عيون من المدينة الباسلة بورسعيد

بصيغة اخرى وكلام جديد

ghopary | 25 ايار, 2008 21:07

بصيغة اخرى وكلام جديد ولازم الكل يفهم لاجل من كلامى ازيد، هو احنا وصلنا الى حد انتقمنا من نفسنا اصبح فرح وعيد ، نترك اولادنا فى شدة وفقر ونصرف ملايين ومليارات وكل يوم بتزيد ، لاجل نقول احنا قدوة وفوق الناس ونساوى روسنا بروس اللى يسوى وما يسواش ، هو الاحساس فينا راح ولا اندثر ، ولا انتهى ولا فية شىء فى حياتنا جديد، كل يوم الاسعار بتزيد وياعينى على الشعوب كاتمة حزنها وبتبكى حظها والاب بيخفى الالم لاجل اولادة ما تحس بلحظة ندم ، والام مهمومة متحملة كاتمة حزنها فى قلبها لاجل ايامها تعدى بكل حملها ماهى الشدة كل يوم عن يوم بتزيد ، يابشر قلوبكم اصبحت حجر ولا سمعكم ضعف لا سمعين اخوانكم البشر ولا صرخات قلب انفطر وطفل بيبكى ما عندة حليب ولا هدمة تدارى المطر ، زلازل وبراكين عمالة تزيل بشر وسونامى احسن دليل يمكن تفكروا وتدبروا ، ولا كل مرة نقول ونعيد ، والله ما فى شىء عن رب العباد ببعيد ، امشوا فى طريق صح ويكون طريق واضح واكيد ، وابعدوا عن كل طريق اخرتة شر نهايتة دماركم ودمار دياركم ما انا قلت لكم ما فى شىء عن رب العباد ببعيد ، لازم تفوقوا وتوزعوا الثروة على كل البشر ما احنا بشر وانتم بشر ولا فى احد هياخد فى تربتة ومدفنة الا عملة ولا لازم كل مرة ازيد واعيد ، لاتسمعوا كلام عدوكم وتفتكروا انة حماية لكم ما اللى حصل فى العراق ممكن يحصل لكم ولا نسيتوا اللى كان بطل ودماغة كانت حجر اتمرمغت دماغة فى الوحل واخرتة حبل اتشنق واتركل بالاحذية وقالوا علية كان قدر ، عيشوا شعوبكم فى رغد خلى اللى خالقكم يرضى عنكم ويبعد عنكم كل شر وكل ما هو خطر ، العمر كلة ايام وبتجرى وتعدى ونقول ياريت اللى جرى ما كان ، الناس الحياة ضاقت بهم من ازمات واسعار بتزيد ، والله لو البشر دة من حديد لكان انصهر ، بكرة الايام تلف علينا كلنا ومفيش شىء اسمة المستحيل ، واللى معاة بكرة هيكون معهوش واللى فاضى بكرة يتملى ومن العدم هيكبر ويصير عندة حشم وخدم ، ما هى دنيا كل شىء فيها مكتوب واللى مكتوب على الجبين لازم تشوفة العين ، حياتنا قصة بنرويها ونحكيها لكل البشر حتى الدول اللى بتسمى نفسها كبيرة تسأل فين المانيا وهتلر وفين نابليون الكل بيروح وياروح ما بعدك روح بس مين يفهم ومين يرتاح ويقتنع ان ما لة جناح لاجل يهرب من المكتوب ومن القدر، بصيغة اخرى وكلام جديد ومش هفضل ازيد واعيد