الاسم: هنـــادي
ooh my god شحلات الكعبه تشوق!
29 حزيران, 2008
ليش نكره حصة العربي ؟ و ليش قمنا نكره اللغة بكبرها ؟
رغم اني أعشق اللغة العربية .. و اعشق التحدث بها حتى في حياتي اليومية أحيانا في خطاباتي و كتابتي للمسجات على الهاتف النقال ..
و احاول قدر المستطاع ان لا يكون لساني " معووجا " كبقية فتيات جيلي ..... او فتيات كليتي تحديدا .. و التي تكون الجمل في افواههن على شاكلة
أمس رحت سويت shopping ..
woooow
كان هذاك المحل was making a huge sale
و الsaleman الي يشتغل هناك
soooo handsome أمبيييييه ينيت عليه صج صج i fall in love with him
!!!!!!! لــــــــــــــــــــــــــــــــيـــــــــــــــــــــش !!! ؟ لــــــــــيش جذي تتكلمون ؟
شفيها لغتنا ؟؟
بنااااااااااااات .. صلوا عالنبي .. مو كلكم مدارس اجنبية .. ماله داعي الانجليزي و عوية الحلج هذي !
و حتى الي بمدارس أجنبية ... مادام انتو عرب .. ليش تتكلمون انجليزي مخلوط بعربي ؟ يا انجليزي يا عربي .. بس لغة الفلافل بطاط هذي مو حلوة ...
هل تشوفون انه نوع من الثقافة ؟ بالعكس تماما .. انا شخصيا أحس انه عجز بالثقافة !
لا و ساعات أصلا حتى الانجليزي ما يعرفون يتكلمونه !! اي شحقة ! تكلمو عربي و فكو روحكم و فكونا خل نفهمكم !!
عيل واحد .. يقول ... "اكسل يوسف" ؟ قصده exclusive ! !
و الثانية .. رادة من الحج .. تقولي الجملة الي انا معنونه فيها تدوينتي !!
oooh my gooood
شحلاااات الكعبة ... تشوق !!!!!!!!!!
تعليقات
A service provided by Al Bawaba
مشكورة اختي ، ظحكت حد الدوسه !!
عبدالوهاب | 03/07/2008, 14:38 [ الرد ]