« |
»
شد اذن
ghopary | 14 تشرين اول, 2008 16:32
زمان لما كان فية انسان حافظ عهودة وصاين وعودة وحافظ وجودة وكان لافى قنوات فضائية ولا مهازل اخلاقية وكانت رقابة اهلة علية شبة منتهية لاكان فية غلط ولا كان فية شىء يتنقد كانت حياتة كلها مثالية وكانت كمان عيشتة عيشة هنية لايعرف الصعوبات ولا يواجة اى ازمات حتى الممات لكن كل دة فات وما عاد واليوم وسط الفساد وكل المستخبى ساد والمتغطى انكشف والعيب اصبح موضة ولو اتكلمت عن الموضة يعنى انت متخلف ايوة مش مهم تحافظ على دين لك ولا سلوك ولاعادات ولاتقاليد مفروض تمشى مع الماشين حتى لو كانوا مش عارفين لية معاهم ماشيين المهم اهم ماشيين حتى لو كانوا عرايا مش متغطيين ما هى كلها موضة وحضارة وتقدم وانفتاح وحتى الانفتاح اصبح مفتاح يفتح كل مقفول ومفيش شىء اسمة مقفول مع المفتاح اسف قصدى الانفتاح نعطى قروض وبدون عهود المهم تدفع لبتوع البنوك وبعدها تملى حقايبك حتى لو تهرب وتتخطى كل الحدود اصل اساسا مفيش حدود طالما معاك البنكنوت لازم تعدى وتفوت وبعدها نسمع الصرخات ونسمع اسماء هنا وهناك عن فلان وعلان هرب ومعاة فلوس البلد ، بتقول اية ازمة ضمير لا ياحبيبى دة زمن المستحيل عاد ممكن ومن الممكن للسماء تطير بدون كلمة مستحيل ما انت معاك الاجنحة اللى بتخليك تطير ايوة ورق البنكنوت الاصيل اصل الناس مسمعتش اللى بينقال ولا بتشوف الى مكتوب فى كتب السما قالوا ان القروض بفائدة حرام ولو عملتم كدا يابشر يلكم من اللى يحصل لكم لكن ما حد سمع ولا اقتنع لغاية ما نزلت كلمة الحق واهم مفيش سيولة فى البنوك والدول بتحاول تسد كل الثقوب والا تفلس البنوك ومتلاقى نقود تعطيها لاصحابها وكل يوم نسمع صراخ هنا وهناك ومش عارفين ان دة اخرت فوائد القروض اللى هى حرام فى حرام بنقولها ونعيدها لجل نسمع الناس المتحنطين اللى عاملين اودانهم من طين ولسة ياما هنشوف المكتوب اللى الاديان بتقولة ولان اللى اسمهم بشر ما بيسمعوة ولازم كل فترة ينزل دليل لاجل يشد اوذن البشر ويقول لهم انتوا فى خطر كلام وكلام كتيير بالادلة والبراهين واوعوا تكونوا نسيتم سونامى ما هى كل دى شد اذن وربنا يستر حتى ما ننهزم ولا نتفنى ونموت لاننا بننسى كلام ربنا وبنفترى على الفقراء وبناكل حقهم ولازم يجى يوم نقول تبنا والا المصايب هتنزل وهتعبى الذكايب
تعليقات
