صدرك بيعاه لخواجه
صدرك بيعاه لخواجه
محمد عثمان جبريل
قلت أحميكي
من غرسة سم نابت فيكي
قلت أداريكي
من نظرة خوف جوى عنيكي
قلت ألاقيكي ..
منك .. ليكي
لكن كنتى طريق مسدود
وصوتي إليكي
ضيف مطرود
لشوارع وكلاب مسعوره
وخرابه وبيبان مكسوه
و الروح تايها
تايها و مذعوره
رغم دا كله
بارسم ليلك
نور وشموس
و علي أسم عدوك
باتعافي وادوس
واتمني لرشمك
جنه و عرس
وضحكه ماتموت
بعلوا الصوت
تندهي تاني علي أسمي
ندهى و أسمعها أغاني
تنزع من جوايا
أغصان الذل الناشفه
أشفي
من عجز الإيد
تديني الدفه
أدفى
يدوب تلج القلب
ينبض بهدير
ينزف بغدير
حب غزير
أملا القله و الزير
و أسقيكي
رغم دا كله
و كل دا كله ولا حاجه
يا حبيبتي لو فيها سماجه
صدرك بيعاه لخواجه
... وأسكن فين ...؟
اضافة تعليق
20 كانون اول 2005, 05:30
انا اهوى الشعر والمراسله وحيده ومجروحه راسلني اّّذا امكن rimona@albawaba.com