـتخبال
... إلـعن ابليس وكب منك الـخبالـة

هذاني الم العفش نويت ع سكه الهجران
... و عسا كثر الدعاء يلين جرحي القاسي

لاني شخص كم عانا في الزمن حرمان
... ذقت المر في جهل الخوي من كاسي

لان العالم بنظره عيوني آلم هم و أحزان
... صبرت وعشت الهم وللغدر ماني بناسي

شلت الهم بصغري وذقت العذاب الوان
... صحيح اني شلت الهم بس مانحى راسي

لاني عارف الطيبه بطيبه ماهي بنكران
... جحدت ابسط حقوقي و انا لجرحي الكاسي

و هذا اليوم لمحت طيف الغدر قد بان
... و اقول هونها يحازم وارد اكذب احساسي

ارجع واقول هونها خويك جرب النسيان
... لكن غدر خلي جبرني اطعن قلبي بفاسي

حسبت المحبه لنا رمز و الصدق عنوان
... و اثاري انت متعود و جاي تهدلي باسي

عمرك سمعت بان السم يذبح الثعبان
... اثاريك بزمن حيه نفثت السم بنفاسي

تخيل روعه المنظر سم يجري بشريان
... جميله حيل هي الفكره و غريبه يقاسي

شوف رويت ارضي بدمي وانا عطشان
... هذا مايدل الا على كرم اصلي وساسي

بقول الله يصبرني ويقوي فيني الايمان
... يقيني يقطعه شكي و يبعد عني وسواسي

و الله يقويني و يكملني بنعمه النسيان
... و عسا ذاك الخوي الا جرحني يعرف قياسي

انا رايح بلا رجعه وبقفلي خلفي البيبان
... و عسا طول الجفا و البعد يلين قلبي القاسي

’،

هى طفلتى وأنا طفلها ..

تكتمل رجولتي بها و تكتمل أنوثتُها بي ..

عرفتها بمحض الصدفه عند غروب يوماً جميل ..

عشقتها كلما أبتعدت عني و أنكرتني ..

انكرتُ وجودي أن لم تكن بين يدي

أشتاق لها كلما حاصرتني عوائق الدنيا ..

عند جرحي / تعبي / هذياني / جنوني / ضعفي / قواي ..

تمسح بيديها الطاهرتين فوق جبيني و تقول عود كما كنت ملكاً على عرش قلبي ..

و يطلق لساني تلك الكلمات التى تقول ..

عفواً ولكنني : لستو سواء شخصيةٌ عاديه تمر عليك مثل رياح الشمال ..

قالت :أحبك

قلت :أخاف من كل شىء ولا أجيد أى شىء..

قالت :أحبك

قلت :كل هذا الاصرار ..لا أرانى أستحقه

قالت:أحبك

قلت : اذاً فليكن حبكُ هو طوق النجاء الذي ينتشلني من عبق الوحده و يرمي بي

لعالم الرومانسيه لكي ترتفع أسهُمي بين كل رجال الكون ..

قالت : اذاً فليكن كما تريد

’،


عفواً

لآ أعلم بماذا أنتهي و لكن أعلمي أنكِ أنت فقط من لها الحق في العبث
في قلبي و تدميره و لكِ الحق في أعادة بناهُ بشكل الذي تريديه ...


