قلم وحروف ومشاعر

أنا ف حبك
عرفت إزاى أكون عاشق
ومقدرتش أكون معشوق
ومقدرتش أكون غير ال أنا كنتو
يادوب عاشق
على برك رماه الشوق
سهرت كتير كما العشاق
ولفيت البلاد أكتب
على خد الشجر حرفين
وقلبى وسهمك المرشوق
ومقطع من قصيدة شعر
ومكتوبة علشانك
ياغنوةلسومة ولا حليم
دا حبك كان ونس وطريق
وإسمك ياما بل الريق
حفرتو
ع الرمال والصخر ف الطرقات
وانا اللى حالى علمنى
مابصش فوق
لكين الحب زى الموت
وله سكرات
أخدنى هواكى بجناحو
على ضهر السحاب مرات
وعشمنى
أكون الفارس الموعود
بجاه عرشك
ولما الوقت عدا وفات
لقيت حبك كأنه طوفان
وإنتى زى دوامة بتسحبنى
وانا بطوق النجاة مخنوق
ولقيتنى مابين خيارين
ياموت غرقان
ياموت مشنوق

ودايما بشوفك مابين ذكرياتى
جرحى اللى ناوى
يعيش طول حياتى
ويفرز فى قلبى حصرة وألم
ويحسب خطاوى السنين اللى فاتت
مابينك وبينى
ويرسم ف عينى دموع الندم
ويحبس حروف القصيدة الأخيرة
ف سجن الملل
ولا تكتمل وتصبح عدم
وانا اللى كنت شاعر بكل المعانى
وبيرم زمانى
وفارس مكانى ميدان القلم
ماتت براءة حروفه ف سطورك
وجفت بحوره
فى لحظة ظهورك
فى توب الخيانة ساعتها إنهزم
وأصبح عدمم

إذا كنت تستطيع قراءة هذا المقال فهذا يعني أن عملية التسجيل قد تمت بنجاح و يمكنك البدء بكتاية مقالاتك الخاصة فوراً.

الملف الشخصي

• الاسم: سعيد شكرى

• الصفحة الرئيسية
• الارشيف
• الالبومات
• الروابط

• رباعيات مصورة
• عشقتك موت
• توب الخيانة
• قلم وحروف ومشاعر
• مبروك!

الروابط

• البوابة
• البوابة مزيكا

• عام [5]

• RSS 2.0
• Atom 0.3