مدونة هيفاء حيدر

08 ايلول, 2008

جلسات هادئة جدا"(6)

---------

في

جلسات هادئة جدا"

ما بين زينب و مريم و أنا قد تطول الجلسة أكتر و قد ينسانى الزمن و هو يحاول أن يستمر في حركته و فعله ,

كانت زينب منسجمة لدرجة تبدو انها تغفوا على كرسيها و هي تسرد و تغوص في أعماق زمن رماها على حواف الماضي و قام بنسيانها كما تقول .

-- أنا ابدو لكن نائمة هذا جزء من قصتي , كنت احاول ان افوز منه بلحظات أغفائة و هو يضمني بقسوة الى صدره الذي فارقته كل تلك الايماءات التي كنت انتمي اليها معه في بداية معرفتي به .

--- زينب .من وين كنتوا تجيبوا كل هاي الرومانسية في ظل كل تلك القسوة اللي عشتيها معه.مريم تسأل و هي مستغربة من حديث زينب و كأنها تبدوا مستكثرة على صديقتنا لحظاتها الجميلة تلك و القليلة كما أعرف انا عن قرب حياتها كيف كانت تسير.

--- انا قلتلكم يمكن صعب تفهموا كل اللي مر معي و عشت تفاصيله. أجمل لحظات عمرنا منعيشها و نحنا مش عارفين انها الأحلى و اللي بيحكيلكن انو

أجمل اللحظات هي اللي ما عشناها بعد بيكون غلطان و مش عارف طعم الدني بعد بيكون عم ينتظر و يستنى . و ما بيعرف انو العمر بيمضي بقارب الزمن و ما بيستنى حدا هي الدنيا متل البحر يوم و متل الصحراء يوم تاني , وانا عيشني فيهم الاثنين مع بعض ما كان يعطيني فرصة أن تنشف ملابسي من بلل ماء البحر كان بيرميني بسرعة في الصحراء . شو نسيتوا انا كنت له وحده حتى عوامل الطبيعة كان محرم عليها ان تتفاعل معي و انا مرمية في صحراء قاحلة كان السراب بييجي لعندي و بس يقترب مني كان هو بيسحبني بسرعة و بيركض فيني كان لازم اروح معه لأبعد مدى و هو حر كما كان يقول لي :

--- شوفي أنا حر نفسي . و حر حالي . و حر جسدي .انتي ما الك دخل فيني و ما تقولي تعبت معك و انا معيشك كل هذا النعيم و العز اللي بتحلم فيه كل مرا حقيقية مو متلك وهم بوهم عيشتيني كل العمر معك.

------------و تستمر الجلسات الهادئة ----------