’،

لكل بدايه نهايه و حزه و ميعاد
... و عسى الطريق الا نويته فيه خيره

عدة على خمسه سنين شداد
... و الغريب بيعود لو طالت مشاويره

كتبت بشعر لين وقف العداد
... ما خذت مـ الشعر غير هم و حيره

لحقني من الشعر ما لحقني عاد
... قريت و كتبت و سمعت بشعر أساطيره

و اليوم بشعر تولع خاطري و قاد
... عشان الشعر بعت الدار والديره

كنت بشعر حر أقود و لا أنقاد
... شربت من الشعر صافي الماء بيره

سبقت غيري مثل سعد شداد
... مايسبق رياح الشمال و عصافيره

أمانه يقصيدي أن مر بك نشاد
... حريص و متعب لدربي مداويره

قول بطل شعر و داير بلبلاد
... يبحث عن بنت تعرف مقاديره

بنتاً تكون غير عن كل العباد
... حلوه و أبيها بعمرها صغيره

و أبيها ترضى بحبي و بلمراد
... و مابي قلبها يماشي الغيره

و أبي جمالها الاخاذ دائم بزدياد
... و ياحلوها لو كان أسمها منيره

و الا قله نوى يسير للجهاد
... بس أسترها ترى الفكره خطيره

و الله يبعدني عن أهل الفساد
... و أهل الحشيش و التتن و البيره

و الله يكملني بعقلي و الرشاد
... الله أن رد شي بيسهل تدابيره

تدرون ان هذا هو الـ ميعاد
... و عسى الطريق الا نويته فيه خيره

مالك بقلبي لا حشيمه ولا مقدار
... يعني خلاص مالك بقلبي قابليه

كنا بسوالف الحب حلوين و شطار
... غرتك دنيا الطفاقه و الهبل و العنجهيه

تستهبلين ياهبله ولا كانِه شي صار
... المصيبه أنك صرتِ بخواتك أكبر غبيه

عائله هبله بجد من كبار و صغار
... خبله يا بشر خبله و تتذكى عليه

خبله و خبلها يلفت بجد الانظار
... بنت كل تفكيرها بزمان الجاهليه

صرت بفعلها يا بشر بجد محتار
... جاهله و شهدتها يا هو ابتدائيه

حتى بسوالفها يا بشر كحه وغبار
... ترقص العرضه على عزوف السامريه

هذى مختصر لموجز اهم الاخبار
... و باقي السوالف برسلها لك هديه

للحين أنا هادي ما شفتي الاعصار
... و الله أدري ان هالقصيده فيكِ قويه

جتني تهز أكتفها وتقول أشعرلي .. قلت الشعر يرتمي تحت رجليك

قالت أمدح وتغزل ولا !! تخلي .. قلت ضاع الشعر يوم قلتِ هلا بيك

كل ماشفتها أركض وأنا بمحلي .. قالت ياحازم فديتك ميته فيك

قلت بشعِر فيكِ وأدري بجلي .. بس لا تزعلين !! شعري ترى مايجاريك

قلبـي وعـيني والمشاعـر تهـلي .. اذا حضرتي ترتفع لك تـبـيـك

الناس ترى لشاهي بسكر تحلي .. وأنا الحلى عندي بصابع أيديك

خلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياتي دامه يقول مابيك

يدري بظلم الناس يدري وظلمني
واكد كلام اللي يقولون ناسيك

لكن قبل لاتاخذ الروح مني
باسأل حبيبي كم سؤال واخاويك

وشلون قلبك ياحبيبي تركني
وتد ري بخفوقي كم له سنين هاويك

وماتدري بعادك وصدك ذبحني
وما تدري عن دمع نثرته وانا ارجيك

اسال جميع الناس وش صار عني
اسال وش اللي صار في حال مغليك

لوعلموك وش كثر همي وحزني
من يوم حبي انتهى وصار ماضيك

لو علموك عن قلبي اللي يوني
مطعون يصرخ يشتكيلك يناديك

لو عاش عاقل عيشتي كان جني
حالي لو تشوفه بعيونك يبكيك

صار الحزن هو لعبتي صار فني
ابكي ندم والله الى حل طاريك

ضيقت صدر ويا الهموم اسكنتني
احكي واكمل ولا ماقلت يكفيك

اللي سمعته بسبتك انت جتني
عطيتني كرهك وانا الحب معطيك

ضاعت سنيني وانا بالحب أبني
قصوور وانهدت سبب فعلت ايديك

جاك الوفا والحب والعشق مني
