اشعار للشيخ رفيق الحريري من

شو معي لا تسألوني شو معي مافي معي الاّ آهاتي ومدمعي ودفتر عتيق ومحبرة عليها غبار وريشة قلم مكسور عاهمومي وعي

يارفيق يا صاحب القلب الرقيق كنت الأب والأخ والصديق
يا خوفي بعدك ما نضيّع الطريق
تركتنا والوطن بهمّه غريق
ياليتو حلم يللي صار
ييروح ويختفي مع طلّة النهار
وعيونك تنادي الصغار والكبار
يلّلا سوا نكمّل المشوار
شوفيك حتي الكل عليك انقهر
الكبير والصغير بموتك خاطره انكسر
من قلبو وعيونو الدمع انهمر
صرخ وقال فقدناك يا أغلى البشر
بعيونّا خيالك ما انطفا
وصوتك فينا ما اختفا
وبسمتك يلّي قهرت العدا
اغتالوها ودمّك كان الفدا
انت كبير وكِلّك أكبر من الوطن
بطموحك وأعمالك ما ساعك الزمن
وغبت عنا ورفيقنا صار الحزن
الله معك وجوارك نعم السكن

شمس الدني

غابت شمس الدني وغيّمت سما لبنان

وهبّت رياح الكون في سما مدينتا

وصار يصرخ اطفال رجال ونسوان

ويقولو رفيق احترق يا رافع رايتنا

بيروت عمتبكي والدمع بعين كل انسان

عا فراقك يا زعيم امّتنا

كنت الامل كنت للأرزة عنوان

كنت انشودة امل عا محبِّتنا

كنت الطهارة كنت الصدق والايمان

كنت معنا وعلى الخير عودتنا

لكن لاتهكلو هم يا اخوان

مع سعد الحريري رح نكفّي مسيرتنا 

لبنان بالدنيا وطن ما أجملو
أخضر والله بأرز أخضر كلّلو
بالليل عا جبالو النجوم بينزلو
وشمس الضحى بعيونها بتستقبلو
لبنان كان بالحرب واضح مشكلو
مش مشكلة خيين عم يتقاتلو
أصل البلى إيدين ياما تدخّلو
بأمورنا وكانوا الحريق يشعّلو
ولبنان هالبي الكبير بمعقلو
عقلنا عند ما قال يا ولادي عْقلو
عقلنا وطفينا النار واخدنا قرار
المشوار بالإعمار بدنا نكمّلو
ولبنان حبّو فرض منّو سوق عرض
وبكنوز كل الأرض ما منستبدلو
بدنا الوفاق يتم والإلفه تعمّ
وراية وطنّا تضم شعب بكاملو
بدنا بوطنّا كنوز المحبّه تفوز
ومن حنجرة فيروز لحن نرتّلو
ونوقف بكل مكان عادروب الزمان
نغنّي سوا لبنان يا أخضر حلو