16 تشرين اول, 2008
حفرة المنام (7 )
-----
في
حفرة المنام
أحاول ان اعرف من امي لماذا تجد كل هذه الصعوبة في ان تسرد لي الحلم الذي بات يؤرقني و يجعلني ألح عليها اكثر في ان تبدأ .
قالت لي:
لا تعتقدي ان الأمر سهل بالنسبة لي يا بنتي أنا خايفة عليكي كتير من هال الحلم .احاول ان اتذكر أي الأصوات سمعت في تلك الليلة .ان ذاكرة الأصوات يا بنتي مخيفة جدا" و قد تكون مرعبة و اذا انا مو غلطانة يا بنتي ان الكلام في الحلم
يأتي بدون صوت .
أنا ما سمعت صوت سمعت كلام بس حكي كتير و هادا هو بالضبط السر اللي بتحملوا المنامات و بيتوج سحرها متل لوحة في طبيعة بكر ما شافتها بعد عين انسان
أنا شاعرة انو المنام هلق عم يتكسر من حولي و عم يتناثر متل كاسة مي و انكسرت
أنسي الزجاج ما تهتميلوا اقعدي هيك على الأرض و دوري على نقط المي وين صارت متل الحلم كلشي بيتلاشى .
أمي ارجوك عم بتخوفيني أكتر لحد اليوم ما حكيتي المنام تذكري كل اللي حكيتيلي اياه كم كلمة بينعدو على الأصابع قلتيتي :
بنت متل القمر أجتني و رفعت توبي ....
لا.أعتقد قبلها حكيتيلي عن صوت طيارة أو هيي البنت حكتلك عن طيارة و عن قواص ......أمي أصحي معي شوي تذكري شو شفتي كملي حديثك
أمي رجعتي تغفي من جديد ...........
----------- و تستمر الحكايا --------------
تعليقات
الملف الشخصي
- الاسم: haifahaidar
القائمة
بحث
حديثا...
استطلاع الرأي
التصنيفات
Syndicate
A service provided by Al Bawaba