حتى الوله والشوق والصدق معطيك

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

هذي حقيقة بعض مامنك جتني
وبعض اللذي اسقيتني انت با ايديك

ماكنت ساكت خايف بس لاني
ميت بحبك ما أقدر ازعلك واشقيك

حرّمت اقولك من محبتك عطني
مادام غيري في محبته مرضيك

ببعد بعيد واوعدك ما احني
ابشر اببعد ومع حبيبك بخليك

خلصت هرجي الحين ياموت خذني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

لاتســـــــاليني عن عذاب مضى امس

....................انـا نصيتك هـــارب مــن هـــــــمومي

ما تـلمسين الجرح في مهجـــتي لمس

......................جــــرح الهوى ما يــخفينه هــــدومي

يظهر على صمتي ويــنزف مع الهمس

......................والهم بفضحلك بقـــايـــــــــا عـلومي

لو ما كفاك اني وهبتـــــك هوى النفس

.....................وســـــهر الليالي يوم انا انكرت نومي

خلي الرجى يفــني شـــــبابه مع الياس

......................لمي الجدايل عن لضى الشمس قومي

أبكتني يالربع يوم احضنتني للوداع

ما قدرت أمسك دموعي من غلاها

ملح الدموع الي بعطر ثيابها ضاع



أمسى لي طريب الوصل في رجاها

عامين وما نسى قلبي زين الاطباع

عامين ودمعت العين ما استقرت في مداها



عامين وقلبي يشكي ضيم الأوجاع

عامين والزمن جروحي ما براها

عامين وطيفها لي مجلس و مرباع



عامين و الشفايا شوقن في حلاها

والله لو حب غيرها سلعه وتباع

لا اشريها واسلي قلبن ما سلاها



مير ما غيرها سكن بين الاضلاع

ما غير الجمال الي ملا عيني ملاها

لعيون الاميرة قلبي بالهوي طاع



لعيون االاميرة قلبي يومن ما نهاها

لعيون الاميرة روحي مركبن وشراع

لعيون الاميرة عيني الشط ومرساها



لعيون الهدب والوجن با اطرافه اللماع

لعيون الرمش في سواد الكحل الي سقاها

لعيون الاميره الي صيتها بالحسن شاع



لعيون (000) الي وصف الجمال ما احتواها

لعيون الغرام الي من الراس للقاع

لعيونها والحروف الي تاهت في نداها



لعيونها والخفوق الي شفوقن وملتاع

لعيونها والفراق الي علا روحي واعتلاها

ما انساها اميرة القلب يوم احضنتني للوداع

ولا انسى دموع دامها لعيون (000) وغلاها

ياللي نشدت وقلت قلي من اغليـــت .. اغليت انا اثنين اسكنو وسط عينـي

ابوي وامي في غلاهم تمــــاديــــت ..لي حق افتخر في غلا والدينــــــي

ابوي لي قدوة انا به تعزويـــــــت .. لولاه ماشلت الفخر في يدينـــــــي

امي هي القبله وهي شمعة البيـــت .. ياما سكنتي بالغلا في سنينـــــي

والله لو ابذل كل عمري فلا اوفيــت .. ربع الجميل اللي كسو به جبينـــي

ماقصروا جابو اللــــــــــــــي تمنت .. لو اقدروا حطو القمر في يمينـــــي

والثالث اللي كل ماضاق فريـــــــت .. هذا اخوي وفي حياتي عوينــــي

والرابع ((انته))عقبهم بالغلا جيـــت .. ياللي ابيك وعارف انك تبينــــــــي

ادري حبيبــــــــــي للقاكم تحرَِِِِِِيت .. وادري بشوفك كلما تحترينـــــــي

بس الغلا يفرض علــــــيه اذا أوفيت .. إني احــــطك بعدهم ياظنينــــــي

مهما شكيت ومهما توسل
أنا نهيت كل شي معاك وأنا أتحمل
نعم ضحيت في حبي وتماديت
وعن الدنيا ومافيها تخليت

أنا مليت حتى من حياتي
أنا وياك كل لحظه أتذمر
وتبيني أرجع بلحظه وأسامح
خساره كل شي فينا تغير

