انشىء مدونتك الخاصة | تسجيل الدخول
المدونة التالية

قلم وحروف ومشاعر

أشعار بالعامية المصرية فى حب الوطن والناس والمحبوبة

12 ايار, 2007

توب الخيانة

ودايما بشوفك مابين ذكرياتى
جرحى اللى ناوى
يعيش طول حياتى
ويفرز فى قلبى حصرة وألم
ويحسب خطاوى السنين اللى فاتت
مابينك وبينى
ويرسم ف عينى دموع الندم
ويحبس حروف القصيدة الأخيرة
ف سجن الملل
ولا تكتمل وتصبح عدم
وانا اللى كنت شاعر بكل المعانى
وبيرم زمانى
وفارس مكانى ميدان القلم
ماتت براءة حروفه ف سطورك
وجفت بحوره
فى لحظة ظهورك
فى توب الخيانة ساعتها إنهزم
وأصبح عدمم

بواسطة bigsaid 00:18 | عام | تعليق(3) | الرابط الثابت

11 ايار, 2007

قلم وحروف ومشاعر

أنا همشى ف طريق العشق م البدايات
ومش هندم على اللى فات
ولا حتى هفكر فيه
واشوف بكرة اللى جاى يجرى
مخبى إيه
مانا شاعر
حياتى حروف ومشاعر
ولابتتعب ولاتحرم
عشان تقدر تكون شاعر
وقلبى لو كسرته معاك
هموت وياه
يامهاجر
مابين الحرف أو معناه
أنا مليت من المُعاناه
وقولة آه
لابتريح ولا بتفيد
ولا مسيرها ف يوم هتعيد
لقلبى حياه
وإن كانت فى القصيدة تزيد
جمالها
قولها بس ماتعيشهاش
عشان خاطرى ياقلمى بلاش
إرحمنى ماتظلمنيش
بلاش تنزف حروف الجرح
بإستمرار على الصفحات
وحاول تبتسم مرة
تجيب مرات
وإمشى فى طريق العشق
م البدايات
ماتستسلمش قوم جرب
يجوز تلقا طريق الفرح بيقرب
وجايز تنجرح تانى وانا أتعب
وف الحالتين أكيد كسبان
قصيدة ياقلم شاعر
وروح إنسان
فى عشق الناس بتتعذب
وعشقك للوطن جالب
عذاب أصعب
وحظك فى الغرام دايما
جراح و هموم
لكن حاول عشان خاطرى

بواسطة bigsaid 23:34 | عام | تعليق(3) | الرابط الثابت

11 ايار, 2007

مبروك!

إذا كنت تستطيع قراءة هذا المقال فهذا يعني أن عملية التسجيل قد تمت بنجاح و يمكنك البدء بكتاية مقالاتك الخاصة فوراً.

بواسطة bigsaid 23:33 | عام | تعليق(0) | الرابط الثابت

 
A service provided by Al Bawaba