صرخة لبلدى مصر
ghopary | 28 شباط, 2008 07:25
كان زمان بيغنوا ليها كلمة حلوة او كلمتين حلوة يابلدى وقال مصطفى كامل لو لم اكن مصريا لوددت ان اكون مصريا كلام جميل مالة مثيل طب النهاردة اية اللى حصل فيها طالما احنا فيها ومنها وليها زحام ودوشة وقلق وروشة كل يوم فى الفضائيات اخبار كتير مزعجة ومنرفزة كفاية بقى حرام عليكوا مصر مهما كانت امنا وارضنا واللى بيحميها اولادنا واهالينا مالكم يابشر ملكمش دعوة بيها لو ازمات ما كل العالم ازمات بس فية اللى بيخفيها وفية اللى بيدويها وفية اللى كاتم فى قلبة ومش عارف يسويها بلدنا حلوة بناسها واهليها ملكمش دعوة بيها شوارعها زحمة ما مدن كتير ازحم منها دوشة وقلق ومظاهرات انتوا معندكمش فكرة على اللى بيحصل هنا وهناك هينصلح حالها لو كل واحد فيها التزم وبالحق والعدل حكم ما هى بلادنا نفيديها باروحنا نفيديها بكل قلوبنا فرحها هو فرحنا وحزنها هم بيجراحنا ياناس ياهو نظفوها بنفسكم نظموها بنفسكم مش كل حاجة نقول حكومة ونظام واحنا السبب فى كل اللى بيحصل فيها مترميش سيجارة فى شوارعها ولو شفت مين رمى ورقة امسكة قلة اشجبة حتى لو تنعل ابوة بردة مش هيكون عيب لانها بلدنا بايدينا نظفها وياهالى البلد كفاية كل يوم ولد لاتنظيم اسرة ولا وظيفة تاكل اولادك وبيتخلفوا وتموهم وتنعلوا ابوا الحكومة مانتم السبب نظموا نسلكم وعيشوا اولادكم عيشة نظيفة ودة للى معهوش تعريفة وللاسف الفقير هو اللى بيزرب اولاد كتيير وحاطت همة فى مراتة والاخر بيشتكى ويقول مفيش ما انت السبب عيش وخلى غيرك يعيش ومتقولش مش لاقى حق الرغيف بايدنا نصلحها وبايدينا نظفها وكل واحد فينا هيتحاسب على عملة فينا ما احنا مننا فينا بنفقرها او نغنيها وحتى لو غنينا عليها افرحنا بتجمعنا وبتسهرنا وبنهلل بكل نصر نحققة ليها مصر دى عظيمة مش بيحسها الا اللى بعيد عنها وعن اراضيها اللى عندنا مش موجود فى بلاد كتير غير اراضينا حسوها وحسوا بيها اللى بتعملوة فيها مفيش بلد فى العالم تتستحملة او تترك حد يعمل اللى بتعملوة فيها خلونا نعلى ونرتقى مواردنا كتير تكفينا وتزيد كمان لغيرنا وعرب زيينا مش فاكرين نصر اكتوبر والعبور كان لازم نعدى ومنقفش بعد العبور نعبر ببلدنا ونرقيها ونرفعها ونصون اراضيها دى امانة حافظوا عليها مذكورة فى القرأن وحضارات كتيير مرت عليها مشكلتنا قانون لو نفذناة على الكبير والصغير ومفيش ان مين وانت مين مستقبلنا هيكون جميل وهنغنى على الموواويل انما الوقتى فوضى عاملنها بايدينا وبنخرب فى بلادنا بنفسينا ومهما ذادت مواردنا مع اللى بنعملة فيها عمرها ما هتغطى احتياجتنا ولا هتنفع لينا وعندنا عيب كبير مش عاوزين نقول على كل واحد غنى دا مفترى ولا حرامى ومرتشى دى ناس اغربت وماتت لما كونت ثروتها وهى فى الاخر فايدة هتعود علينا ومش عيب ان الغنى يمد ايدة ويعطينا بس فى المعقول لازم نطلع الضمير ولازم نحتفل بية ولازم نحيية من جديد ماهو موجود بس انتوا اللى مش سألين فية ونستوة ودفنتوة ياهل مصر اصحوا وفوقوا وارجعوا لحضارتكم ومتضيعوا فرص بتيجى لكم ارجوا لحب زمان وعيشوا فى امن وايمان الايمان مش بالشكل انما بالفعل الايمان تعيش بية وترسية وتنفذوا اللى فية معلش يامصر حقك عليا اوعى تبكى دموعك دى غالية عليا افرحى وهيصى هترجى عروسة محروسة منورة هنرقيكى وهنبخرك بالعود والريحان وهنرجعك زى زمان وهنبعد عنك الاحزان وكل نصر حتى اللى كان من زمان هنرجع افراحة ونعشها معاكى كمان يامصر يا محروسة هتفضلى محروسة ولازم هنخليكى عروسة دا شعبك شعب الابطال ويا ما ضحى بالشهداء لاجلك ولجل الاوطان ومهما كان فيكى فاحنا بنحبك وبايدينا هنبنى ونعلى ونزرع اغصان الامل وهتسمعى قلوب اولادك من كتر الفرحة بتنادى وبتقول دى بلادى لاجلك ولاجل احفادى هنزرع الصحرا وهنعمر كل وادى يامصر يازهرة عبيرك هو الفرحة ودى صرخة لبلدى مصر ولازم هتسبقى كل عصر وهتعلى وترتفعى وزى ما رفعتى وساعدتى بلاد كتير بقلبك النقى الابيض الشفاف مش هيتنسى ولا هيكون اسى لكن هيترد ليكى وهيشهد علية كل عصر
خبطات الزمن والذكريات
ghopary | 28 شباط, 2008 05:59
لما كنت صغير
لما كنت صغير كنت طير بغرد واطير
ولما كنت صغير حبى كان متعة وغنى بس اشير
ذهبت كل دى الايام واصبحت نهار وليل وموال اخير
عايش وحيد فى غربة بعيد عن ديارى وعيشة مع الغير
بفكر فى اهلى وخلى واصحاب لكن مين يسمع ومين دارى
وحتى لو اتصلت بالتليفون الكل يخاف يمكن احتاج منة عون
كل شىء لازم بنفسى مفيش حد يساعدنى ولا حد يداوى
مفيش خل واحباب الكل قافل علية الباب
صعب على التاكيد لكن دة كلة كلام اكيد
احيانا اشعر بعدم الامان لكن الله يحمينى من اى ما كان
حتى الحب اصبح بعيد ملفوف بغموض وامل مفقود
يبقى العلاج موجود لازم ارضى بالواقع وانسى كل العهود
غربة اسى وعذاب والم بيقطع الالباب
دارى بعيد مش دارى ما هو بعيد وبيقول وانا مالى
نهرب من بلادنا لاجل مستقبل ولاجل اولادنا
ومهما بعدنا عن بلادنا لازم هنعود وفيها نموت
بس القدر مكتوب مفيش حد هيغير المكتوب
ارجع واعيد واقول لما كنت صغير
يمكن افتكر وبتفكيرى اتغير
بس انا عرفت ما بيتغير مكتوب لانسان
اصل اللى كاتبة ومقدرة رب الرحمن
اهى ذكريات ومن حقى ارويها واحكيها
ما حنا بنكبر وبنتغير وملكى وملكك ذكرى ما تتغير
احكى ياذكرى طالما قلبك متحير
ومفيش حد مخير دى خطة بنفذها ولا نقدر فيها نغير
