فوازير ممنوعة ....!(1)
(1)كان اسمه في الأول بقره
يضحك و يحلب فوق شجره
و نفاقه فاق كر البكره
بقي هو هو وغيره ما فيش
عقله صغنن و محندق
و ضميره ليه باب و مفندق
بالكذب يفتح ويصدق
بقاله دهر قاعد ما مشيش
في متاهته ضلل مشورانا
صلب علي الحيطه صورنا
و مشايخه قالوا دا قدرنا
لاظوغلي كان في الأصل شويش
دحلاب ناعم ومسكت
عمل حارتنا سوب ماركت
سلع عيلنا و بنسكت
وعوده جوزه كلامه حشيش
يا بلادي حلي الفزوره
نرجع بقي لصدر الصوره
أسوان و منيا و منصوره
طول عمرهم في هواكي درويش
أنتظر الحل علي في التعليقات أو علي هذا العنوان!
محمد عثمان جبريل
اضافة تعليق
10 نيسان 2006, 20:05
مبارك ده عامل أكتر من كده ده مبهدل البلد راجل فاسد
على فكره الشعر حلو قوى مسيرنا نكتب شعر على ترك الفرعون لمصر
ربنا معانا
05 ايار 2006, 00:10
حاجه ابيض من الثلج واسود من الليل
06 تشرين اول 2008, 16:06
شكرا لك تسلم ايدك