مبروك كسبت 100الف جنيه شحن
28 آذار, 2009المش مهندس تكتك صحي الصبح زي العادة وقام طبعا مش شايف قدامه وبصوت
مجعر قال ( ياماماااااااااااااااااا فضي الحمام ) ولسه وهو بيقوم من
السرير تليفونه رن ( رسالة جديدة ) فتح الرسالة لقي مكتوب فيها مبروك
عميلنا العزيز لقد تم اختيار رقم تليفونك في السحب وكسبت 100 الف جنيه شحن
تكتك ما صدقش نفسه وقام يجري يا ماما يا بابا يا حسين ( اخوه الصغير ) يا
ناس خلاص عدينا الفقر خلاص بقينا من أصحاب الفلوس هنركب الزلاموكة وهناكل
السيموم فيميه وهنشرب عصير قصب
رد عليه بابا وقال : عليه العوض ومنه العوض فيك يا ابني انا عارفة انك كنت بتذاكر فيزيا وتكامل بالليل بس ما تخفش مع الوقت هترجع طبيعي تاني
تكتك : انت بتقول ايه يا بابا انت مش مصدقني طب هتشوفوا هتشوفوا كلكوا - وقام طلع تكتك البلكونة وبصوت عالي ياناس يا عالم اصحوا خلاص عدينا الفقر يا عم علي لو شفت بتاع النور خد منه كل الوصولات النهادرة الكهربا للمنطقة كلها علي حسابي يا عم محمود شرب الحته كلها عصر علي حسابي يا عم رامز خد عربيت الفول بتاعتك دي ومش عايز اشوفك في الحته تاني من النهاردة انا مسحت 3 حروف من قاموس حياتي ( ف و ل ) خلاص عدينا يا ناس عدينا ووصلنا .
وفي عز الفرحة في الحته والناس تحت بتدبح الخروف والدي جي شغال واللي ماسك المايكروفون عمال يقول أحلي تحية وسلام للمش مهندس تكتك اللي عدي بينا لبر الأمان جات رسالة تانية لتكتك من نفس الرقم مكتوب فيها ...
صباح
الخير عميلنا العزيز نرجوا انك تكون شربت المقلب مع كوباية ميه
هههههههههههههههههه شله الأونس وما تتأخرش علي المحاضرة الأولي احنا
مستنينك 
هههههههههههههههه
دخل بابا علي تكتك لقاه مغمن عليه 