al3ndlip

’،

فقير غني واحد تحت و الثاني بلقمه
... أناظرهم و أناظر وضعي أنا ووش حالى

الوضع و الماده لتحسين وضعنا مهمه
... أدخل على المول و كل شي فيه غالي

أبي مليون و راضي بس لو أني أشمه
... و أبي أرتاح و مابي أشيل هم جوالي

الفقر مو عيب وربي بس يا ثقل دمه
... و الا شغال في الهاتف بالفاتوره لآ يبالى

مع الاسهم البشر على البنك ملتمه
... ناس تكسب ذهب و ناس على منوالى

حتى بنات الجخ عادي لو اقولها عمه
... و بنات الفقر خلهم يتابعو ليدي و سالى

أبي أخاوي بنات العز و الذمه من الذمه
... وش فيها طموحي أحسن وضعي المالي

بتزوج قريب و ابشركم جيبي فاتحاً فمه
... و الدين راكبني من عيال عم و عيال خالي

بنت مع سائق الناغي معطيها بي أمه
... و أنا مع الكابريس و الا الجمس سالى

الهمه يا حازم يرحم ابو جدك الهمه
... خلص دراسه و التعين معرض الجفالي

الصدق تراني خبل جاي مستخف دمه
... و لو بنت العز فالى بقول فال الله ولا فالي

’،