فى مشهد مهيب فوجئت بعدد يقدر بالملايين خرجوا جميعا عن بكرة ابيهم حاملين جثمان وملفوف بكل الاعلام       , سالت هو المرحوم فلان , قالوا والله دا كان غلبان

استعجبت واستغربت معقول فية انسان محبوب من كل البشر والجان دا ما فى انسان الا وكان ماشى فى جنازة هذا الانسان , لكن قالوا دا كان اصلة موجود زمان وكان ممكن تضيع رقاب لاجلة وما شخص مثلة بس الزمن ضيعة ووهللوا وكبروا خلينا نزفة الى المقابر لان وقتة مضى وانقضى ، استغربت وذادت حيرتى لما وجدت كل طيقات الشعوب ماشيه خلفة كمان , قالوا يا اخى انت مش عايش ولا الزمن اعماك ومش شايف , قلت مستحيل كل الملايين دى بتبكى طيب قولوا لى مين يمكن انا كمان ابكى علية ولا ادافع عنة واحمية , قالوا دة  هاياخد لة يومين ويتنسى ولا عاد حد يعبرة مثل كل الاحزان , لكنى صممت اعرف مين دة مهما كان , وسألت وجريت من هنا وهناك وللاسف كنت بلاقى البشر مقهورين ومش عارفين سبب قهرهم على واحد كان منهم ومعاهم كلهم بس هرب او طفش او غادر الدنيا وللاسف منهم , جريت شمال ويمين وبردة مكنوش عارفين لية وازاى وامتى وفين حتى الجنازة طولت ومكنتش عارف هما رايحيين يدفنوة فين , لقيت شيخ من ضمن الكوم قالى  كلام مش مفهوم وكلمنى عن هموم وهموم معقول كل دة وصدقونى انا حسيت يمكن بقيت مجنون ولا البشر هما المجانين وان العاقل الوحيد , ماهو مش معقول كل ها البشر فى جنازة ها الاد وها الطول , وقلت فى نفسى ادينى ماشى معاهم يمكن اوصل للمعلومة ولا اعرف سر مكتوم , وفى انفاس البشر محكوم, بس انا شايف مبسوطة وسعيدة وماشية بين البشر طب لية هو الحزن على شىء انتحر او مات واندثر يجعل الناس سعيدة رغم انهم ماشيين وراء الكفن ؟ وجدت راجل باين علية محترم جريت علية بلهفة وسالتة تانى مين هذا الشخص اللى كل الملايين ماشية خلفة ؟ قالى انت شايف اية موجود فى هذا الزمن يخليك ما تحزن ولا ترتاح اصل الزمن بقى كل شىء فية مباح  احسن ياولدى روح انت وارتاح لاجل ما تتعب من خطوات الزمن ما كل شىء نهايتة العدم , صممت اكتر ووجدت تعنيم من كل البشر , وحسيت انى فى خطر لانهم كانوا كلهم بيبوصوا وكأنى مش منهم , قلت فى نفسى احسن حل هو فعلا اروح ارتاح وانسى الهم وابعد عن اى غم , ومن بعيد وجدت كهل طاعن فى السن اعياة المرض وهزمة العمر جريت علية وقلت الحق بية احسن ما يموت ومستفيدش من خبرتة فى الدنيا ولااسمع حكمتة , وسألتة ارجوك يابويا دلنى ارشدنى مين اللى فى الكفن  , تصوروا وجدتة انتفض وذعر وكأنة من دهشتة هيفترسنى قالى يابنى انت مش عايش هذا الزمن دول ناس ماشيين فى جنازة (الضمير ) بعد ماتخلوا عنة وقتلوة فى عز مجدة كل الملايين ساعدوا فى قتلة وياعينى انحصر ومن القهر مات وانتحر ,لا احد بياخذ بية ولا احد عاد يرتضية , والادهى من كدا راحوا علية وبهدلوا فية , وتسمع كلامهم كأنهم بيدافعوا عنة بس بعد ما غيروا معناة وهزوا اللى جواة وخلوة عتبة او درج يستخدموها عند الحرج رغم عمرهم ما عملوا بية وكأنة بلية ما عاوزين يتبلوا بية والنهاردة اما سأت حالات البشر وكل شىء انحدر افتكروة ولكنهم صمموا يدفنوة لاجل ما يكون لة سيرة ولا اسم وكل دول بيتعاونوا لاجل يتاكدوا انهم قضوا علية ودفنوة تحت التراب ولا عاد يعود لانة ينغص حياتهم وبيعيد اوجاعهم ولكن يابنى لازم هيجى يوم يترحموا بية