عندما اريد ان اخلع ثوب الارهاق والتعب وملل الحياة فاننى دائما اتجة البحــــر وبجرد ان ابدء السباحة تزال عنى كل همومى ومتاعبى خاصة عندما اسبح ضد الامواج فهى متعة بتلاطم امواج البحر بمدينتى الجميلة بورسعيد
ghopary | 15 آب, 2008 08:04
اه يازمن العجائب / ابكى عليك يازمن ولا ابكى على حالى / لكن حالى هو حالك يازمن / دنيا فيها العجب والعجب صار الطبيعى فيك يازمن/ كل يوم صبح نفتح الجرائد ونشوف اخبار عجب حروب يمين وافراح يسار وانقلاب هنا وجوع هناك وانفجار اطفال وشهداء ابرار /مجتمع وسياسة واقتصاد وفن وفنون ورياضة وجنون/ سيرك فية الحيونات ومروضين القرود ومكتفين الاسود ومبكين النمور وبالقنابل زال كل السكون/ اصلة عالم مجنون مجنون صحافة مبقتش تنشر الخبر الميقون وبفلوسك تشترى مهما يكون /ولو عاوز تعلى وتسير اخناتون ادفع وكل شىء لك حيكون/ تمشى مؤدب يقولوا عليك مجنون ولو كنت منطط دا مطلوب للكون اقفل فمك ولا تقول رآى ولا تعارض والا اللى هيكون هيكون /ومش بعيد يمكن تروح ورا الشمس اصلنا وصلنا القمر والشمس مش بعيدة عن ها الكون/ نفسى افرح واضحك من قلبى لا اخاف ولا اهاب اى من يكون لكن وراى عيالى واسرتى هتروح فين بعد ما يرسلونى ابعد ما يكون /نفسى الاقى طفل بيضحك من قلبة زى زمان ولا شاب هايم وولهان فى حبة ولا مؤمن بيعبد من كل قلبة/ الكل بيخاف منك يازمن لاعارفين اية الصح ولا عارفين البصل من التوم /مجاعة مهددة العالم واسعار خلت كل عقل طار ورمضان اهو جاى وبعدة عيد ومدارس ومصاريف بالكوم /غلبان يا ابو العيال غلبان بس دة قدر ولازم يكون/ وعندى تفاؤل هتعدى وهيعديها الزمن بسرعتة وبكرة جاى وبعدة جاى ما هى دايرة ودايرة ما يوقفها الا رب الكون/ طول بالك وحافظ على عيالك من شر الطريق ومن شر ناس شرهم فى عيونهم لاتغمض عنيك عن خطأ ولا تتكلم فى الخطأ دنيتنا عاوزانا جنب الحيطان سايرين ووجهونا للارض مارفعين اى عيون/ لية يازمن حاسين فية حاجة ناقصة والنقص دة من مين/ منا يازمن ولا من الناس الحلوين /يكفينا شرهم ويبعد طريقنا عنهم/ لكن صدقنى يازمن فية شىء غلط انا حاسس بالغلط ابحث فين واكلم مين فرحتنا اصبحت ناقصة وضحكتنا لايصة وعيونا فيها خوف مكتوم وصرخة مغدور وانين خافت لاجل زمنك يازمن دلنى فين الطريق الصح وفين الامل والضحكة والفرحة/ مش معقول علطول احزان وفرحة ما تسمعها ودان وزغرودة طارت بين وديان / انا شايف يازمن الكل مش طايق بعضة ولازم يكون فية كرة ملل وشعوب واجناس وفئات انا عرفت يازمن يمكن الناس دى بعدت عن دينها وعبادتها والمادة طغت /ادعوك يارب يارحمن ارحم امتنا ودلنا للطريق الصواب ونور لنا مستقبلنا ما احنا غلابة مالنا الا انت يارب ياحليم ياستار
| « | آب 2008 | » | ||||
|---|---|---|---|---|---|---|
| اث | ثل | ار | خم | جم | سب | اح |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
