« |
»
بلاد العجائب وصندوق الدنيا
ghopary | 08 ايار, 2008 19:17
بلاد العجائب وصندوق الدنيا
كان ياما كان كان فية زمان كائن عجيب وغريب بيسموة انسان نزل الكائن على ارض كانت خالية كل اللى فيها رمال وجبال وانهار وبحار ومهما وصفنا فى جمالها ما هنقدر نوصف خيالها واوهمها ما علينا نزل الكائن وكأنة كان مصمم على انة يخرب فى جمالها وبعدد المبانى والمشاريع اللى اقامها كان بيخرب فى عمارها ومصمم على نشر الشر فى ارجائها كذب وافتراء وحروب ودمار وجوع ومرض مفيش مصائب الا وعملها دب الفرقة بين الناس واصبح الجميع بلا احساس ووصل الجميع الى الاحباط واليأس اطفال تموت وشياب يتعذبوا لافراق اولادهم ودمار حياتهم , قسموا الحدود وكان كل همهم صب جام الغضب على شعوبهم واهلهم واتقسموا بلاد وياريتهم كانوا احباب لكن كان الكرهية وحب الذات هى اساس بين كل الناس , وقالوا دى دول كبيرة قوية وغدارة ما تسيب حد فى حالة لكن لازم تسرق كل مورد من موارد شعوب فقيرة لاجل تزيد قوة وتدمر حال كل امة , ندور الصورة فى صندوق العجايب ياة انا شايف دم وموتى وامهات بتبكى واطفال متقطعة من صواريخ وقنابل وكانة كان شر بايت وانفجر يفتت ويقطع فى بشر كل ذنبهم انهم ضعفاء ومش قادرين او غلابة ومساكين اصرخ باعلى صوتى واقول حرام كفاية موت ودمار ودم ومجموعة اشرار دور ياراجل دى مناظر تجنن العاقل وتبكينى وتحسسنى انى ضعيف مش قادر , وانظر فى الصندوق الاقى مناظر مش معقول هذا الكائن يدمر كل اللى بناة وينشر الشر فى كل مكان لاعندة احساس ولا مشاعر فمن احداث رائها وعاش فيها اصبح قلبة حجر , دور صاحبنا صندوق الدنيا ودارات راسى من اشياء بشوفها ومش لاقى حلول ليها وبسأل نفسى سؤال يمكن لو فى مكان تانى او زمن تانى ما كان له مجال , هل لو ما كان فية كائن اسمة انسان كان الحال بقى غير الحال ولا دة ضرورى نعانى ونأسى ونحزن ونقاسى ما نلاقى مجال نفرح فية ومن كثر حزننا جت كل الاجيال اللى قبلنا واللى بعدنا تعانى زينا واصبح المستقبل كلمة مؤلمة وموجعة لان كل ما بيواصل حضورة بيزيد همنا ونشوف احداث تغمنا وتلبد مشاعرنا ومش عارفين نعود لسابق عهدنا , يا انسان حرام عليك اللى بتفعلة فى المكان والزمان فكر تبنى لا تشيل معول وتفحر وتخرب كل بنا وعمران والا اخرتك لا هتلاقى الزمان ولا هتلاقى المكان , اقراؤا واعرفوا قبل ما اغير الورقة ولا الحبر يفضى من قلمى وما لاقى اكتب اللى على بالى واللى بتجنية افكارى , لازم كلنا نكون واحد ونعيد اللى اتقسم ونبنى اللى دمروة ونعمر ونسكن بس المهم يكون فى مبانى ثاتة وراسخة لا يحركها حقود ولا يبعدها عدو لدود
تعليقات