نعم قلبي بلا رحمه ظلمته
عديم إحساس قلبك مارحمني
حنيني آه ضيعني حنيني
عطيته كل شي لكن خدعني

على نهج العقول الا تتعامل بمعامله جهال

... نويت اخبط ايديني وامشيها على مسحاتي

لي فكره وفكرتي الحين مزبوطه وعال العال

... ولي زفرت قصيد وجنان بس بـكيف هقواتي

اناظر وضع الحبايب و ارجع افكر بحذر واختال

... بس احس بألم رجلي تدوس بعض جمراتي

حتى لو فيني جنون ترى لي فلسفه عقال

... واذا الفكره ماتشفي عقول بلملم شتاتي

بغير مواضيع الحياه بكل جنان و كثير اهمال

... و بغير مفردات الشباب و بحط بعض كلماتي

بخفى نون النسوه و بنشر واقع الـ الإحـلال

... و اشتت جمعهم و انشر كل و بعض هفواتي

باسس معجمي اللغوي وبخفي حرف الدال

... لان هالحرف هو بدايه لكل ظلمنا .. الآتي

بغير موقع الفاعل و بخلي كل الحكي افعال

... بزخرف موقع الحيوي و جدد شكل صفحاتي

بلغي الصاحب المخلص وبكون قدوه الاجيال

... و كل حبيب يحب ضروري ختمي و تحياتي

و بخلي نظام العالم على حسب الاحوال

... و انا بكيفي عاد اغير على حسب نظراتي

بخلي وضع هالدنيا متعه و دلاخه واستهبال

... و ابي الكل يسكت لاجات بس حزه سكاتي

و بعقد مؤتمر قمه .. و ابفرض حظر لتجوال

... و بطرد كل من يحضر و بلغي كل اجتماعاتي

ابدعي كل من حوالي كل شخص صال وجال

... و بجمع انا كل احزابي و بقرر ماهو  آتــي :

بان الشعب مستهتر و لا ينفع معهم حال

... بلغي كل كلام الحب على سائر دويلاتي

لان الدلاخه كنز ... لا ينفى من الاشكال

... انا ادري اني مستهبل و هذا حلا ذاتي

و ترى على فكره الا فات فلسعه عقال

... و على فكره ترى الفكره خارج سجلاتي

تذوب أذني .. على رنه الصوت

... و اضيع انا في ( بلاغة ) كلامكِ

صار الهواء نكهه في صوتكِ يفوت

... مهما تغيب محتفظ قلبي بمقامكِ

ليت ساعة الموت حظنكِ التابوت

... و ليتني مثل طيفكِ في منامكِ

أو خلني مثل خاتم مرصع بياقوت

... أو خلني دايم اول قضايه بهيامكِ

تدري وشهو يالغلا طاري الموت

... اني اهذري و ماسمع الا سلامكِ

ياعلني بختك لاخلني لك بخوت

... اتبع انا شورك وامشي بنظامكِ

و بسخرلك ضلوعي دفتر النوت

... اعزف بها و خلها لك .. مقامكِ

قول لي ( ري ) ( دو ) و الآ دوت

... و قول و اردد لك يا قلبي علامكِ

كلك حلا .. و البلا بحه الصوت

... ثوبك شيلتك مشيتك و انسجامكِ

الا على فكره على طاري التوت

... للحين تنجرح شفتك مع صيامكِ ؟

للحين سحرك والدلع باني بيوت

... في داخل دولتك ماتحمل عظامكِ

ادري لهيبتك تطيح عقل وبشوت

... و ادرى المرايا تنحي لحضره مقامكِ

باقي على عهدي مافاتني الفوت

... اقسم بربي .. ! اني لخلد غرامكِ

دام الهوى مع بحتكِ يالغلا صوت

... و الله لا تنفس غلا من كلامكِ

و دام الحكايه كلها موت في موت

... لآ رحني الله .. ! لو اقلل احترامكِ