مدونة هيفاء حيدر

---------

في

جلسات هادئة جدا"

أنا بت أعرف أن صديقاتي يرغبن في سماع المزيد كما كنا يقلن لي :

--- انت مشكلتك أخف وحدة فينا و الله كان مبين عليه انه أبن ناس و عيلة و مثقف و عايش في بلاد برا ( يعني في أوروبا ) كان يبدوا بالنسبة النا أنه زوج منفتح و يحترم المرأة و بيعطيها حقها .

قديش كان يبدوا عليه الاهتمام فينا يوم نجي و نزورك و نشكي أمامه بعض أمورنا . كان متفهم كتير و دائما" يقول لنا :

n      صعب في هذا الواقع ان تأخذ المرأة حريتها في مجتمع لا يسمح لها بالأنعتاق من نير عبودية الرجل و سطوته

n      آه . صحيح تذكرت ليش ما كنتي تحبي تجلسي معنا و هو موجود ؟

n      كنتي دائما الحركة . تظلي رايحة جاي على المطبخ . و تظلي تخدمي علينا و تجيبي ضيافة . بتذكري مرة شو قلنالك :

n      يا هدى منشان الله أقعدي نحنا مو جايين نتضيف و نأكل .

n      صحيح ليش كنتي وقت اللي تقعدي معنا كنتي دائما" تحرصي على تغيير منافض السجائر يبدوا انك كنت تبحثي عن حجة لتقومي . يا الله ليش ما كنا ننتبه كتير لهذه الأمور .

n      شكلوا أحاديثة ما كانت تروق الك .

---- على ذكر الأحاديث .

يا بنات انتو يبدو اليوم ما راح تجيبوا الأمور على البر و مصرين تنهو جلستنا اليوم بالخول في مرحلة الكمون

--- يا سلام على مصطلحاتك انتي أكيد متأثرة فيه كتير .

--- أه . طبعا" قليل ما أكلت بهادل على قلة المعرفة لدي و قصور تلافيف دماغي عن الأستيعاب و عن أني امرأة شرقية متخلفة ................

كان يختار الوقت الذي أريد ان أخذ و لو غفوة بسيطة .

كنت أحاول أن أتمدد بعد تعب و لو لمدة دقائق يفاجئني بحضورة فوق رأسي :

---- اللي بيشوفك بيقول كتير عندك شغل و عم بتفكري بأختراع جديد للذرة ؟

--- أو شكلوا كلامي ما عم يعجبك ؟

---- أقعدي على حيلك و بلا كسل عندي كلام بدي أحكيلك اياه .

------------- و تستمر الجلسات الهادئة جدا" -----------------------