27 آب, 2007
الى ابنى ،،،
بسم الله الرحمن الرحيم
ازيك يامحمد
انا حبيت اكتبلك المدونه دى لأنى مش عارف هكون موجود او اقدر احكيلك او هكون فاكر الحاجات دى ولا لأ انا ابوك : ضياء الدين مصطفى رزق
سعات لما بقعد مع اصحابى ونحكى لبعض ذكرياتنا بقبى نفسى تكون موجود واحكيليلك انت كمان بس انت لسه صغير عندك سته شهور بس وعايز احكيلك اعمل ايه فكرت اكتبلك الى نفسى فيه
انا دلوقت عندى 32 سنه وانت بقيت تسع شهور يامعفن وبقيت مزعج جدا مشعارف اروح الشغل منك كل ماجى انزل تقعد تعيط جنب الباب اكتر من نصف ساعه يعنى بدأت تعرف ابوك وامك والحمد لله
انا بحبك ياضياء
هى دى الكلمه الى انت ماسكه اليومين دول وهى دى الكلمه الى مخليانى اروح الشغل واعرف اعيش مع الظروف الغريبه الى فى الدنيا انت عارف زمان لما كنت صغير مكنتش شايل هم حاجه كنت بخرج واتفسح مع اصحابى مليش اى دعوه غير ان اظبط نفسى دلوقتى كل الى بفكر فيه انت وامك واخوك او اختك الى لسه مش عارفين هيوصل امتى ان شاء الله قبل اى تصرف لازم افكر فيه الف مره علشانكوا المهم ابوك وهو صغير كان مشكله خروج وشغل وسهر عارف يواد يامحمد انا مره وانا فى الثانويه طلبت معايا اروح اسكندريه طلعت على وسط البلد عند دار القضاء العالى وجبت نص مارسيل (نوع خمره )اوعى تقربلها لحسن اموتك وركبت قطر الصحافه القطر ده كان يمشى من القاهره الساعه 11 بليل يوصل اسكندريه الساعه 6 الصبح وقاعد طول اليل على باب القطر اشرب لغايه ماوصلت اسكندريه فضلت الف فى اسكندريه لغايه الساعه 6 المغرب وبعدين ركبت القطر تانى وصلت القاهره الساعه 11 بليل ورحت مروح مش فاهم حاجه بس لعلمك دماغى راقت جدا جدا
ادينا بندردش مع بعض 23/6/2009
عاوز حاجه
سلام اشوفك بعدين عشان عندى شغل
الملف الشخصي
- الاسم: DIAARIZK
القائمة
حديثا...
استطلاع الرأي
التصنيفات
Syndicate
A service provided by Al Bawaba