al3ndlip

//

على أرتفاع الاسعار و هاجس الطفره
... و عصر السحر و الشعوذه و عصور ماثوره

و أختفاء عصور لبس الثياب و الغتره
... و ظهور عصر الكول وأشياء كثير محظوره

هذا هو الموجز و لكم باقي النشره
... تخرجت بالامس حصه بحمد لله دكتوره

رصيدها مابه شي يثبت أن لها خبره
... و تعينت طبيبه لطب العيون بمستوره

عينوها خلآص بس .. على فكره
... وشلون طبيبه عيون هي بالاصل عوره

كل ما جاها مريض قالت بعد بكره
... و الا يبي يكشف عندها يصف طابوره

أبي يا القاره تقول وشهي العبره
... بهالاشكال الارواح بلحيل هي مهدوره

يلآ نغير الموضوع ونشوف هالفقره
... صادرة حكومتنا البارحه تسعين قاروه

داهمو وكراً يعج بلحشش و الخمره
... كل الا فيه صاحين الا سعد فاقد شعوره

مسكين ماقد شرب وجرب السكره
... مسكوه متلبس معه كأسين و قاروره

بس فكوهم بعد تلك الليله الغبره
... معهم طويلين العمُر و ناس مشهوره

أبي يا القاره تقول وشهي العبره
... بهالاشكال الارواح بلحيل هي مهدوره

يلآ نغير الموضوع ونشوف هالفقره
... خلاص مابي أهدم بيوت هي معموره

لعنبو هالاهبل وش جاب هالنشره
... أنت يا ولد مشكور و هالبنت مشكوره

أخاف أطيح هالمره و تنكسر هالجره
... بسكت دام الاحوال للحين وكاد مستوره

//